Lukàrzɛ̀ 22:3 - Mokpwe: Bakwery (New Testament)

³ Mòkarzɛ̀ à mà kpèeyà mòòkòwèlì mɔ̀kɔ wà ama Yerzù ema à ma hwɛ̀lɛ̀hwɛ̀ Jùdàrzì. Lìnɛ̀yi lìna la eni hvɛ lì mà hwɛ ndi Ìrzìkalìyɔ̀tɛ̀. Jùdàrzì à ma hwɛ ndi mɔ̀kɔ wà lìyòmɛ̀ la hwà-òkòwèlì nà hwàhwàkɛ̀ hwa ama Yerzù.

Lukàrzɛ̀ 22:3 Iomraidhean Croise

Matiyò 10:4

Rzìmɔ̀nì mòtò ema lì emeyà la eni lì rza àyèŋgòwɛ̀, na Jùdàrzì Ìrzìkarìyɔ̀tɛ̀, ema à mà àhwirzɛ̀ Yerzù.

Matiyò 26:23

Yerzù rzìi à hwa alàhwɛ̀ nanù ema, “Mɔ̀kɔ wà anyu ema à tɔ̀tɔ ehvòòtò yà eni ò mɔ̀njɔ nà imba à ò nò àhwirzɛ̀.

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Lukàrzɛ̀ 22:21

Ndi è ɔ̀ŋgɔ tɛ è mɔ̀ ema à ò nò ahwìrzɛ̀ à hwèlì anù, à làa nà ìmba.

Lukàrzɛ̀ 6:16

Jùdàrzì e ŋmanà wà amà Jèmìrzì nà Jùdàrzì Ìrzìkarìyɔ̀tɛ̀ ema à ma àhwirzɛ̀ Yerzù.

Yòwanìrzɛ̀ 12:6

À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 13:2

Yerzù na hwà-òkòwèlì hwa eni hwà mà hwɛ lì laa Mòlèlì mò ŋgòmbe. Mòkarzɛ̀ à mà hwɛ à mà màa lì ika màlùtèyà ma wòhwe ò ŋmèma mo ama Jùdàrzì Ìrzìkalìyɔ̀tɛ̀ ò lì àhwirzɛ̀ Yerzù. Jùdàrzì Ìrzìkalìyɔ̀tɛ̀ à mà hwɛ ndi e ŋmanà wa mùnyanà wa ama Rzìmɔni.

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.