Ɛ̀hvìrzìyà 5:6 - Mokpwe: Bakwery (New Testament)

⁶ Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

Ɛ̀hvìrzìyà 5:6 Iomraidhean Croise

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:4

Yerzù rzìi a hwà alàhwɛ̀ nanù ema, “È aŋgòwa mòtò a rzì e lukɛlɛ.

Makòrzì 13:22

Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.

Makòrzì 13:5

Yerzù rzìi a hwa òhweyà nanù ema, “È aŋgòwa nanù ema tɔ̀ mòtò à rzì è lùkɛlɛ.

Ròmànì 1:18

Hwètàtò hwe ama Lohwɛ̀ hwe awuluhwɛyi lì anjiya ò ŋmanyu yà lohwà, lì teŋgɛ̀nɛ̀ wòhwe hwa arzɛ ema hwatò hwa gbeyà nà hweyà hwe wòhwe hwe arzɛ ema hwatò hwa gbeyà. Hweŋge hweyà hwe wòhwe hwe iŋgà hwatò ò lì nɔ̀ŋgɔ è jɔ̀kɛ̀.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.

Kòlòrzìyà 2:4

Nà e ohweyà ene eyà aŋga nanù, tɔ mòtò tɔ̀ mɔ̀kɔ a rzi keka o lì e lukɛlɛ na mbùnakɛ̀ ya mòlaŋgà ema e o lùtèyà nanù ema eyà ema mɔ̀ à e ohweyà e hwèlì ndi e jɔ̀kɛ̀.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

Kòlòrzìyà 3:6

Lohwɛ̀ à ò kɔ̀kìrzɛ̀ hwatò ema hwa gbeyà ini tumba ja hweyà. Ini tumba ja hweyà i tàtìrzɛ̀ Lohwɛ̀ ò eŋgànɛlɛ mɔ̀ à hwɛni lì kɔ̀kìrzɛ̀ hwatò ema hwa hwe gbeyà.

2 Tɛ̀rzàlonìyà 2:3

È rzi keka lì emeyà nanù ema tɔ̀ mòtò a e lukɛlɛ na tɔ̀ ima hveyo. Èhwànja o Wùùnyà ema Rzàŋgo à ò jɛ̀ɛ̀, mɔ̀ à rza o jà natɛ̀ɛ e hvonda ema o ò hwɛ̀ɛ mbunàkɛ ndɛnɛ o rze ya mɔ̀nyɛ̀, ndèŋgànɛlɛ e mòtò ema a hwèlì e mòtò wà wòhwe a o ɛneya. Lohwɛ̀ mɔ̀ à mà màa lì tɛ̀yirzɛ nanù ema oŋgo mòtò a o ɛndɛ o ɛhvɔ̀ndi ya mùnya.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Hibrù 3:19

Ò eŋgànɛ̀lɛ̀ rzɔ, irzɔ jè ɛni nanù ema hwa rzi tànɛ lì kpèeyà ò eŋge èki yà lì arzìyolɛ, èhwanja hwa rzi lòkɛ̀ Lohwɛ̀.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.