Ɛ̀hvìrzìyà 5:8 - Mokpwe: Bakwery (New Testament)

⁸ Èhwanja o ma hwɛ hvonda hvɔ̀kɔ ema inyɔ e ma hwɛ ndi o jìtìtì, ndi nàŋgɛ ema e hwèlì na e Rzàŋgo mɔ̀ à mà e gbèeyà ema e hwɛ o ŋmàye. O èŋgànɛ̀lɛ̀ rzɔ ɛ̀ɛ̀mɛ̀ ya anyu e hwɛ ndi nàa hwaŋga hwatò ema hwa hwèlì o ŋmàye.

Ɛ̀hvìrzìyà 5:8 Iomraidhean Croise

Matiyò 3:8

Inyɔ è ɛndɛ è gbèèye hwèyà ema hwe uŋmɛ̀lɛ̀ nanù ema è mà rzɔnjɛ̀lɛ̀ wòhwe wò anyu.

Matiyò 4:16

Hwatò ema hwa hwèlì ò jììtìtì, hwa ɛnɛ ŋmàye mòndɛnɛ̀; Hwatò ema hwa kòmbɛ̀nɛ̀ è kpelì hwa mà luwa li arzùŋgɛ̀.”

Lukàrzɛ̀ 1:79

Mònò mòrzɔnji-rzɔnji mò igbèyi, mò ò uŋmɛ̀lɛ̀ hwaŋga hwatò ema hwa hwèlì ò jìtìtì, nà è wɔ̀ hvɛ ema hwa kòmbɛ̀nɛ̀ è kpelì, ŋmàye. Ndèŋgàna irzɔ jò ò lùwa lìhwiyè ema lì jò uŋmɛ̀lɛ̀ è njiya ema e jànà lòŋgɛ la ɛ̀yɔ̀lɛ̀.”

Lukàrzɛ̀ 16:8

Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

Yòwanìrzɛ̀ 1:9

Eyà ndi e ma hwɛ ŋmàye mò jɔ̀kɛ̀ ema mò ma uŋmɛ̀lɛ̀ hwatò èki ya arzɛ. Mɔ̀ ndi à mà hwɛ e mɔ̀ ema à mà hwɛnɛ lì jà ò rze.

Yòwanìrzɛ̀ 12:35

Yerzù rzìi à alàhwɛ̀ nanù ema, “Ŋmaye mò hwɛ na inyɔ ò ŋmana hvòka wa hvònda. È ɛ̀ndɛ ò wòrzò nàŋgɛ ema e òhvi mònò ŋmàye, aŋga jììtìtì i rza e lìŋgɛ̀lɛ̀. È mɔ̀ ema ayɛ̀ndɛya ò jìtìtì a rza hwi èki a ɛ̀ndɛ.

Yòwanìrzɛ̀ 12:36

È lòkɛ̀ ŋmàye, nàŋgɛ ema mò hwèlì na inyɔ, aŋga nanù e hwɛ ndi hwàanà hwa ŋmàye.” O mburza hwèyòhwèlì hwe ama Yerzù, rzìi a anjiya aŋga, a ɛndɛ lì utàmà èki ema hwa rzìi tànɛyi lì mò ɛnɛ.

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Ròmànì 1:21

Tɔ̀ nɛ wɔ̀ hwa hwi nanù ema Lohwɛ̀ à hwèlì, ndi hwa rza mò kàrzɛ̀nɛ̀ nà èluhwe nàa Lohwɛ̀, ndèŋgàna hwa rza mò eka. Ndi tɔ̀ nanù màlùtèyà mà awu mà wòteyà ndi ò lì lùteyà hweyà hwe ŋgundu. Ndèŋgànà màlùtèyà mà awu mà òndi nà jìtìtì.

Ròmànì 13:12

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

Ròmànì 2:19

È ma a wòwɛ inyɔ hwiti nanù ema inyɔ ndi e hwèlì hwatimbelì hwa indima ja hwatò ema hwa rza hwiyɛ Lohwɛ̀. È lòkɛ̀ nanù ema inyɔ ndi e hwèlì etùlù ya hwatò ema hwa hwèlì ò jìtìtì.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

2 Kɔ̀rintìyà 6:14

È rzi keka lì alatanɛ na hwaŋga hwatò ema hwa rza lòkɛ̀ Krirztò. Imba na ohwa ndi ene nanù èhwanja hwatò ema hwa tɛmi ehve-ehve na Lohwɛ̀, hwa rza ohvi tɔ̀ eyà o lì gbeyà na hweyà hwe wòhwe ema hwatò hwa wòhwe hwa gbeyà. Ŋmaye mo rza ohvi tɔ̀ eyà o lì gbeyàna jììtìtì.

Gàletìyà 5:25

Nà oma Èlìŋgɛ̀ ya ama Lohwɛ̀ e ma jo ŋgbɛ lòŋgɛ lìhvènya, inyɛ i hwɛmɛ eŋge Èlìŋgɛ̀ o lì jo kànèyà o lì gbeyà tɔ̀ mamɛ ema i hwɛni lì gbeyà.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Ɛ̀hvìrzìyà 4:18

Èhwanja màlùtèyà ma awu ma hwèlì ndi màlùtèyà ma wòhwe wɔ̀ hwa rza oŋgama hweyà hwa ama Lohwɛ̀. Hwa rza ohvi lòŋgɛ ema Lohwɛ̀ a ŋgbà èhwanja hwa ohvi maniya ndeŋgànɛ̀lɛ̀ hwa rza hwi e njiya ya ama Lohwɛ̀.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

Ɛ̀hvìrzìyà 6:12

È njuma ema jà ana è rza enje ndi yà hwatò hwa hwènàmà. Ndi irzɔ jà ànànà ndi lì teŋgɛ̀nɛ̀ iŋginyà ja wòhwe, hwàtìmbèlì hwa awu ema hwa kànèyà e rze ya jìtìtì na iŋginyà ja wòhwe ema i hwèlì o lìwòhwɛ̀ la ŋmanyu.

Kòlòrzìyà 1:12

Inyɔ è ò eka, Tatɛ̀ ò hweyà hwe arzɛ. Mɔ̀ ndi à gbèyi nanù ema inyɔ è tànɛ lì hwɛ hwatò ema hwa tànɛyi lì lùwa lòŋgo là erzàŋgo ema mɔ̀ à ùtelì hwatò wà eni ò èki ema ŋmàye mò hwèlì.

Kòlòrzìyà 1:13

Mɔ̀ à mà jò ulɛ̀ ò rze yà è ŋginyà yà lìkànèyà là jìtìtì, ndèŋgànà à mà jò jànà ò tenì yà lìkànèyà là ama è ŋmanà wà eni wà ndìŋgɛ yà màlìŋgò.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.