Lukàrzɛ̀ 8:2 - Mokpwe: Bakwery (New Testament)

² Lòŋgò la hwalanà ema hwà mà òhva hwèlìŋgɛ̀ hwe wòhwe, nà hwanɛ̀yi ema hwà mà òhva mehvɛhvɛ mèrziyò, ema mɔ̀ à mà wɔ̀wìrzɛ̀, wɔ̀ hvɛ hwa mà hwɛ nà mɔ̀. Hwanù hwalanà hwa mà hwɛ ndi, Màlìyɛ̀ ema à mà hwɛ̀lɛ̀hwɛ̀ Màdalenà, ema Yerzù a mà hvaye hwèlìŋgɛ̀ lìrzàmba hwe wòhwe ò nyò yà èni,

Lukàrzɛ̀ 8:2 Iomraidhean Croise

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Makòrzì 16:1

Ò mburzà yà Wùnyà wò lì Arzìyòlɛ̀, Màlìyɛ̀ Màdàlènì, Màlìyɛ̀ è nyàŋgò yà ama Jèmìrzì nà Rzàlòmɛ̀ hwa mà ànda màwɔ̀ki mà hvɛ̀ɛ̀hvɛ̀ ò lì nyààlɛ̀ ŋmììmbà mò ama Yerzù.

Makòrzì 16:9

Nà òmà Yerzù a mà hvùmùwè ò èŋge elele ya wùnyà wò wòrzò wò wiki, à mà lòma ndi lì awuŋmɛ̀lɛ̀ Màlìyɛ̀ Màdalenà. Ònò mòlanà mɔ̀ ndì Yerzù a mà hvaye hwèlìŋgɛ̀ lìrzàmbà hwe wòhwe ò nyò ya eni. Hwàŋga hwalanà rzìi hwa ɛ̀ndɛ lì òhweyà Pètrò nà hwatò ema hwà mà hwɛ nà mɔ̀ hweyà hwe arzɛ ema hwa mà, òhwahwɛlɛ, hwa mà utulɛ è mbɔrzi.

Lukàrzɛ̀ 23:27

Ŋgindi ndɛnɛ̀ è mà òŋgama Yerzù. O èŋge ŋgìndì ema e ma òŋgama Yerzù, ò mà hwɛ hwalanà ema hwà mà hwɛ lì eyaa nà lì ɛhwɛ Yerzù.

Lukàrzɛ̀ 23:49

Hwàŋga hwa arzɛ ema hwà mà hwiya Yerzù, nà hwalanà ema hwa mà mò òŋgama, lì wòteyà ò Galìlì, hwa àrzɛ hwa mà tɛ̀mɛ̀ hvòò lì ɔŋgɔ̀ mamɛ ema è mà gbèyɛnɛ.

Lukàrzɛ̀ 23:55

Hwàŋga hwalanà ema hwa mà wòteya lì òŋgama Yerzù ema hwa mà uhwɛlɛlɛ ò Galìlì, hwa mà òŋgama Jòrzɛ̀hvù, ò lì ɔŋgɔ̀ è rzɔ̀ŋgɔ̀ ema hwa mà nàŋgɛlɛ Yerzù.

Lukàrzɛ̀ 8:30

Yerzù à mà mò ijòwa nanù ema, “O hwɛ̀lɛ̀hwɛ̀ ndi njɛnɛ e?” Rzìi à mò alàhwɛ̀ nanù ema, “Nà hwɛ̀lɛ̀hwɛ̀ ndi jɔ̀ɔjɔ̀ɔ.” Onò mòtò à mà òhwa ndi nanù, èhwanja hwèlìŋgɛ̀ hwe wòhwe rzayì-rzayì hwe mà mò kpèeyà ò nyò.

Yòwanìrzɛ̀ 19:25

Yerzù nyàŋgɛ, nà nyàŋgɛ ŋmanyàŋgò wà eni, Màlìyɛ̀ jòjìyɛ̀ jà ama Klòpàrzì nà Màlìyɛ̀ Màdàlènì hwa mà tɛ̀mɛ̀ lì kòmbɛ̀nɛ̀ è mbarza yà ama Yerzù.

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.