Lukàrzɛ̀ 4:1 - Mokpwe: Bakwery (New Testament)

¹ Yerzù à mà uhwɛlɛlɛ ò mòrzò mò Jɔdànì, à mà ònda nà Èlìŋgɛ̀ yà Wòtani, rzìi e mò lìyɛlɛ ò lì ɛ̀ndɛ ò mòrzanjɛ̀.

Lukàrzɛ̀ 4:1 Iomraidhean Croise

Matiyò 3:16

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiya ò tenì yà màlìhwa. Ò lìŋgi lìrzàkò mɛ̀nɛ̀ è ŋmanyu yà lohwà è mà lìhvòwèyà, Yerzù rzìi mɔ̀ à ɛnɛ Èlìŋgɛ̀ yà ama Lohwɛ̀ è uhwɛ̀lɛ̀lɛ̀yi ò ŋmanyu yà lohwà rzìi è rzìhwa nàa mbeŋga è mò tɛ̀mɛ̀ ò mòhvò.

Lukàrzɛ̀ 2:27

Èlìŋgɛ̀ yà Wòtani e ma kɔ̀mɛ̀lɛ̀ Rzimìyɔ̀nì rzìi a ɛ̀ndɛ ò Ndawò yà Lohwà. O lìŋgi lìrzakò mɛnɛ, ndi Jòrzɛ̀hvù nà Màlìyɛ̀, hwa mà kpeyaneya è ŋmanà Yerzù, nà òmà è mbenda e mà àrze.

Lukàrzɛ̀ 3:3

Yòwanìrzɛ̀ a mà ɛ̀ndɛ èki ya arzɛ ema e ma tòŋgà mòrzò mò Jɔdànì. Nà òmà a mà hwɛ lì ɛ̀ndɛ, à mà òhweyà hwatò nanù ema, “È rzɔ̀njɛlɛ hwègbèèlì hwe anyu hwe wòhwe, e lùhwìrzɛ̀hwɛ̀, aŋga nanù Lohwɛ̀ a è làkìrzɛ̀ wòhwe wò anyu.”

Lukàrzɛ̀ 3:38

Kènànì à mà hwɛ ndi è ŋmanà wà ama Ɛnɔ̀rzi. Ɛnɔ̀rzi à mà hwɛ ndi è ŋmanà wà ama Rzɛti. Rzɛti à mà hwɛ ndi è ŋmanà wà ama Adàmu. Adàmu à mà hwɛ ndi è ŋmanà wà ama Lohwɛ̀.

Lukàrzɛ̀ 4:14

Yerzù à mà tìmba ò Galìlì. Èlìŋgɛ̀ yà Wòtani ema hwɛ nà mɔ̀, rzìi ŋmɛ̀ndì mò eni mò eyàlɛ̀nɛ̀ ò erzòòkà yà arzɛ.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Yòwanìrzɛ̀ 1:32

Yòwanirzɛ rzìi à mò tɛ̀meyà mbòŋgi à òhwa nanù ema, “Nà mà ɛnɛ èlìŋgɛ̀ yà wòtani è uwɛlɛlɛ ò ŋmanyu yà lohwà nàa mbeŋga rzìi è tɛ̀mɛ̀ ò ŋmanyu yà eni.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Hwègbèèlì 1:2

natɛ̀ɛ na e hvònda ema Lohwɛ̀ a mà mò gbeeyà ò lì ɛndɛ ò ŋmanyu yà lohwà. Ndèŋgàna a e ɛndɛ ò ŋmanyu yà lohwà, a mà gbeyàna e ŋginyà ya èlìŋgɛ̀ yà wòtani, ò lì òhweyà hwatò ema à mà hvɔ̀rzè nàa i àpɔ̀rzìtòlò ja eni hweyà ema hwà mà aŋgàmɛ̀nɛ̀yi lì gbeyà.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 8:39

Lìrzàkò ema wɔ̀ hwà mà anjiye ò tenì ya malìhwa, Èlìŋgɛ̀ ya ama Rzàŋgò rzìi e wòwa Hvìlìpì. Èŋge yumɛ e rzi ɛnɛ Hvìlìpì hvɛ. Ndi à mà ɛ̀ndɛ̀nɛ̀ ndi yɔ̀ndɔ ya eni ò wòrzò, na mɔ̀nyɛ̀ŋgì.