Ɛ̀hvìrzìyà 2:16 - Mokpwe: Bakwery (New Testament)

¹⁶ Ò èŋgànɛ̀lɛ̀, nà oma à mà ŋwèeyà ò mbarza, è mà jò gbeyà irzɔ ò lì hwɛ mòtò mɔ̀kɔ nà Lohwɛ̀, ò èŋgànɛ̀lɛ̀ rzɔ à mà jò tìmbìrzɛ̀ nà Lohwɛ̀.

Ɛ̀hvìrzìyà 2:16 Iomraidhean Croise

Ròmànì 5:10

È hvònda ema i ma hwɛ hwàkɔ̀ɔ̀yèlì hwa ama Lohwɛ̀, e kpelì ema e ŋmanà wa eni à mà ŋwe è mà gbeyà nanù ema jò òhvɛnɛ màrzèèlì na Lohwɛ̀. Nà òma i ma ukɛ màrzèèlì na Lohwɛ̀ na òma e ŋmanà wa eni a hwèlì ò lòŋgɛ, ò lìrzùkù a ò jò rzùŋgà.

Ròmànì 6:6

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Ròmànì 8:7

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

1 Kɔ̀rintìyà 10:17

Kànatɛ o hwèlì ndi ehvòòto yɔ̀kɔ, tɔ̀ nɛ i koki, irzɔ hwa arzɛ ì hwèlì ndi nyo hvɔ̀kɔ èhwanja ikahwa ndi ehvòòto yɔ̀kɔ o lì làa.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Ɛ̀hvìrzìyà 2:15

À mà gbeyà è mbenda yà wònyà Yudà è rza ohvi ŋginyà hvɛ. À mà gbèeyà ndi nanù, aŋga nanù, à rzàŋga wònyà Yudà nà hwaŋga ema hwa rza enje wònyà Yudà ò lì tìmba nàa mòtò mɔ̀kɔ mohvènya ema nà wɔ̀ hwa hwɛ ndi mòtò mɔ̀kɔ nà Krirztò. Ò èŋgànɛ̀lɛ rzɔ nà oma à gbèyi ene eyà nanù, mɔ̀ à mà jànà ɛ̀yɔ̀lɛ̀ ò ìtììtènì jà wònyà Yudà nà hwaŋga ema hwa rza enje wònyà Yudà.

Ɛ̀hvìrzìyà 3:6

Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

Ɛ̀hvìrzìyà 4:4

Irzɔ hwa arzɛ i hwèlì ndi nyo hvɔ̀kɔ ndèŋgana èlìŋgɛ̀ yɔ̀kɔ hvɛ ndi irzɔ hwa arzɛ i mà lùwe. Jò òhvi ndi lìhvìtà lɔ̀kɔ̀ mɛnɛ ò jàhwèyà jà awɔ̀kɛ ema Lohwɛ̀ à mò òhwe nanù ema à jò ŋgba è hvonda ema à mà jò hvɔ̀rzè.

Kòlòrzìyà 2:14

È gbèyì ndi nàa mɔ̀ à mà tìtòwà wòhwe wò arzu ò èki ema wò tìlàhwì. Èŋge ŋgànà è hwèlì ndi nanù ema woŋgo wòhwe wò rza enje hvɛ. Lohwɛ̀ à mà wòmeyà woŋgo wòhwe ò mbàrza nàa hwa mà wòmeyà Krirztò ò mbàrza rzìi à ŋwa.

Kòlòrzìyà 3:15

Krirztò à mà gbeyà inyɔ è à ohvanɛ ɛ̀yɔ̀lɛ̀ mɔ̀kɔ nà ɔ̀nɛyi. Ò eŋgànɛlɛ rzɔ eŋge ɛ̀yɔ̀lɛ̀ è hwɛni lì è timba ò hweyà hwe arzɛ ema è gbeyà. Inyɔ è àŋgàmɛ̀nɛ̀yi lì eka Lohwɛ̀ ò ihvonda jà arzɛ