Ɛ̀hvìrzìyà 3:16 - Mokpwe: Bakwery (New Testament)

¹⁶ Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Ɛ̀hvìrzìyà 3:16 Iomraidhean Croise

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Ròmànì 2:29

Jàyɛ̀, ò tɛ̀ɛ̀tɛ̀ɛ e wònja ya wònyà Yudà e hwèlì ndi òŋgò mòtò ema a hwèlì wònyà Yuda ò tenì ya ŋmèma, ene ŋgàna e hwèlì ndi nanù ema, mòtò ema à mà endàhwɛ̀ ò ŋmèma, ndèŋgàna ene èwòlò e gbeyàhwa ndi na Èlìŋgɛ̀ ya ama Lohwɛ̀, rzeketɛ e ya e mbenda ema e tìlahwì. Èŋge tumba mòtò e ekàhwà na Lohwɛ̀ rzeketɛ ò hwatò hwa hwènàmà.

Ròmànì 7:22

O tenì ya ŋmèma mò ami, e mbenda ya ama Lohwɛ̀ yɔ ndi imba na lìŋgàni lì nɔŋgɔ ihvònda ja arzɛ.

Ròmànì 9:23

Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.

1 Kɔ̀rintìyà 16:13

È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

2 Kɔ̀rintìyà 4:16

Lìtìŋga lìinì ɔ̀ndeŋgàtɛ̀ i rzi tu mèèmà o lì ohwa ŋmɛ̀ndì mò gbamù. Tɔ̀ nɛ i ŋginyà ja arzu e hwèlì lì ɔ̀ndeyà, ndi Lohwɛ̀ a jo ŋgbà ŋginyà o tenì ja arzu.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Ɛ̀hvìrzìyà 6:10

Ò lì umba ene mbɔrzi rzɔ, inyɛ nà è òhweyà hwene hweyà, è hwɛ ndi nanù mɛnɛ nà è Rzàŋgo, aŋga nanù è ŋginyà yà eni ndɛnɛ è ètirzɛ̀ mèèmà mè anyu ò kòkò.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

Hvìlipìyà 4:19

O tenì ya mònàmɛ̀ mo eni mondɛnɛ, Lòohwà la ami a e ŋgba tɔ̀ mamɛ ema inyɔ e endelì, lì akeyà na Yerzù Krirztò.

Kòlòrzìyà 1:11

Ì kanɛ̀ hvɛ nanù mɛnɛ ema Lohwɛ̀ à è embɛ nà è ŋginyà yà eni ndɛnɛ, aŋga nanù è tànɛ ò lì ajùlɛ̀, è kakè mèèmà mè anyu, ò lì okànà hweyà hwe arzɛ mɔ̀nyɛ̀ŋgì.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

2 Tìmotì 4:17

Ndi Rzàŋgo à mà hwɛ na imba à nò ŋgba hvɛ e ŋginyà. O eŋgànɛ̀lɛ̀ nà mà tànɛyi lì ohwa Ŋmɛ̀ndì mò Gbamù mò arzɛ mò ama Lohwɛ̀ nyayi ema hwaŋga hwatò ema hwa rza enje wònyà Yudà hwà mà mò òkànèyà. Rzàŋgo à mà no rzùŋgà ema hwa rzi no akɛ̀lɛ̀lɛ̀ e mbako ya kpelì.

Hibrù 11:34

Hwà mà lìmìrzɛ̀ meyonda. Hwà mà anjiya hvɛ o màà mà hwaŋga ema hwà mà arza lì hwa oŋwa na irzɔ̀lɔ̀. Tɔ̀ nɛ o hwewotelì hwa rzi hwɛnɛ ŋginyà, Lohwɛ̀ à mà hwa ŋgba e ŋginyà. Hwà mà hwɛ ndi hwàanèlì hwa njuma hwa ŋginyà ema hwà mà anana hwahvɛhvɛ hwàanèlì hwa njuma hwa hwehvɛhvɛ hwèkòmè ema hwe ma hwàŋga.

1 Pètrò 3:4

Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.