Lukàrzɛ̀ 8:3 - Mokpwe: Bakwery (New Testament)

³ Yòwanà è jòjìyɛ̀ yà ama Kurzà ema à ma hwɛ è mòkànèlì wà hwàgbèèlì hwà mà Hɛ̀rɔ̀dì, Rzùrzanà, nà hwahvɛhvɛ hwalanà rzayì-rzayì. Hwanù hwalanà hwa mà gbeyàna ì hvèyò ja awu ò lì òŋgòwàna Yerzù, na hwà-òkòwèlì hwa eni.

Lukàrzɛ̀ 8:3 Iomraidhean Croise

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 14:6

O wùnyà wò lì ɔ̀ŋgɛ̀lɛ̀ wùùnya wò hwèŋyàyèlì hwe ama Hɛ̀rɔ̀dì wò ma ùke, Hɛ̀rɔ̀dìyàrzì e ŋmanà wa eni wa mòlanà à mà rza ŋgɔ̀mɔ̀ ò wòrzò wò hwatò hwa arzɛ ema hwa ma yòhwɛ̀hwɛ̀. Hɛ̀rɔ̀dì à mà òka mɔ̀nyɛ̀ŋgì rzayì-rzayì.

Matiyò 2:11

Nà òma hwa mà kpèeyà ò ndawò, hwa mà ɛnɛ mòŋgò ŋmɛ̀ɛ̀ŋgɛ̀ mò ŋmanà nà nyàŋgɛ Màlìyɛ̀. Hwa mà rzùma màwɔ̀ŋgɔ̀ŋgɔ̀ ò rze, rzi hwa ŋgba è ŋmanà èluhwe. Hwa mà wùrzìrzɛ̀ màhwèyà ema hwa mà jàneyà è ŋmanà. Manù màhwèyà ma mà hwɛ ndi Gòòlò, lìyɔ̀ki ema lì òhvi erzunju yà hvɛ̀ɛ̀hvɛ̀ɛ̀ ema lì hwɛ̀lɛ̀hwɛ̀ hvìlàŋgìrzɛ̀nì nà màyi.

Matiyò 20:8

“Ehvonda ya e ŋgòmbe ya Lohwà, e mòhwɛnɛ wa hvaya à mà òhweyà e mòkànèlì wa hwàgbèèlì hwa e hvaya ya eni nanù ema, ‘Rzaŋga hwàgbèèlì ò hwa rzaweya mòrzawelì me awu. O wòteyà ndi na hwatò ema hwa rzukanelì ò lì jà, rzi ò à agba natɛ̀ɛ nà e wɔ̀ ema hwa lòmeyayi lì jà.’

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Matiyò 26:11

È ò òhva mèlìrza mè hwatò nà inyɔ ì hvònda jà arzɛ ndì è rza ò nò òhva imba ì hvònda jà arzɛ.

Matiyò 27:55

Rzayi-rzayi ja hwalanà ema hwa mà wòteyà lì nɔ̀ŋgɔ nà ì òŋgòwànà Yerzù lì wòteyà ò Galìlì, hwa mà tɛ̀mɛ̀ hvòka, ò lì ɔ̀ŋgɔ mamɛ yà arzɛ ema è mà hwɛ lì gbèyɛ̀nɛ̀.

Lukàrzɛ̀ 24:10

Màlìyɛ̀ Màdalenà, Yòwanà, Màlìyɛ̀ ema à ma ŋya Jèmìrzì, nà hwanɛ̀yi hwalanà, wɔ̀ ndi hwà mà òhweyà I àpɔ̀rzìtòlò hwene hweyà.

Yòwanìrzɛ̀ 12:6

À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Hvìlipìyà 4:22

Hwàto hwa arzɛ hwa ama Krirztò hwa e omelì ikɔ̀mi, erzɛ̀hvɔ̀ni lìtumba la ama Kàyìrzà.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.