Lukàrzɛ̀ 1:1 - Mokpwe: Bakwery (New Testament)

¹ Ìi Tìyòhvilɔ̀rzì: Mòtò wà èluhwe, rzayì-rzayì ja hwatò hwa mà lìya ò lì tìla mɔ̀nɔ̀ŋgèlì mò hweyà ema hwe ma gbeyɛ̀nɛ ò ìtììtènì ja àrzu.

Lukàrzɛ̀ 1:1 Iomraidhean Croise

Makòrzì 16:20

Hwà-òkòwèlì rzìi hwa wùrza, hwa ɛ̀ndɛ lì òhwa Ŋmɛ̀ndì mò Gbamù ò èki ya arzɛ. È Rzàŋgò è mà hwɛ nà wɔ̀ rzìi à hwa ŋgba è ŋginyà ò lì gbeyà hweyà hwe mànyakà ò lì uŋmɛ̀lɛ̀ nanù ema màmɛ ema hwa òhwa e hwèlì ndì e jɔ̀kɛ̀. [

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Ròmànì 14:5

Lòŋgò la hwatò hwa lùtèyà nanù ema ò hwèlì lòŋgò la hweyu ema hwe hwɛni wòlìtò lì aka hwenɛyi. Lòŋgò la hwatò hvɛ hwa lùtèyà ndi nanù ema hweyu hwe arzɛ hwe hwèlì ndi nyayi hvɔ̀kɔ. Inyɛ̀ tɔ̀ ima mòtò a wòwe nanù ema tɔ̀ mamɛ ema a lùtèlì e mò lɔ̀ɔnì.

Ròmànì 4:21

A ma lòkɛ̀ na e tɛ̀ɛ̀tɛ̀ɛ nanù ema Lohwɛ̀ a gbeyà mamɛ à mà kàkɛ̀nɛ̀.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 1:5

I hwi nanù ehwànja è hvonda ema ì mà è jèeyà rzi jè è ohweyà Ŋmɛ̀ndì mò Gbamù, rzeketɛ mbɔrzi mɛnɛ ndi ì mà è jàneyà. Ndi è ŋginyà yà èlìŋgɛ̀ yà wòtani yɔ̀ ndi è mà gbeyà ɔ̀ndeŋgàtɛ̀ i mà ohwa mòŋgo ŋmɛ̀ndì mò gbamù nà ŋginyà, ndèŋgànɛ̀lɛ̀ i mà hwɛ lì lòkɛ̀ nanù ema tɔ̀ mamɛ ema i mà hwɛ lì ohwa è mà hwɛ ndi è jɔ̀kɛ̀. Inyɔ è hwi nà oma ɛ̀ɛ̀mɛ̀ yà arzu è mà hwɛ è hvonda ema ì mà hwɛ nà inyɔ. Mamɛ è mà gbeyà eŋge ɛ̀ɛ̀mɛ̀ ò lì hwɛ nanù, è mà hwɛ ndi ò lì è oŋgowàna.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

2 Tìmotì 4:17

Ndi Rzàŋgo à mà hwɛ na imba à nò ŋgba hvɛ e ŋginyà. O eŋgànɛ̀lɛ̀ nà mà tànɛyi lì ohwa Ŋmɛ̀ndì mò Gbamù mò arzɛ mò ama Lohwɛ̀ nyayi ema hwaŋga hwatò ema hwa rza enje wònyà Yudà hwà mà mò òkànèyà. Rzàŋgo à mà no rzùŋgà ema hwa rzi no akɛ̀lɛ̀lɛ̀ e mbako ya kpelì.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 6:11

Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.