Ɛ̀hvìrzìyà 4:3 - Mokpwe: Bakwery (New Testament)

³ Èlìŋgɛ̀ yà Wòtani è mà jò gbeyà ò lì hwɛ mòtò mɔ̀kɔ, ò èŋgànɛ̀lɛ̀ è keke ò lì hwɛ ò ɛ̀yɔ̀lɛ̀ mɔ̀kɔ nà ɔ̀nɛyi aŋga nanù è hwɛ ndi mòtò mɔ̀kɔ.

Ɛ̀hvìrzìyà 4:3 Iomraidhean Croise

Makòrzì 3:24

È hwèlì tɛ ema hwatò hwa èkòmè yɔ̀kɔ hwa akahwanɛ tɛ, ema hwa rzà òhwa eyà yɔ̀kɔ èŋge èkòmè e rzà tanɛ̀ lì tɛ̀mɛ̀.

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

1 Kɔ̀rintìyà 1:10

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Ɛ̀hvìrzìyà 4:13

Ène e o hwɛ natɛ̀ɛ na e hvonda ema irzɔ hwa arzɛ jo ò hwɛ mòtò mɔ̀kɔ ndèŋgàna na oma i lòkɛ̀ è Ŋmanà wà munyanà wa ama Lohwɛ̀ jo ò mo hwiya. I hwèlì tɛ nanù, e jo gbeyà jo ò hwɛ hwatò ema hwà mà oŋwɛ o ma i ma hwɛ nàa Krirztò ema a mo òŋwɛ.

Ɛ̀hvìrzìyà 4:4

Irzɔ hwa arzɛ i hwèlì ndi nyo hvɔ̀kɔ ndèŋgana èlìŋgɛ̀ yɔ̀kɔ hvɛ ndi irzɔ hwa arzɛ i mà lùwe. Jò òhvi ndi lìhvìtà lɔ̀kɔ̀ mɛnɛ ò jàhwèyà jà awɔ̀kɛ ema Lohwɛ̀ à mò òhwe nanù ema à jò ŋgba è hvonda ema à mà jò hvɔ̀rzè.

1 Tɛ̀rzàlonìyà 5:13

È hwa wòŋgohwàne na èluhwe ndɛnɛ ndèŋgànɛ̀lɛ̀ e hwa uŋmɛ̀lɛ̀ e ndìŋgɛ o nyòla èwòlò ema hwa e gbèeyà. È lìya na ɛ̀yɔ̀lɛ̀ mɔ̀kɔ na ɔ̀nɛyi.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.