Lukàrzɛ̀ 7:2 - Mokpwe: Bakwery (New Testament)

² Ò èŋge mbòwà ò mà hwɛ mòkànèlì mɔ̀kɔ wà hwàànèlì hwa njùma wà Ròmànì ema à mà kànèyà egbe yɔ̀kɔ yà rzònja. À mà òhva mògbèèlì wà èni ema, à mà lìŋgàne rzìi, òŋgò mògbèèlì à mà ɔ̀kirzɛ̀ natɛ̀ɛ à mà hvɛ lì ŋwa.

Lukàrzɛ̀ 7:2 Iomraidhean Croise

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Lukàrzɛ̀ 23:47

È mòtìmbèlì wà hwàànèlì hwa njùma, à mà ɛ̀nɛ mamɛ ya àrzɛ ema e ma gbèyɛ̀nɛ̀, à mà eka Lohwɛ̀ rzìi a òhwa nanù ema, “Ò jɔ̀kɛ̀, ò nò mòtò à mà hwɛ ndi mòtò wà gbamù.”

Lukàrzɛ̀ 7:1

Nà òmà Yerzù à mà kulɛ lì òhwìrzɛ̀nɛ̀ hwatò à mà tìmba ò mbòwà yà Kàpɛ̀nàwɔ̀mì.

Lukàrzɛ̀ 7:3

Nà òmà òŋgò mòkànèlì à mà hwèye lì hvòmɛ̀nɛ̀ hwègbèèlì hwe mànyakà hwe ama Yerzù, rzìi à òma hwàkànèlì hwa èŋge mbòwà ò lì ɛ̀ndɛ lì hwɛlɛ Yerzù ema à jèe à wɔ̀wìrzɛ̀ è mògbèèlì wà eni.

Lukàrzɛ̀ 8:42

èhwanja ehvòwà ya eni ya ŋmanà ŋgɔ̀ndɔ̀ wà lìyòmɛ̀ la meya nà mèhwàkɛ, e mà kòmbɛ̀nɛ̀ è kpelì. Nà òmà Yerzù a mà hwɛ lì ɛ̀ndɛ ò èŋge ndawò, è ŋgìndì è mà mò tòŋgà ì tòŋgòŋgò jà arzɛ.

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 10:7

Nà òma e aŋgèlì ema e ma hwɛ lì mò òhwirzɛnɛ e ma ɛndɛ, Kɔ̀nɛ̀lìyùrzì rzìi a hwɛlɛ hwàgbèèlì hwa eni hwahwàkɛ na ŋmanelì mɔ̀kɔ wa njuma ema mɔ̀ hvɛ à mà hwɛ lì òŋgama hweyà hwe ama Lohwɛ̀, ndèŋgànɛ̀lɛ̀ à mà hwɛ hvɛ ndi ŋmànèlì wa njuma ema à mà hwɛ lì ɔŋgeya Kɔ̀nɛ̀lìyùrzì.

Hwègbèèlì 22:26

Nà òma òŋgò ŋmànèlì wà njuma à mà hweye nanù, rzi à ɛ̀ndɛ̀ òma è mòkànèlì wà hwàànèlì hwa njuma rzìi a mò ijòwa nanù ema, “O aŋgòwa, ò hwi mamɛ ema ò arza lì gbeyà nanù e? Ò nò munyanà à hwèlì ndi wònja yà Ròmànì!”

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:3

O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Kòlòrzìyà 3:22

Inyɔ hwàkòmì, è hweyàne è wɔ̀ ema hwa è hwɛni ò ihvonda jà arzɛ. È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè èke. Ndi è hwa gbèeyà èwòlò nà ŋmèma mɔ̀kɔ ehwànja è Rzàŋgo ndi inyɔ è ŋgba èluhwe.