Ɛ̀hvìrzìyà 3:1 - Mokpwe: Bakwery (New Testament)

¹ Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Ɛ̀hvìrzìyà 3:1 Iomraidhean Croise

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Hwègbèèlì 21:33

È mòkànèlì wa hwàanà njuma rzìi a ɛndɛ lì ùŋmànɛ̀lɛ̀ Pàwolò rzi a mò ŋgbaŋgɛ, rzìi a akɛlɛ lìlò nanù ema hwa mò kàkane ŋgɔ̀kɔ̀hwì ihwakɛ. Rzìi à ijòwa nanù ema, “Njɛnɛ ònò e? Mamɛ mɔ̀ à gbèyi e?”

Hwègbèèlì 23:18

Oŋgò ŋmànelì wa njuma à mà ɛ̀ndɛ̀nɛ̀ eŋge mberza òma e mòkànèlì wa hwàànà njuma rzìi a mò òhweyà nanù ema, “È mòtò wa hwèwòwà ema a hwɛ̀lɛ̀hwɛ̀ Pàwolò a nò òhwèlì à mà nò ò jàneyà ene mberza, èhwanja e hweni eyà ò lì ò òhweyà.”

Hwègbèèlì 26:29

Pàwolò rzìi a mò timbirzɛlɛlɛ nanù ema, “Nà kànɛ Lohwɛ̀ nanù ema, ŋga ò ŋmanà hvòka wa hvònda tɔ̀ ò hvònda ema e wawi, rzeketɛ ò wà witi ndi tɔ̀ njɛnɛ hvɛ ema a nò òkànèyà yawònò mɔ̀ hvɛ a tànɛ lì hwɛ na òma imbahvɛ na hwèlì. Nà rza kanɛ̀ ndi nanù ema hwa e kake ŋgɔ̀kɔ̀hwì na òma hwa nò kaki e jɔ nàŋgɛ nanù.”

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

2 Kɔ̀rintìyà 1:6

Ò èŋgànɛ̀lɛ̀ rzɔ i lu tɛ mètàkà, è hwèlì ndi ò lì e ètirzɛ mèèmà nà o lì luwa loŋgirzɛ. È hwèlì tɛ ema, Lohwɛ̀ a jo etìrzɛ̀yi mèèmà me arzu mèèmà me anyu meyɔ̀hvɛ me ètìrzɛ̀hwɛ. Àŋga ndi e lùwa màyìmbì mà lì àjùlɛ̀nɛ̀ mòlèmìlèmi mo mètàkà, nà lì kaka là mèèmà, nà oma irzɔ hvɛ i me àjùlɛ̀nɛ̀yi.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

Gàletìyà 5:11

Wònyamòwè kòkò, na ɛndi tɛ o worzo ò lì ohwa nanù ema mòtò a kànɛ̀yi lì endàhwà ndèŋgàna Lohwɛ̀ a o mo emeyà nàa mòtò ema a rzaŋgi na oma wònyà Yudà hwa lòkɛ̀yi, mamɛ ndèŋgàtɛ̀ inyɔ e no kàyìrzɛ e? Imba nà mà hwɛ tɛ lì ohwa nanù ema hwa àŋgàmɛ̀nɛ̀yi lì enda mòtò, e rzi hwɛ imba lì ohwa lì hvomɛ̀nɛ̀ e kpelì ya ama Yerzù o mbarza o ma eŋge e rza tàtìrzɛ̀ wònyà Yudà.

Gàletìyà 5:2

È òkànèyà tɛ! Imba Pàwolò, na e ohweyà nanù ema, e aŋgbɛ tɛ nanù ema e endahwe, eŋge ŋgàna e hwèlì ndi nanù ema Krirztò a rza ohvi hvɛ tɔ̀ janda o inyɔ.

Gàletìyà 5:24

Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.

Ɛ̀hvìrzìyà 3:11

Kòòhwa ndèŋgànà Lohwɛ̀ à è wèka è rze mɔ̀ à mà lòma lì tɛ̀yirzɛ̀ nanù ema hweyà hwe ene ema mɔ̀ à ò gbèyɛ. Nàŋgɛ rzɔ mɔ̀ à mà gbèeyà hwene hweyà ò lì gbèyɛ̀nɛ̀ lì akeyà nà hweyà ema è Rzàŋgo yà arzu Yerzù Krirztò è mà gbeyɛ.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Ɛ̀hvìrzìyà 6:20

Yerzù Krirztò a no hvɔ̀rzɔ̀ o lì hwɛ e rzuwɛlɛ ya eni o lì ohwa mono Ŋmɛ̀ndì mò Gbamù. Litiŋga lìiŋgi ɔ̀ndeŋgàtɛ̀ na gbèyi ndi naŋgɛ nàa e mòtò wa hwèwòwà. O èŋgànɛ̀lɛ̀ inyɔ e no kànɛ̀lɛlɛ nanù ema Lohwɛ̀ a na ètìrzɛ̀ ŋmèma mo ami, o lì ohwa mono ŋmɛ̀ndì mò gbamù e rzi hwɛ lì oka tɔ̀ wɔ̀ŋgɔ̀.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Kòlòrzìyà 4:18

Imba Pàwolò ndi nà tilì ini ikɔ̀mi nà lìya là ami. È rzi hvoŋga nanù ema nà hwèlì ò hwèwòwà. Inyɛ̀ è ndèli yà ama Lohwɛ̀ è hwɛ nà inyɔ.

Kòlòrzìyà 4:3

È a jo kànɛlɛlɛ irzɔ hvɛ, aŋga nanù Lohwɛ̀ a jo lìhvoweya e njiya o lì ohwa ŋmɛ̀ndì lì hvomɛ̀nɛ̀ Krirztò, ema hwatò hwa rzi rzɔ̀ŋgìtɛ̀nɛ̀ o mòlòmɛ. Moŋgo ŋmɛ̀ndì ema imba na ohwa mɔ̀ ndi mo gbèyi ɔndèŋgàtɛ̀ imba na hwèlì o hwèwòwà.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hvìlɛ̀mɔ̀nì 1:23

Èpàhvràrzì, ema à hwèlì nà imba ò hwèwòwà ò lìnà là ama Yerzù Krirztò, mɔ̀hvɛ à è òmèlì ikɔ̀mi.

Hvìlɛ̀mɔ̀nì 1:9

è ndìŋgɛ ema imba nà ò hwɛ̀nèlì, è nò gbeyà nanù ema nà hwɛ ndi ò lì ò rzòrzòmeyà. Imba Pàwolò nà ohwa ndi nanù nàa molùni wà mòtò ema à hwèlì ò hwèwòwà nàŋgɛ ò nyòla lìinà là ama Krirztò.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.