Lukàrzɛ̀ 3:3 - Mokpwe: Bakwery (New Testament)

³ Yòwanìrzɛ̀ a mà ɛ̀ndɛ èki ya arzɛ ema e ma tòŋgà mòrzò mò Jɔdànì. Nà òmà a mà hwɛ lì ɛ̀ndɛ, à mà òhweyà hwatò nanù ema, “È rzɔ̀njɛlɛ hwègbèèlì hwe anyu hwe wòhwe, e lùhwìrzɛ̀hwɛ̀, aŋga nanù Lohwɛ̀ a è làkìrzɛ̀ wòhwe wò anyu.”

Lukàrzɛ̀ 3:3 Iomraidhean Croise

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Lukàrzɛ̀ 1:16

A ò tìmbirzɛ mèèmà me rzayì-rzayì ja wònyà Irzàyɛ̀lì ò ma Rzàŋgò, ema a hwèlì Lòohwà la awu.

Lukàrzɛ̀ 1:77

O ò gbeyà hwatò hwa aŋgɔ̀ ò lì hwiyà ema, Lohwɛ̀ ama hwa òŋgìrzɛ̀ èhwanja à mà làkìrzɛ̀ wòhwe wò awu.

Lukàrzɛ̀ 4:1

Yerzù à mà uhwɛlɛlɛ ò mòrzò mò Jɔdànì, à mà ònda nà Èlìŋgɛ̀ yà Wòtani, rzìi e mò lìyɛlɛ ò lì ɛ̀ndɛ ò mòrzanjɛ̀.

Yòwanìrzɛ̀ 1:28

Hwenè hweyà hwe arzɛ hwe mà gbèyɛ̀nɛ̀ ndi ò è mbòwà yà Bɛ̀tanì ò enɛ̀yi èhvàrzù yà mòrzò mò Jɔdànì ema Yòwanìrzɛ̀ à mà hwɛ lì lùhwìrzɛ̀ hwatò.

Yòwanìrzɛ̀ 3:26

Hwà mà jèeyà Yòwanìrzɛ̀ rzìi hwa mò òhweyà nanù ema, “Ìi Mòòkòlèlì kòkò, ò ɔ̀ŋgɛ̀lɛ̀ e mòtò ema à mà hwɛ na ò wa ɔ̀nɛyi èhvarzù ya mòrzò mò Jɔdànì e? È mɔ̀ ema ò ma hwɛ lì òhwa hweyà lì mò hvòmɛ̀nɛ̀. Wa ɔ̀ŋgɔ tɛ! Mɔ̀ ndi à lùhwìrzɛ̀ hwatò nanù! Ndeŋgana rzayi-rzayi ja hwatò hwa mò ɛndeya.”

Hwègbèèlì 13:24

Ndeŋgana Yerzù a e wòteyà èwòlò ya eni, Yòwanìrzɛ̀ à mà òhweyà hwatò hwa arzɛ hwa Irzàyɛ̀lì nanù ema, hwa tikòwe ò wòhwe wò awu na lì lùhwìrzɛ̀hwɛ̀.

Hwègbèèlì 19:4

Pàwolò rzìi a òhwa nanù ema, “È nyayi ya lì lùhwìrzɛ̀ ema Yòwanìrzɛ̀ à mà hwɛ lì òhwa, e ma hwɛ ndi ò hwatò ema hwà mà tikòwɛ ò wòhwe wò awu. Yòwanìrzɛ̀ à mà hwe lì òhweyà hwatò hwa Irzàyɛ̀lì ò lì lòkɛ̀ e mɔ̀ ema a ò jɛ̀ɛ̀ ò mburza ya eni, ema a hwèlì Yerzù.”

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”