Ɛ̀hvìrzìyà 2:5 - Mokpwe: Bakwery (New Testament)

⁵ mɔ̀ à mà jò gbeyà o lì hwɛ lòŋgɛ na oma i hwèlì na Krirztò, tɔ̀ nɛ i ma hwɛ ndi nàa hwatò ema hwà mà ŋwɛ èhwanja i rzi hwɛ lì gbeyà hweyà ema Lohwɛ̀ à mà ohwe nanù ema e gbeye. O lì akeyà na e ndèli ya àma Lohwɛ̀ ɔ̀ndeŋgàtɛ̀ i rzuŋgàhwì.

Ɛ̀hvìrzìyà 2:5 Iomraidhean Croise

Lukàrzɛ̀ 15:24

Ònò ŋmanà wà amì à mà ŋwa rzìi à tìmbi hvɛ ò lòŋgɛ. À mà wɔ̀ɔ rzìi a wurzi hvɛ.’ Aŋgà ndi hwa mà wòteya lì rzòmbìrzɛ̀.”

Yòwanìrzɛ̀ 5:21

Nà òma Tatɛ̀ a hvùmùlɛ̀ e wɔ̀ ema hwa ŋwelì lì hwa ŋgba lòŋgɛ, nanù mɛnɛ hvɛ ndi è Ŋmanà wà eni a gba lòŋgɛ ò hwatò ema mɔ̀ à lìŋgàni.

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Hwègbèèlì 15:11

Jàyɛ̀! Irzɔ i lòkɛ̀ ndèŋgànɛ̀lɛ̀ i rzùŋgàhwi lì akeyà na e ndèli ya ama e Rzàŋgò ya arzu Yerzù nyayi hvɔ̀kɔ na òma wɔ̀ hvɛ hwa rzùŋgàhwi.”

Ròmànì 16:20

Lohwɛ̀ la ɛ̀yɔ̀lɛ̀ ŋmanà mbɔ à hwɛni lì rzììkà Mòkarzɛ̀ ò rze yà matàŋga mà anyu. Inyɛ̀ è ndèli yà ama è Rzàŋgò hwa arzu Yerzù Krirztò è hwɛ nà inyɔ hwa arzɛ.

Ròmànì 3:24

È ndèli ya ama Lohwɛ̀ e ma gbeyà Lohwɛ̀ ò lì wòwa hwatò nàa hwatò ema hwa emàyilɛ̀hwɛ̀yi ò wòrzò wò eni. A ma ŋgbàà e ndèli ya eni ò ŋgundu. A ma gbeyà nanù lì akeyà na Yerzù Krirztò mɔ̀ ema à mà rzuŋga hwatò ema hwa mò lòkɛ̀yì.

Ròmànì 4:16

Ɔ̀ndeŋgàtɛ̀ Lohwɛ̀ a òhweyà ndi hwaŋga hwatò ema hwa mò lòkɛ̀yi nanù ema a gbeyà eyà ema a kàkɛ̀nɛ̀ nanù ema a gbeyà. Mɔ̀ a gbèyi ndi nanù aŋga nanù e ɛnɛhwɛ nanù ema e ndèli ya eni yɔ ndi e ma gbeyà mɔ̀ à mà òhweyà e nyɔ̀ŋgɔ̀nì ya ama Abràhamù ŋgèlì hvɔ̀kɔ ò i ŋgelì ja arzɛ nanù ema mɔ̀ à hwa gbèeyà eyà ema à mà òhwe nanù ema a gbeyà. Rzeketɛ hwatò ema hwa ika eŋge mbenda mɛnɛ ndi mɔ̀ à mà ŋgbe lìŋgi lì kàkɛ̀nɛ̀. A ma ŋgba hvɛ hwatò hwa arzɛ ema hwà mà lòkɛ̀ Lohwɛ̀ na òma Abràhamù à mà mò lòkɛ̀. Abràhamù ndi à hwèlì e tatɛ̀ ya irzɔ hwa arzɛ.

Ròmànì 5:10

È hvònda ema i ma hwɛ hwàkɔ̀ɔ̀yèlì hwa ama Lohwɛ̀, e kpelì ema e ŋmanà wa eni à mà ŋwe è mà gbeyà nanù ema jò òhvɛnɛ màrzèèlì na Lohwɛ̀. Nà òma i ma ukɛ màrzèèlì na Lohwɛ̀ na òma e ŋmanà wa eni a hwèlì ò lòŋgɛ, ò lìrzùkù a ò jò rzùŋgà.

Ròmànì 5:6

Ò è hvònda ema i rzi hwɛnɛ ŋginyà ò lì àwòŋgòwànɛ̀ irzɔ hwiti, Krirztò à mà jò ŋwèeyà irzɔ hwatò hwa wòhwe ò e hvònda ema Lohwɛ̀ à mà tɛ̀yirzɛ.

Ròmànì 5:8

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

Ɛ̀hvìrzìyà 2:1

Ò mòlòmɛ̀ ì mà hwɛ̀ɛ ndi nàa hwatò ema hwa mà ŋwɛ̀ɛ̀ èhwanja è rzi hwɛ lì gbeyà hweyà ema Lohwɛ̀ à mà ohwe ema è gbèye, ndèŋgàna è mà hwɛ lì gbeyà wòhwe.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Ɛ̀hvìrzìyà 5:14

Ŋmàye ndi mo wuluhwa hweyà hwe wòhwe. Ɔ̀ndeŋgàtɛ̀ e ohwahwi nanù ema, “O wa ema o nàŋgaa imòwa, hvùmùwà o kpelì. Ŋmàye mo ama Krirztò mo uŋmɛ̀lɛ̀ o nyo ya aŋgɔ̀.”

Kòlòrzìyà 2:13

Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.

Tàyìtùrzì 2:11

Lohwɛ̀ à mà oma e ndèli ya eni o ìtììtènì ja arzu, na oma à mà gbèye e njiya ema hwatò hwa arzɛ hwa tanɛyi lì luwa lì oŋgìrzɛ̀.

Tàyìtùrzì 3:5

Rzeketɛ o hweyà hwe ehve-ehve ema i ma gbeeye ɔ̀ndèŋgàtɛ̀ à mà jo rzùŋgà, ndi à mà jo rzùŋgà ndi o nyòla ììlì ja eni. Lohwɛ̀ à mà oma Èlìŋgɛ̀ yà Wòtani o lì rzorza wòhwe wo arzu, aŋga nanù jo o ŋyàahwà hwahvènya.

Hwèwulùwèlì 22:21

Inyɛ̀ è ndèli yà ama è Rzàŋgo Yerzù è hwɛ nà hwatò hwa arzɛ.