Ɛ̀hvìrzìyà 3:6 - Mokpwe: Bakwery (New Testament)

⁶ Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

Ɛ̀hvìrzìyà 3:6 Iomraidhean Croise

1 Kɔ̀rintìyà 12:12

Tɔ̀ nɛ ŋmita mo nyo mo òhvi rzayì-rzayì ja hwènàmà, e hwèlì ndi ŋmita mɔ̀kɔ mɛnɛ.

1 Kɔ̀rintìyà 12:27

Inyɔ hwa arzɛ è hwèlì ndi ŋmita mo nyo mo ama Krirztò ndèŋgànɛ̀lɛ tɔ̀ ima mɔ̀ wa anyu hvɛ a hwèlì ndi ènàmà yɔ̀kɔ ya èŋge nyo.

Gàletìyà 3:14

Krirztò à mà gbeyà ndi nanù ò lì arza nanù ema mònàmɛ̀ ema Lohwɛ̀ à mà kàkɛ̀nɛ̀ Abràhamù mò ŋgbahwe hvɛ hwaŋga ema hwa rza enje wònyà Yudà. Èŋge è ma gbeyà ema lìlòkɛ̀ ema ì mò lòkɛ̀ lì mà gbeyà ema irzɔhvɛ ì lùwe Èlìŋgɛ̀ yà Wòtani ema à mà kàkɛ̀nɛ̀ nanù ema à jò ŋgba.

Gàletìyà 5:24

Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.

Ɛ̀hvìrzìyà 3:3

Lohwɛ̀ à mà nò ŋgba lì rzɔ̀ŋgìtɛ̀nɛ̀ là hweyà hwe wùndɛ̀, ema hwe mà nò gbeyà ò lì hwiya hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rza tànɛyi lì rzɔ̀ŋgìtɛ̀nɛ̀. Nà mà màa lì è tìleyà ŋgurzu jà hweyà lì hvomɛ̀nɛ̀ ene.

Ɛ̀hvìrzìyà 5:30

Irzɔ ndi i hwèlì hwatò hwa e nyo yà èni.

Ɛ̀hvìrzìyà 5:7

O èŋgànɛ̀lɛ̀ e rzìi keka lì alàtànɛ na iŋgi nyàyi ja hwatò ema i gbèeyà ini nyàyi ja hweyà hwe wòhwe.

Kòlòrzìyà 2:19

Èŋge tumba mòtò a rzɔ̀njɛlɛ lì lòkɛ̀ Krirztò ema mɔ̀ ndi à hwèlì e mòtìmbèlì wa hwàlòkèlì. Nà oma mòòhvò mo kànèyà e nyàmà nyo ya arzɛ, ŋgànà hvɔ̀kɔ hvɛ ndi Krirztò a mɔ̀ hvɛ a kànèyà hwatò hwa arzɛ ema hwa mo lòkɛ̀ aŋga nanù hwa hwɛ ndi mòtò mɔ̀kɔ. Nà oma mèrzìrza me arzàŋgànɛ o lì lata matìŋgà mà e nyo ya mòtò o lì hwɛ mòtò mɔ̀kɔ, nanù hvɛ ndi Krirztò a rzàŋga hwatò ema hwa mo lòkɛ̀ o lì hwɛ mòtò mɔ̀kɔ o rze ya eni. Ndeŋgana eŋge ŋgindi e oŋga ndi nà oma Lohwɛ̀ a arza.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.