Ɛ̀hvìrzìyà 3:12 - Mokpwe: Bakwery (New Testament)

¹² Èhwanja i lòkɛ̀yì Krirztò nà lì hwɛ mɔ̀kɔ nà mɔ̀, eŋge ndi è jò lìhvòwèlì è njiya ò lì ɛndɛ lì kombɛ̀nɛ̀ Lohwɛ̀ nà lìhvìta là arzɛ è rzì hwɛ irzɔ lì oka tɔ̀ wɔ̀ŋgɔ̀.

Ɛ̀hvìrzìyà 3:12 Iomraidhean Croise

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

2 Kɔ̀rintìyà 3:4

Irzɔ jo òhwi ndi nanù èhwanja ji ikayi mèèmà me arzu na Lohwɛ̀, na oma i hwèlì ndi mɔ̀kɔ na Krirztò.

Ɛ̀hvìrzìyà 2:18

Èhwanja ò mamɛ ema Krirztò à mà jò gbèeyà, irzɔ hwa arzɛ i hweni è njiya ò lì ɛndɛ ò mà Tatɛ̀. Èŋge Èlìŋgɛ̀ yà awɔ̀kɛ mɛnɛ yɔ̀ ndi è jò oŋgòhwànà ò lì gbeyà nanù.

Hibrù 10:35

O èŋgànɛ̀lɛ̀ e kakè mèèmà me anyu nanù mɛnɛ èhwanja eŋge ndi e gbeyà ema Lohwɛ̀ a e ŋgbà etàŋgì ya ŋginyà.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

1 Yòwanìrzɛ̀ 3:21

Ìi wònyàmòwe kòkò, màlùtèyà ma arzu ma rza jo òhwèlì tɛ nanù ema i hwèlì ndi hwatò hwa wòhwe, i rza ohva wɔ̀ŋgɔ̀ i kànɛ tɛ o worzo wo ama Lohwɛ̀.