Lukàrzɛ̀ 5:3 - Mokpwe: Bakwery (New Testament)

³ À mà kpèeyà ò tenì yà wɔ̀lɔ̀ wò ama Rzìmɔ̀nì, rzìi à lìya ò rze, rzìi à òhweyà Rzìmɔ̀nì ema, a wò rzɛkɛlɛ teŋyi ò tenì yà yùlù. Àŋga ndi à mà wòteya lì òkòlɛ̀ è ŋgìndì.

Lukàrzɛ̀ 5:3 Iomraidhean Croise

Matiyò 4:18

Wùnyà wɔ̀kɔ Yerzù à mà hwɛ lì ɛndeya ò rzààwà yà yùlu yà Galìlì. À mà ɛnɛ hwàna hwa wunyanà hwàhwàkɛ̀ hwa nyàŋgò hvɔ̀kɔ. Rzìmɔ̀nì ema à mà hwɛ̀lɛ̀hwɛ̀ Pètrò nà ŋmanyàŋgò wà eni Àndèlè. Hwa mà hwɛ lì kòmà imbunja ja awu ò yùlu yà malìhwa, èhwanja wɔ̀ hwa mà hwɛ ndi hwatò hwa mòrzòmbò.

Makòrzì 3:10

Èhwànja Yerzù à mà wɔ̀wìrzɛ̀ rzayì-rzayì ja hwatò, ò èŋgànɛ̀lɛ̀ hwatò ema hwà mà ɔ̀kirzɛ na ihvɛ-hvɛ nyàmbɛ, hwa mà hwɛ lì àyìinɛ̀lɛ̀ ò lì mò uka nanù ema a hwa hwàkɛ màà mà eni.

Makòrzì 3:9

À mà òhweyà hwà-òkòwèlì hwa eni nanù ema hwa mò rzèkeya wɔ̀lɔ̀ èhwanja è ŋgìndì ema è ma mò àyìinɛ̀lɛ̀ è mà kòka.

Lukàrzɛ̀ 5:2

À mà ɛ̀nɛ hwèhwɛ̀ɛ̀lì hwehwàkɛ hwe mɔlɔ̀ ema hwe ma rzɛ̀ɛhwɛ̀ ò rzàawà yà èŋge yùlù. Manù mɔlɔ̀, ma mà lìyahwa ndi nà hwatò hwa mèrzòmbò, ema hwà mà hwɛ lì rzòrza ì mbunja ja awu.

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.