Ɛ̀hvìrzìyà 3:5 - Mokpwe: Bakwery (New Testament)

⁵ Ò mòlòmɛ̀ Lohwɛ̀ à rzi wùluhweyà hwatò hwa hwènàmà hwene hweyà ema tɔ̀ naŋgɛ tɔ̀ mòtò tɔ̀ mɔ̀kɔ à rza rzɔ̀ŋgìtɛ̀nɛ̀. Ndi ò naŋgɛ à mà gbeyàna è Èlìŋgɛ̀ yà eni ò lì uŋmɛ̀lɛ̀ hwà-òhwèlì hwa hwèlìŋgɛ̀ nà i àpɔ̀rzìtòlò ema hwa gbèeyà Lohwɛ̀ hwene hweyà.

Ɛ̀hvìrzìyà 3:5 Iomraidhean Croise

Matiyò 13:17

Nà è òhweyà nà è jɔ̀kɛ̀ ema, rzayì-rzayì ja hwà-òhwèlì hwa hwèlìŋgɛ̀ na hwahvɛhvɛ hwatò hwa Lohwà hwa ma arza ò lì ɛnɛ na ò lì hwèya mamɛ ema inyɔ e ma ɛnɛ na lì hwèya, ndi hwa rzi tanɛ.’”

Matiyò 20:7

Hwà mà timbirzɛlɛlɛ hwa ama, ‘Tɔ̀ mòtò a rza jò akì ò lì gbeyà èwòlò.’ Rzi mɔ̀ à hwa òhweyà ama, ‘Inyɔ hvɛ e ɛ̀ndɛ e gbèèye èwòlò ò hvaya ya ami.’

Matiyò 23:34

Ene ŋgàna e gbèyi na e òmeya hwà-òhwèlì hwa hwèlìŋgɛ̀, na hwatò hwa mahwiye, nà Hwà-òkòlèlì. Lòŋgò la hwanù hwatò, inyɔ e hwa òŋwa, hwanɛyi hvɛ e hwa wòmeya ò mbarza. Lòŋgò hvɛ e hwa gbiyɛ hvònji ò tenì ja mandawò ma anyu ma màkanɛ̀, na hwahvɛhvɛ, e hwa hvaya ò lì anjiya ò mambòwà na mambòwà.

Lukàrzɛ̀ 10:24

Nà è òhweyà nà è jɔ̀kɛ̀ nanù ema, rzayì-rzayì ja hwà-òkòwèlì hwa hwèlìŋgɛ̀, nà ìkiŋgɛ̀, hwa mà hwɛnɛ e nyɔ̀ŋgi ò lì ɛnɛ̀ hwenè hweyà ema inyɔ e ɛnì, nà ò lì hwèya hwenè hweyà hwe àrzɛ ema inyɔ e hweyi, ndi wɔ̀ hwa rzi ɛnɛ ndèŋgàna hwa rzi hweye.”

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

1 Kɔ̀rintìyà 2:10

Ndi, Lohwɛ̀ à mà gbeyàna Èlìŋgɛ̀ yà Wòtani o lì jò uŋmɛ̀lɛ̀, hwènè hweyà hwe arzɛ. Èlìŋgɛ̀ ya ama Lohwà è arzìrzɛ̀ hweyà hwe arzɛ, ndèŋgàna e hwi hweyà hwe arzɛ, na ìwùndɛ̀ ja ama Lohwɛ̀ ema mòtò a rza tànɛyi lì rzɔ̀ŋgìtɛ̀nɛ̀.

Ɛ̀hvìrzìyà 2:20

È hwèlì ndi nàa hwèèmà ema hwa gbeyàna o lì oŋgà e ndawò. I àpɔ̀rzìtòlò na hwà-òhwèlì hwa hwèlìŋgɛ̀ hwa gbèyi ndi nàa mɔ̀nɔ̀ŋgɔ̀ mo e ndawò. Yerzù Krirztò mɔ̀ ŋmìti ndi à hwèlì lìwondi la tina.

Ɛ̀hvìrzìyà 3:9

Lohwɛ̀ à mà nò gbèeyà ò lì tɛ̀lɛ̀lɛ̀ hwatò hwa arzɛ nɛ̀ mɔ̀ à tɛ̀yirzɛlɛlɛyi hweyà hwe eni natɛ̀ɛ nà ò lìrzùkù, ema nàtɛ̀ɛ nà tɔ̀ nàŋgɛ tɔ̀ mòtò à rza hwe rzɔ̀ŋgìtɛ̀nɛ̀. Lohwɛ̀ ema à wèki hweyà hwe arzɛ à rzi uŋmɛ̀lɛ̀ tɔ̀ mòtò hwene hwètɛ̀yirzèlèlì ò hvonda ema è mà aka.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

Judɛ 1:17

Ndi imbùnda jà ami kòkò, inyɔ è àŋgàmɛ̀nɛ̀yi lì ɔ̀ŋgɛ̀lɛ̀ mamɛ ema i àpɔ̀rzìtòlò jà ama è Rzàŋgo yà arzu Yerzù Krirztò ì mà è òhweyà.