Ɛ̀hvìrzìyà 1:21 - Mokpwe: Bakwery (New Testament)

²¹ Krirztò à hwèlì aŋga, à kànèyà iŋginyà ja arzɛ nà hwàkànèlì hwa arzɛ. Lìinà là eni lì hwɛni ŋginyà lì aka mìinà mà hwàkànèlì hwa arzɛ ema hwa hwèlì ò naŋgɛ nà ò è hvonda ema è ò jɛ̀ɛ̀.

Ɛ̀hvìrzìyà 1:21 Iomraidhean Croise

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Ɛ̀hvìrzìyà 3:10

Lohwɛ̀ à mà gbeyà ndi nanù, aŋga nanù hwàkànèlì nà iŋginyà jà è ŋmanyu yà lohwà hwa ɛnɛ nà oma mɔ̀ à ohvi lìhwiyè ò hweyà hwe arzɛ ema mɔ̀ à gbeyà naŋgɛ ò lì akeyà nà lì arzàŋganɛ là hwatò hwa Lohwà.

Ɛ̀hvìrzìyà 6:12

È njuma ema jà ana è rza enje ndi yà hwatò hwa hwènàmà. Ndi irzɔ jà ànànà ndi lì teŋgɛ̀nɛ̀ iŋginyà ja wòhwe, hwàtìmbèlì hwa awu ema hwa kànèyà e rze ya jìtìtì na iŋginyà ja wòhwe ema i hwèlì o lìwòhwɛ̀ la ŋmanyu.

Kòlòrzìyà 2:10

Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Kòlòrzìyà 2:15

Lohwɛ̀ à mà aka iŋginyà nà hwàkànèlì hwa ene rze. Nà oma à mà wà aka ò tenì è mà ɛnɛhwɛ nà tɔ̀ ima mòtò nà oma Krirztò à mà ŋwe ò mbàrza.

Hibrù 1:4

O èŋgànɛ̀lɛ̀ rzɔ̀ è Ŋmanà wà ama Lohwɛ̀ à akayi i aŋgèlì. Nyayi hvɔ̀kɔ hvɛ nà lìinà là eni là èluhwe ema Lohwɛ̀ a mo ŋgbelì lì ɔhvɛ lì akayi mìinà mà i aŋgèlì.

Hibrù 2:5

Rzeketɛ i aŋgèlì ndi Lohwɛ̀ a rzekelì nanù ema i kànèyà e rze ya mɔ̀nyɛ̀ hvènya ema irzɔ jo ohwi nanù ema e o jà.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.