Hwèwulùwèlì 2:3 - Mokpwe: Bakwery (New Testament)

³ Nà hwi nanù ema o lìinà la ami e ma wɛ̀lìrzɛ̀nɛ̀ ndèŋgànɛlɛ e ma àjùlɛ̀nɛ̀ mètàkà. Ndi tɔ̀ nɛ mèèmà me anyu me eti na oma e no oŋgama.

Hwèwulùwèlì 2:3 Iomraidhean Croise

Makòrzì 15:21

È hvònda hwa mà hwɛ lì ɛ̀ndɛ, hwa mà ùŋmanɛ̀lɛ mòtò mɔ̀kɔ à ma uhwɛlɛlɛ ò mbòwà ya Rzilìni, hwa mà mò hwɛlɛ ndi Rzìmɔ̀nì. Rzìmɔ̀nì à mà hwɛ ndi è rzàŋgò yà ama Àlɛ̀rzanda na Lùhvɔ̀rzì. Rzìmɔ̀nì à mà hwɛ lì aka ò lì kpèeyà ò mbòwà, rzìi hwa mò lɛ̀mbɛ, hwa mò kànèyà ò lì hwanɛ̀ è mbàrza yà ama Yerzù.

Lukàrzɛ̀ 14:27

Tɔ̀ njɛnɛ hvɛ ema a rza hwanɛ̀yi è mbarzà yà èni, ò lì nò oŋgàmà, à rza tanɛ̀, lì hwɛ è mòòkòwèlì wà amì.

Lukàrzɛ̀ 18:1

Yerzù rzìi a kpɛ̀ɛya hwà-òkòwèlì hwa eni ŋmàna àma hwa hwɛ ndi ò màkanɛ̀ ihvònda ja àrzɛ. Hwa rzì kèka lì tùulɛ̀ mèèmà.

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Lukàrzɛ̀ 5:5

Rzìmɔ̀nì à mà tìmbirzɛlɛlɛ nanù ema, “Rzàŋgò kòkò, ì kòmeyayi ì mbunja ja arzu wuwu wò arzɛ, ndi ì rza lɛ̀mbì tɔ̀ yòmà! Ndi nà gbeyà na òmà ò òhwi.”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Ròmànì 12:12

Inyɛ̀ tɔ̀ ima mòtò a hwɛnɛ mɔ̀nyɛ̀ŋgì na lìhvìtà ema a hwɛni. Inyɛ̀ tɔ̀ ima mòtò a àjùlɛ̀ ò tenì ya mètàkà. Tɔ̀ ima mòtò àjùlɛ̀ ò tenì ya màkanɛ̀.

Ròmànì 16:12

È kɔmè Trìhvàyènà na Trìhvòrza, hwaŋga hwalanà ema hwa gbèeyà e Rzàŋgò èwòlò ya màyìmbì. È kɔmè Pɛ̀rzìrzì e mbunda ya ami ya màlìŋgò, òhvɛhvɛ mòlanà ema à mà gbèyɛ èwòlò rzayi-rzayi ò lìna la ama e Rzàŋgò.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 8:25

Ndi jì ikayi tɛ màhvìtà mà arzu ò mamɛ ema i rza ɛnɛ̀, ja e ambɛ̀lɛ na lì àjùlɛ̀.

1 Kɔ̀rintìyà 13:7

È mòtò ema a uŋmɛ̀lɛ̀ hwatò e ndìŋgɛ, a rza kìnyɛ̀lɛ̀, a ohvi lì lòkɛ̀ ihvonda ja arzɛ. A hwɛnì lìhvìtà ihvonda ja arzɛ, a kakànà hvɛ hwèèmà hwe arzɛ mèèmà ihvonda ja arzɛ.

1 Kɔ̀rintìyà 16:16

e arzihwirzɛ o rze ya ini nyayi ja hwatò, ndèŋgàna ya arzihwirzɛ hvɛ o rze ya tɔ̀ ima mòtò ema a gbeyà ene tumba ya èwòlò.

2 Kɔ̀rintìyà 10:15

Irzɔ i rza kùmba màà mà arzu o kòkò lì aka lìmɛni ema i hwɛni lì kumba, eŋge ŋgàna e ohwa ndi nanù ema, irzɔ i rza kùmba màà mà arzu o kòkò lì hvomɛ̀nɛ̀ èwòlò ema hwahvɛhvɛ hwatò hwà mà gbeyɛ. Ndi irzɔ jo ikayi mahvita nanù ema na oma lì lòkɛ̀ la anyu lì olohwa, nanù ndi èwòlò ema i gbeyà e o nyàla o weki ema i gbèeyà hwèwòlò.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 4:1

Ìilì ja ama Lohwɛ̀ jɔ ndi i gbèyi ema jo òhwe mono ŋmɛ̀ndì o èŋgànɛ̀lɛ̀ i rza kpa mèèmà.

2 Kɔ̀rintìyà 4:16

Lìtìŋga lìinì ɔ̀ndeŋgàtɛ̀ i rzi tu mèèmà o lì ohwa ŋmɛ̀ndì mò gbamù. Tɔ̀ nɛ i ŋginyà ja arzu e hwèlì lì ɔ̀ndeyà, ndi Lohwɛ̀ a jo ŋgbà ŋginyà o tenì ja arzu.

2 Kɔ̀rintìyà 5:9

O èŋgànɛ̀lɛ̀ rzɔ, mèèmà me arzu me arzɛ me hwɛni ndi lì hwɛ o lì lìŋgirzɛ Yerzù o mamɛ ya arzɛ ema i gbeyà, ŋga i hwɛ o nyàmà ya nyo tɔ̀ i rzi hwɛ.

2 Kɔ̀rintìyà 6:5

Ima ananahwa, ima ikahwa o hwèwòwà, ŋgindi e ma jo urzuweyà. I ma gbeyà èwòlò ema ye eti, i ma lìya ehvɛ̀nyɛ̀ na njàwò.

Gàletìyà 6:2

È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

Hvìlipìyà 4:3

Mbunda ami kòkò, ema ì gbèyɛnɛ èwòlò, nà ò atɛ̀kɛ̀ nanù ema ò òŋgowane hwanu hwalanà hwahwàkɛ nanù ema hwa àwohvanɛ̀ mɔ̀kɔ nà ɔnɛyi ɛ̀yɔ̀lɛ̀. Hwanu hwalana hwahwàkɛ, Klɛ̀mɛ̀ntì nà hwahvɛhvɛ hwàgbèèlì hwa mà hwɛ ò toŋgoŋgo yà ami. Irzɔ nà wɔ̀ ì mà gbeyà èwòlò gbamù, aŋga nanù imba nà ò tànɛ lì ohwa ŋmɛ̀ndì mò gbamù. Mììnà mà awu mà arzɛ mà hwèlì ò tenì yà è kààtì yà lòŋgɛ.

Kòlòrzìyà 1:11

Ì kanɛ̀ hvɛ nanù mɛnɛ ema Lohwɛ̀ à è embɛ nà è ŋginyà yà eni ndɛnɛ, aŋga nanù è tànɛ ò lì ajùlɛ̀, è kakè mèèmà mè anyu, ò lì okànà hweyà hwe arzɛ mɔ̀nyɛ̀ŋgì.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

1 Tɛ̀rzàlonìyà 5:12

Ìmbunda ja arzu kòkò, je e rzorzomeya o lì ŋgba hwaŋga hwatò ema hwa e oŋgowàna èluhwe rzayi-rzayi. Wɔ̀ ndi hwa e timbaa, na o lì e okòlɛ nɛ mòŋgɛ ma anyu ma aŋgàmɛnɛ lì hwɛ nàa hwatò hwa ama Krirztò.

2 Tɛ̀rzàlonìyà 3:13

Ndi inyɔ wònyàmòwe kòkò, e rza hwɛni lì ɔ̀tɔ̀ o lì gbeyà hweyà hwe gbamù.

2 Tɛ̀rzàlonìyà 3:5

Inyɛ̀ Rzàŋgo Yerzù Krirztò mɔ̀ ŋmìti à è gbeye o lì a embɛ nɛ Lohwɛ̀ à è lìŋgàni, ndeŋgànɛlɛ ema inyɔ hvɛ àjùlɛ̀ nà oma Yerzù mɔ̀ hvɛ ŋmìti à mà àjùlɛ̀.

2 Tɛ̀rzàlonìyà 3:8

È hwi nanù ema i rzi laane tɔ̀ mòtò tɔ̀ mòlelì ema i rzi rzaahwɛ. Ndi irzɔ i ma gbeyà èwòlò na morzimbɔ mo ndɛnɛ ŋmerze na wuu nanù ema i rzi tàkirzɛ tɔ̀ mɔ̀kɔ wa anyu.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

Hibrù 10:36

È hweni ndi o lì àjùlɛ̀, aŋga nanù e gbeyà ndi na oma Lohwɛ̀ a àrzeyà, ndèŋgàna inyɔ e lùwa mamɛ ema Lohwɛ̀ a kàkɛ̀nɛ̀ nanù ema e luwa.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

Hibrù 6:12

Irzɔ i rza arza nanù ema inyɔ e hwɛ rzìŋgà, ndi inyɔ e hwɛ nàa hwaŋga ema hwa lòkɛ̀yi rzìi hwa ohvi la àjùlɛ̀, ndi e hwɛ nàa hwaŋga ema hwa wowa yòma ema Lohwɛ̀ à mà kàkɛ̀nɛ.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

2 Pètrò 1:6

O ŋmanyu ya lìhwiyè la anyu, e hwi hvɛ lì àwòhvɛ̀lɛ̀ la anyu. O ŋmanyu ya lì àwòhvɛ̀lɛ̀ la anyu, e kake mèèmà me anyu. O ŋmanyu ya lì kaka la mèèmà me anyu, ɛ̀ɛ̀mɛ̀ ya anyu e àŋgàmɛ̀nɛ̀yi ndi lì hwɛ nàa ɛ̀ɛ̀mɛ̀ ya hwatò hwa Lohwà e hwɛni lì hwɛ.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.