Lukàrzɛ̀ 4:4 - Mokpwe: Bakwery (New Testament)

⁴ Ndi Yerzù à mà mò alàhwɛ̀ nanù ema, “È tìlàhwì ò e kààtì ya Lohwà nanù ema, ‘Rzèketɛ èhvòòtò mɛnɛ ndi mòtò a làa ò lì hwɛ lòŋgɛ.’”

Lukàrzɛ̀ 4:4 Iomraidhean Croise

Matiyò 4:4

Ndi Yerzù à mà mò alàhwɛ̀ nanù ema, “È tìlàhwì ò è kààtì yà Lohwà nanù ema, ‘Rzèketɛ èhvòòtò mɛnɛ ndi mòtò à làa ò lì hwɛ lòŋgɛ. Ndi tɔ̀ ima mbɔrzi ema Lohwɛ̀ à òhwi yɔ̀ ndi è gbèya è mòtò wà hwènàmà à hwɛ lòŋgɛ.’”

Matiyò 6:31

“O èŋgànɛ̀lɛ̀ rzɔ è rza atàkìrzɛ̀ lì hvòmɛ̀nɛ̀ hweyà ò lì òhwa nanù ema, ‘Mamɛ jò ò lɛɛ e? Mamɛ jò ò nyɔ e? Tɔ̀ mamɛ jò ò wɔtɔ̀ e?’

Lukàrzɛ̀ 22:35

Yerzù à ma ijòwa hwà-òkòwèlì hwa eni nanù ema, “Nà òmà na mà è òme, ema è rzì lɛ̀mbɛ tɔ̀ ekpà ya wòlì, tɔ̀ lìkpà, tɔ̀ hwetambi, è mà tàkeya yòmà e?” Hwa mà mò alàhwɛ̀ nanù ema, “Tɔ̀ yòmà.”

Lukàrzɛ̀ 4:10

È tìlahwì ò Kààtì ya Lohwà nanù ema, ‘Lohwɛ̀ à ò kànèyà i aŋgèlì jà eni ò lì ò nyàŋgà,’

Lukàrzɛ̀ 4:3

Mòkarzɛ̀ rzìi a mò òhweyà nanù ema, “È hwèlì tɛ ema ò wa ndi ò hwèlì è ŋmanà wà ama Lohwɛ̀, ò kaneyà lìnì lìŋyayì lì tìmbè èhvòòtò.”

Lukàrzɛ̀ 4:8

Yerzù à mà mò alàhwɛ̀ nanù ema, “È tìlahwì ò Kaàti ya Lohwà nanù ema, kànɛ ndi Rzàŋgò Lòohwà là aŋgɔ̀, nà lì mò gbèeyà mɔ̀ ŋmìti mɛnɛ.”

Ɛ̀hvìrzìyà 6:17

È ɛndɛ tɛ o lì ana njuma, inyɔ e hwiye nanù ema e ma luwa lì oŋgirzɛ o màà mà ama Lohwɛ̀ o eŋgànɛ̀lɛ̀ rzɔ tɔ̀ mòtò a rza tànɛyi a e gbeyà tɔ̀ eyà. È o hwɛ ndi nàa e ŋmanelì wa njuma ema a wɔti e tamba ya hwɛ̀ɛkɛ̀. Ndèŋgàna e ɛndɛ tɛ, e àŋgàmɛ̀nɛ̀ lì ohva e rzɔ̀lɔ̀ ema Èlìŋgɛ̀ yà Wòtani e ma e ŋgbɛ. Èŋge rzɔ̀lɔ̀ e gbèyi ndi nàa eyà ya ama Lohwà.