Lukàrzɛ̀ 3:1 - Mokpwe: Bakwery (New Testament)

^1-2 È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Lukàrzɛ̀ 3:1 Iomraidhean Croise

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 14:6

O wùnyà wò lì ɔ̀ŋgɛ̀lɛ̀ wùùnya wò hwèŋyàyèlì hwe ama Hɛ̀rɔ̀dì wò ma ùke, Hɛ̀rɔ̀dìyàrzì e ŋmanà wa eni wa mòlanà à mà rza ŋgɔ̀mɔ̀ ò wòrzò wò hwatò hwa arzɛ ema hwa ma yòhwɛ̀hwɛ̀. Hɛ̀rɔ̀dì à mà òka mɔ̀nyɛ̀ŋgì rzayì-rzayì.

Matiyò 22:17

O jò òhweyà rzɔ nɛ ò wa ò ɛni ene eyà. È mbenda ya arzu e òhwa ndi nanù ema i rzaweya Kayirzà e kiŋgɛ ya Ròmànì è njàŋge ya lìkànèyà e?”

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Makòrzì 6:17

Hɛ̀rɔ̀dì à ma òhwa nanù èhwanja, a mà hwɛ à mà ŋgba lìlò nanù ema hwa ŋgbaŋgɛ̀ Yòwanìrzɛ̀ e Mùlùhwìrzèlì. Hwa mà mò lɛ̀mbɛ, hwa mò kaka rzìi hwa mò ika ò hwèwòwà. À mà gbeyà ndi nanù èhwanja à mà hwàà Hɛ̀ròdìyàrzì è jòjìyɛ̀ ya ama ŋmanyàŋgò wà èni Hvìlìpì.

Makòrzì 6:21

Ò lìrzukù, Hɛ̀ròdìyàrzì à mà lùwa e njiya ema ama arze. Wòŋgò wùnyà ndi wò ma hwɛ e ndèma ya lì ɔ̀ŋgɛ̀lɛ̀ hwèŋyàyèlì hwe ama Hɛ̀rɔ̀dì. À ma yòhwɛ hwatò hwa ndɛnɛ hwa Gɔ̀mɛ̀ndì na hwàkànèlì hwa ndɛnɛ hwa hwàànà njùma, na hwèwàŋgì hwe erzòòkà ya Galìlì.

Lukàrzɛ̀ 13:31

O lìŋgi lìrzàkò lòŋgò la Ihvàlìrzàyì hwa mà jèeyà Yerzù, rzi hwa mò òhweyà nanù ema, “Anjiya anù, ò ɛ̀ndɛ̀ ehvɛhvɛ èki èhwanja kìŋgɛ̀ Hɛ̀rɔ̀dì à arza lì ò òŋwà.”

Lukàrzɛ̀ 2:1

O hwèŋge hwèyu, ema Àgurzitùrzì, Kayirzà yà Ròmànì à mà akɛlɛ e njàmbɛ̀, à ma hwatò hwa arzɛ ema hwa hwèlì ò rze yà lìkànèyà la eni, hwa ɛ̀ndɛ hwa tìle mìinà me awu.

Lukàrzɛ̀ 23:24

Aŋgà ndi Pìlatò à akɛlɛ è mbàkò ema è ŋgìndì e mà àrze.

Lukàrzɛ̀ 3:19

Yòwanìrzɛ̀ à mà kànja hvɛ Hɛ̀rɔ̀dì è mòkànèlì, èhwanja à mà gbeyà wòhwe ò lì hwàà Hɛ̀ròdìyàrzì è mòlanà wà ama ŋmanyàŋgò, nà hwehvɛhvɛ hweyà hwe wòhwe ema a mà gbèye.

Lukàrzɛ̀ 9:7

Hɛ̀rɔ̀dì ema à ma hwɛ è mòkànèlì wà èkòme yà Galìlì à mà hwèya mamɛ ya arzɛ ema e ma gbèyɛnɛ. Ŋmèèmà mò eni mò mà mò tàkirzɛ èhwanja lòŋgò la hwatò hwa mà hwɛ ndi lì òhwa nanù ema, Yòwanìrzɛ̀ è Mòlùhwìrzèlì mɔ̀ ndì à mà hvùmùwɛ̀.

Hwègbèèlì 23:26

“Imba Klàwùdìyùrzì Lìrzìyàrzì ndi na ò tilelì ini itita ò wa Hvɛlìkrzi e mòkànèlì wa èluhwe ndɛnɛ. Nà ò kɔ̀mi.

Hwègbèèlì 24:27

O mburzà meya me hwàkɛ, Pòkìyùrzì Hvɛ̀rzìtùrzì mɔ̀ ndi à mà wòwa e mbòkò ya lìkànèyà la ama e mòkànèlì Hvɛlìkrzi. Hvɛlìkrzi à mà kìnyɛ̀lɛ̀ Pàwolò ò hwèwòwà ehwànja à mà arza lìinà la gbamù ò wòrzò wò hwatò hwa wònyà Yudà.

Hwègbèèlì 26:30

Nà òma Pàwolò à mà kulɛ lì òhwa nanù, Kìŋgɛ̀ Agrìpa, Hvɛ̀rzìtùrzì e mòkànèlì, Bɛ̀nìrzì na hwanɛ̀yi ema hwà mà lìya na wɔ̀, rzìi hwa tɛ̀mɛ̀nɛ ò lì wurza.

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.