Lukàrzɛ̀ 3:8 - Mokpwe: Bakwery (New Testament)

⁸ Inyɔ e ɛndɛ e gbèèye hweyà ema hwe uŋmɛ̀lɛ̀ nanù ema e ma rzɔnjɛ̀lɛ̀ wòhwe wò anyu, rzèketɛ ò lì òhwà ò mèèmà me anyu nanù ema, ‘Ì hwèlì ndi hwàànà hwà mà Abràhamù, ò eŋgànɛ̀lɛ̀ ì rza tànɛ̀yi lì kɔ̀kìrzɛ̀hwɛ.’ Ndi nà è òhweyà ema Lohwɛ̀ à tanɛyi lì gbeyàna manù màŋyàyi ò lì ma gbeyà emà mà hwɛ hwàanà hwa ama Abràhamù.

Lukàrzɛ̀ 3:8 Iomraidhean Croise

Matiyò 21:43

Yerzù a hwatɛ hvɛ ò lì òhwa nanù ema, ‘Ene ŋgàna e gbèyi imba na e òhweyà ema, hwa ò e wòwàna hwehvòlò hwe anyu ema inyɔ e òhvi nàa hwatò hwa lìkànèyà là ama Lohwɛ̀, rzìi hweŋge hwehvòlò hwe ò ŋgbààhwà hwatò ema hwa ò gbeyɛ mamɛ ema Lohwɛ̀ a arza.’”

Matiyò 3:8

Inyɔ è ɛndɛ è gbèèye hwèyà ema hwe uŋmɛ̀lɛ̀ nanù ema è mà rzɔnjɛ̀lɛ̀ wòhwe wò anyu.

Matiyò 3:9

È rzi ɔ̀ŋgɛlɛ hvɛ̀ èma è tànɛyi lì hwaŋga hwèkɔ̀kìrzèlì hwe ama Lohwɛ̀ ò lì àwòhwànɛ̀lɛ̀ inyɔ hwiti nanù ema, è hwèlì ndi hwàànà hwa ama Abràhamù. Ndi nà è òhwèyà ema Lohwɛ̀ à tanɛ̀yi lì gbèya na manù màŋyàyi ò lì mà gbèya ema mà hwɛ hwàànà hwa ama Abràhamù.

Lukàrzɛ̀ 13:25

È hvònda yò ò jà ema e mòhwɛnɛ wà ndawò a ò tɛ̀mɛ̀ ò ŋmanyu ò lì umba lìyòhva la eni. Èŋge hvònda inyɔ̀ è ò tɛ̀mɛ̀ ò èwòkà, lì kùmba lìyòhva rzìi ya òhwa nanù ema, ‘Rzàŋgò ò jò lìhvòweyà lìyòhva.’ A yà alàhwɛ̀ nanù ema, ‘Nà rza hwi òne e uwɛ̀lɛ̀lɛ̀yi.’

Lukàrzɛ̀ 13:26

Lìŋgi lìrzàkò rzì inyɔ ya òhwa nanù ema, ‘Ì mà làalɛnɛ, ì mà nyɔ̀lɛnɛ mimba nà ò wa. Ò mà jò òkòlɛ̀ hvɛ ò mambòwà ma àrzu.’

Lukàrzɛ̀ 14:9

È mɔ̀ ema à e yòhwɛ inyɔ hwa arzɛ à jà lì e ò òhweyà nanù ema, ‘Ŋgbàà ònò mòtò ène mbòkò.’ Nàŋgɛ rzɔ ò mà ò ma tìmba ndi lì lìya nà irzɔ̀nì ò mbòkò ema è rza hwɛnɛ̀yi èluhwe.

Lukàrzɛ̀ 19:40

Yerzù rzìi à hwa alàhwɛ̀ nanù ema, “Hwa lìyayi tɛ ŋmɛ̀ɛ, màŋyàyi ŋmìti mà wòteyà lì tɛ.”

Lukàrzɛ̀ 19:9

Yerzù rzìi a mò òhweyà nanù ema, “O yàwònò, lìrzùŋgàhwa lì ma kpèeyà ò tenì yà ène ndawò. Ònò mòtò mɔ̀ hvɛ à hwèlì ndi ò mòtende mò ama Abràhamù.

Lukàrzɛ̀ 5:21

Hwà-òkòlèlì hwa mbenda nà Ihvàlìrzàyì rzìi hwa wòteyà lì arzàrzòhwɛ nanù ema, “Njɛnɛ ònò ema a hwɛ̀nyɛ̀ Lohwɛ̀ e? Njɛnɛ à tànɛyi lì làkìrzɛ̀ wòhwe lì akà Lohwɛ̀ e?”

Yòwanìrzɛ̀ 8:33

Wɔ̀ hwà mà mò alàhwɛ̀ nanù ema, “Irzɔ i hwèlì ndi e nyɔ̀ŋgɔ̀nì ya ama Abràhamù. Ndèŋgànɛ̀lɛ̀ hvɛ irzɔ i rzi hwèlì a hwɛ, tɔ̀ hwàkòmì hwa tɔ̀ mòtò tɔ̀ mɔ̀kɔ. Nɛ rzɔ ò wa òhwa ema i hwɛnì lì lùwa wònjà e?”

Yòwanìrzɛ̀ 8:39

Wɔ̀ hwà mà mò alàhwɛ̀ nanù ema, “Abràhamù mɔ̀ ndi à hwèlì e rzàŋgò ya arzu.” Yerzù rzi a hwa timbirzɛlɛlɛ nanù ema, “È ma hwɛ tɛ hwàna hwa ama Abràhamù, òma inyɔ e gbeyà ndi hwèŋge hwèwòlò ema Abràhamù à mà gbeye.

Hwègbèèlì 26:20

Lì wòteyà aŋga nà mà wòteyà lì òhwa ŋmɛ̀ndì mò gbamù. Nà ma wòteyà ò mbòwa ndɛnɛ ya Dàmàrzkɔ̀rzì, rzìi na ɛndɛ o Jèrurzalɛ̀mù, ndèŋgànà na ɛndɛ ò hwèrzòòkà hwe arzɛ hwe Irzàyɛ̀lì na ò erzòòkà ya hwatò ema hwa rza enje wònyà Yudà. Nà ma hwɛ lì hwa òhweyà nanù ema hwa hwɛmɛ lì gbeyà wòhwe hwa timbeya Lohwɛ̀, ndeŋga nanù ema hwa gbèye hweyà ema hwe uŋmɛ̀lɛ̀ nanù ema wɔ̀ hwà mà hwɛmɛ wòhwe wò awu.

Ròmànì 4:16

Ɔ̀ndeŋgàtɛ̀ Lohwɛ̀ a òhweyà ndi hwaŋga hwatò ema hwa mò lòkɛ̀yi nanù ema a gbeyà eyà ema a kàkɛ̀nɛ̀ nanù ema a gbeyà. Mɔ̀ a gbèyi ndi nanù aŋga nanù e ɛnɛhwɛ nanù ema e ndèli ya eni yɔ ndi e ma gbeyà mɔ̀ à mà òhweyà e nyɔ̀ŋgɔ̀nì ya ama Abràhamù ŋgèlì hvɔ̀kɔ ò i ŋgelì ja arzɛ nanù ema mɔ̀ à hwa gbèeyà eyà ema à mà òhwe nanù ema a gbeyà. Rzeketɛ hwatò ema hwa ika eŋge mbenda mɛnɛ ndi mɔ̀ à mà ŋgbe lìŋgi lì kàkɛ̀nɛ̀. A ma ŋgba hvɛ hwatò hwa arzɛ ema hwà mà lòkɛ̀ Lohwɛ̀ na òma Abràhamù à mà mò lòkɛ̀. Abràhamù ndi à hwèlì e tatɛ̀ ya irzɔ hwa arzɛ.

Ròmànì 9:7

Ndeŋgànɛ̀lɛ̀ rzeketɛ e nyɔ̀ŋgɔ̀nì yà arzɛ yà ama Abràhamù ndi è hwèlì hwàànà hwa ama Lohwɛ̀. Lohwɛ̀ à mà òhweyà Abràhamù nanù ema, “O ò lùwa ndi mèmbamba mè aŋgɔ̀, ò mòtende mò è ŋmanà wà munyanà wà aŋgɔ̀ Irzàkì.”

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.