Hvìlipìyà 4:3 - Mokpwe: Bakwery (New Testament)

³ Mbunda ami kòkò, ema ì gbèyɛnɛ èwòlò, nà ò atɛ̀kɛ̀ nanù ema ò òŋgowane hwanu hwalanà hwahwàkɛ nanù ema hwa àwohvanɛ̀ mɔ̀kɔ nà ɔnɛyi ɛ̀yɔ̀lɛ̀. Hwanu hwalana hwahwàkɛ, Klɛ̀mɛ̀ntì nà hwahvɛhvɛ hwàgbèèlì hwa mà hwɛ ò toŋgoŋgo yà ami. Irzɔ nà wɔ̀ ì mà gbeyà èwòlò gbamù, aŋga nanù imba nà ò tànɛ lì ohwa ŋmɛ̀ndì mò gbamù. Mììnà mà awu mà arzɛ mà hwèlì ò tenì yà è kààtì yà lòŋgɛ.

Hvìlipìyà 4:3 Iomraidhean Croise

Lukàrzɛ̀ 10:20

Ndi tɔ̀ nanù e rzì kèka lì òkà mɔ̀nyɛ̀ŋgì èhwanja hwèlìŋgɛ̀ hwe wòhwe hwe è hweyànà ndì e òkè mɔ̀nyɛ̀ŋgì ema mìinà ma anyu ma tìlahwì ò ŋmanyu ya Lohwà.”

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 16:12

È kɔmè Trìhvàyènà na Trìhvòrza, hwaŋga hwalanà ema hwa gbèeyà e Rzàŋgò èwòlò ya màyìmbì. È kɔmè Pɛ̀rzìrzì e mbunda ya ami ya màlìŋgò, òhvɛhvɛ mòlanà ema à mà gbèyɛ èwòlò rzayi-rzayi ò lìna la ama e Rzàŋgò.

Ròmànì 16:9

È kɔmè Ubànùrzì, ema mɔ̀ hvɛ a hwèlì ndi mɔ̀kɔ wa arzu ema i gbèeyɛnɛ èwòlò ya ama Krirztò. È kɔmè hvɛ e mbunda ya ami ya ndìŋgɛ ya màlìŋgò Rztàkìrzì.

Hvìlipìyà 1:12

Wònyàmòwe kòkò, na arza nanù ema e hwiye nanù ema hweyà ema hwe no gbèyɛ̀nɛ̀yi anu, hweŋge hweyà hwe oŋgowani rzayi-rzayi nanù ema ŋmɛ̀ndì mò gbamù mo nyàle lì ɛndɛ o worzo.

Hvìlipìyà 1:16

Hwatò ema hwa ohwa eyà ya Lohwà na mèèmà me gbamù, hwa mo ohwa ndi ehwànja hwa no lìŋgàni, ndèŋgànɛlɛ wɔ hwa hwi nanù ema Lohwɛ̀ à mà emeyà nanù ema na hwɛ anu hwèwòwà aŋga nanù imba na ohwa nanù ema ŋmɛ̀ndì mò gbamù mo rza enje mòlàŋgà, mo hwèlì ndi e jɔ̀kɛ̀.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 1:5

Nà ŋgbà jèka tɔ̀ ima hvonda ò nyòla jòòŋgwànɛ̀ ema è nò ŋgba ò lì ohwa ŋmɛ̀ndì mò gbamù, lì wòteyà è hvonda ema è mà mò hwèye, rzi è mò lòkɛ̀, nàtɛ̀ɛ nà naŋgɛ.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Hvìlipìyà 4:2

Yùdìyà na Rzìntìkɛ̀ na e atɛkɛ nanù ema e ahweyànɛlɛ, ehwànja inyɔ hwahwàkɛ e hwèlì ndi indomɛ ja arzu ema i lòkɛ̀ Rzàŋgo Yerzù.

Kòlòrzìyà 1:7

Èpàhvràrzì, è mògbèèlì wà ama Yerzù Krirztò, mɔ̀ ndi à mà è ohweyà moŋgo ŋmɛ̀ndì. À hwèlì ndi mòtò ema i gbeyànɛlɛ èwòlò ndeŋgànɛlɛ ì mò lìŋgàni rzàyi-rzàyi. À gbèeyà ndi Yerzù Krirztò èwòlò nà ŋmèma mɔ̀kɔ. Nà oma à hwèlì nà inyɔ, èwòlò ema ì mà hwɛnɛ lì gbeyà yɔ̀ ndi mɔ̀ à hwèlì à gbeyà nanù.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.

Hwèwulùwèlì 20:12

Aŋga ndi nà mà ɛnɛ hwatò ema hwa mà màa lì ŋwa, hwatò ema hwa hwèlì wòlìto nà hwaŋga ema hwa rza enje wòlìtò, hwa tɛ̀mì ò worzò wò eŋge kònda yà lìkànèyà. È kààti ema Lohwɛ̀ à mà tile hwɛ̀ɛ̀mɛ̀ hwe awu ò tenì, hwa mà è lìhvowa, ndèŋgànɛ̀lɛ̀ ehvɛhvɛ è mà lìhvowàhwa. Èŋge ndi è mà ohva mìinà mà hwatò ema hwa ò hwɛ̀ɛ̀ nà Lohwɛ̀ natɛ̀ɛ nà ò gbìndèyà. Lohwɛ̀ à ò kàyìrzɛ̀ hwatò ema hwa mà ŋwɛ̀ɛ̀, lì wowàna hwɛ̀ɛ̀mɛ̀ hwe awu nà oma è tìlahwì ò tenì yà eŋge kààti.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.

Hwèwulùwèlì 21:27

Tɔ̀ yoma yà mbìndo tɔ̀ yɔ̀kɔ, tɔ̀ mòtò ema à gbeyà hweyà hwe wòhwe, tɔ̀ mòtò ema à kɔ̀ɔ hweyà, tɔ̀ mɔ̀kɔ wà awu a rza ò kpèeyà ò tenì yà eŋge mbowà ndɛ̀ɛ̀ndɛ̀. Hwàto ema mìinà mà awu mà hwèlì ò tenì yà è kààti yà lòŋgɛ yà ama è Ŋgumà yà Mɔ̀lɛ̀ŋgù wɔ̀ mɛnɛ ndi hwa ò kpèeyà ò tenì.

Hwèwulùwèlì 3:5

Tɔ̀ njɛnɛ ema à lìya lì aka hweyà hwe wòhwe, mɔ̀ hvɛ à ò wɔ̀tɔ̀ mòŋgòmbè mò mbɔ̀mi, nà oma wɔ̀hvɛ hwa ò wɔ̀tɔ̀, ndèŋgànɛ̀lɛ̀ nà rza ò ulɛ̀ lìinà là eni ò è kààtì yà lòŋgɛ. Nà ò ohwa ò worzo wò ama è Tatɛ̀ yà ami nà ò worzo wò ama i aŋgèlì jà eni nanù ema hwa hwèlì ndi hwatò hwa ami.