Ɛ̀hvìrzìyà 1:12 - Mokpwe: Bakwery (New Testament)

¹² À mà gbeyà ndi nanù, aŋga nanù irzɔ ema i mà lòmɛ lì ika lìhvìta là arzu ò mà Yerzù Krirztò, jò ò ohva ɛ̀ɛ̀mɛ̀ ema è ò gbeyɛ hwahvɛhvɛ hwatò ò lì mò eka èhwanja ò è ŋginyà yà eni ndɛnɛ.

Ɛ̀hvìrzìyà 1:12 Iomraidhean Croise

Yòwanìrzɛ̀ 14:1

Yerzù rzìi a òhweyà Hwà-òkòwèlì hwa eni nanù ema, “È rzi keka lì tàkirzɛ mèèmà me anyu. È lòkɛ̀ Lohwɛ̀, e nò lòkɛ̀ imba hvɛ.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

Ɛ̀hvìrzìyà 3:21

Inyɛ̀ èluhwe è hwɛ nà Lohwɛ̀, èhwanja ò hweyà hwe ndɛnɛ ema à hwèlì lì gbèeyà. Hwene hweyà hwe ɛnɛ̀hwɛ̀ ò lì arzàŋganɛ là hwatò hwa Lohwà ndèŋgana hwe ɛnɛ̀hwɛ̀ ò hweyà ema Krirztò à gbèeyà. Èluhwe è hwɛ nà mɔ̀ ò ì hvonda jà arzɛ, ò gbìndèyà nà ò gbìndèyà. Inyɛ̀ wò lìya nanù.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

Jèmìrzì 1:18

Lohwɛ̀ à mà kàkɛ̀nɛ̀ nanù ema a jo ŋgba lòŋgɛ lì hvènya, e hvonda ema à mà jo ŋgbe eyà ya eni ya jɔ̀kɛ̀. A ma gbeyà ndi nanù, aŋga nanù o ìtììtènì ja ewèkelì ya eni ya arzɛ irzɔ i hwɛ ndi nàa e mbota ya eni ya worzo ema e mo ŋgbààhwà nàa làhweyà.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.