Lukàrzɛ̀ 2:2 - Mokpwe: Bakwery (New Testament)

² Iŋgi jaŋgì ndi ì ma hwɛ è jà wòrzò. Èŋge hvònda ɔ̀ndi Kpìlìnurzì a mà hwɛ è mòkànèlì hwà èkòmè ya Rzilìyà.

Lukàrzɛ̀ 2:2 Iomraidhean Croise

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Lukàrzɛ̀ 2:1

O hwèŋge hwèyu, ema Àgurzitùrzì, Kayirzà yà Ròmànì à mà akɛlɛ e njàmbɛ̀, à ma hwatò hwa arzɛ ema hwa hwèlì ò rze yà lìkànèyà la eni, hwa ɛ̀ndɛ hwa tìle mìinà me awu.

Lukàrzɛ̀ 2:3

O èŋgànɛ̀lɛ̀ mòtò tɛ à mà ɛ̀ndɛ ò mbòwà yà èni ò lì tìlìrzɛ lìinà la eni.

Lukàrzɛ̀ 3:1

È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Hwègbèèlì 13:7

Ba-Yerzù à mà hwɛ ndi e mbunda ya ama Rzɛ̀gìyùrzì Pàwùlùrzì. Rzɛ̀gìyùrzì Pàwùlùrzì mɔ̀ ndi à mà hwɛ e mòkànèlì wa eŋge yòndi. A ma hwɛ ndi mòtò ema à mà òhva lìhwiyè rzayi-rzayi. Oŋgò Gɔ̀winà, rzìi a hwɛlɛ Bànàbàrzì na Rzàwòlò èhwanja, à mà arza lì òkànèyà Eyà ya Lohwà.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 23:26

“Imba Klàwùdìyùrzì Lìrzìyàrzì ndi na ò tilelì ini itita ò wa Hvɛlìkrzi e mòkànèlì wa èluhwe ndɛnɛ. Nà ò kɔ̀mi.

Hwègbèèlì 26:30

Nà òma Pàwolò à mà kulɛ lì òhwa nanù, Kìŋgɛ̀ Agrìpa, Hvɛ̀rzìtùrzì e mòkànèlì, Bɛ̀nìrzì na hwanɛ̀yi ema hwà mà lìya na wɔ̀, rzìi hwa tɛ̀mɛ̀nɛ ò lì wurza.

Hwègbèèlì 5:37

O mburzà nanù, ò èŋge hvònda ema hwà mà hwɛ lì tìla mìinà, òma hwɛ mòtò à mà hwɛ̀lɛ̀hwɛ̀ Jùdàrzì mòtò ema a uwɛ̀lɛ̀lɛ̀yi ò Gàlìlì. A ma kòòhwa hwatò ò lì mò òŋgama. Mɔ̀ hvɛ à mà òŋwahwa, ò èŋgànɛ̀lɛ̀ hwànɔ̀ŋgèlì hwa eni hwa arzɛ hwà mà bùweyà.