Lukàrzɛ̀ 5:2 - Mokpwe: Bakwery (New Testament)

² À mà ɛ̀nɛ hwèhwɛ̀ɛ̀lì hwehwàkɛ hwe mɔlɔ̀ ema hwe ma rzɛ̀ɛhwɛ̀ ò rzàawà yà èŋge yùlù. Manù mɔlɔ̀, ma mà lìyahwa ndi nà hwatò hwa mèrzòmbò, ema hwà mà hwɛ lì rzòrza ì mbunja ja awu.

Lukàrzɛ̀ 5:2 Iomraidhean Croise

Matiyò 4:18

Wùnyà wɔ̀kɔ Yerzù à mà hwɛ lì ɛndeya ò rzààwà yà yùlu yà Galìlì. À mà ɛnɛ hwàna hwa wunyanà hwàhwàkɛ̀ hwa nyàŋgò hvɔ̀kɔ. Rzìmɔ̀nì ema à mà hwɛ̀lɛ̀hwɛ̀ Pètrò nà ŋmanyàŋgò wà eni Àndèlè. Hwa mà hwɛ lì kòmà imbunja ja awu ò yùlu yà malìhwa, èhwanja wɔ̀ hwa mà hwɛ ndi hwatò hwa mòrzòmbò.

Matiyò 4:21

Nà òma hwa mà rzùrzùhweya ò wòrzò, Yerzù rzi à ɛnɛ hvɛ hwahvɛhvɛ hwàna hwa wunyanà hwahwàkɛ, hwa nyàŋgò hvɔ̀kɔ Jèmìrzì nà ŋmanyàŋgò wà eni Yòwanìrzɛ̀. Hwa mà hwɛ ò tenì yà wɔ̀lɔ̀ wɔ̀kɔ nà è rzàŋgò yà awu Rzɛ̀bɛ̀dì hwa mà hwɛ lì rzɛ̀ŋgɛnɛ imbunja ja awu. Yerzù rzìi à hwɛlɛ hwaŋga hwàna hwa wunyanà hwàhwàkɛ̀ ema hwa mò nɔŋge.

Makòrzì 1:16

Nà òmà Yerzù à mà hwɛ lì ɛndeya ò rzààwà yà yùlu yà Galìlì, rzìi à ɛnɛ Rzìmɔ̀nì nà ŋmanyàŋgò wà eni Àndèlè, hwa kòmà è mbunja ò yùlu èhwanja hwa mà hwɛ ndi hwatò hwa mòrzòmbò.

Makòrzì 1:19

Nà òma hwa mà ɛ̀ndɛ ŋmanà hvòkà yɔ̀ndɔ̀, à mà ɛnɛ hwàanà hwa ama Rzɛ̀bɛ̀dì, Yòwanìrzɛ̀ nà ŋmanyàŋgò wà eni Jèmìrzì, ò tenì yà wɔ̀lɔ̀, hwa rzɛ̀ŋgɛ̀nɛ̀ ìmbunja ja awu.

Lukàrzɛ̀ 5:1

Wùnyà wɔ̀kɔ, nà òmà Yerzù a mà tɛ̀mɛ̀ ò mòkòkò mò yùlu ya Gɛ̀narzalɛ̀tì, ŋgìndì ndɛnɛ è mà mò tòŋgà ò lì òkànèyà eyà ya ama Lohwɛ̀.

Lukàrzɛ̀ 5:3

À mà kpèeyà ò tenì yà wɔ̀lɔ̀ wò ama Rzìmɔ̀nì, rzìi à lìya ò rze, rzìi à òhweyà Rzìmɔ̀nì ema, a wò rzɛkɛlɛ teŋyi ò tenì yà yùlù. Àŋga ndi à mà wòteya lì òkòlɛ̀ è ŋgìndì.

Yòwanìrzɛ̀ 1:40

Àndèlè ema hwa mà yàhwa na Rzìmɔ̀nì Pètrò à mà hwɛ ndi mɔ̀kɔ hwa hwaŋga hwà-òkòwèlì hwahwàkɛ ema hwà mà hweyà mamɛ ema Yòwanìrzɛ̀ à mà òhwe rzìi à oŋgàmà Yerzù.