Ɛ̀hvìrzìyà 1:11 - Mokpwe: Bakwery (New Testament)

¹¹ Nà oma ì hwèlì mɔ̀kɔ nà Krirztò ɔ̀ndeŋgàtɛ̀ Lohwɛ̀ à mà jò hvɔ̀rzɔ̀ ò lì hwɛ̀ɛ̀ è hwa eni hwatò. À mà gbeyà ndi nanù èhwanja nanù ndi mɔ̀ à mà tɛ̀yirzɛ̀ nà è kòòhwà. À gbèyi hweyà hwe arzɛ ò lì gbèyɛ̀nɛ nà oma à mà hwe tɛ̀yirzɛ̀.

Ɛ̀hvìrzìyà 1:11 Iomraidhean Croise

Hwègbèèlì 13:48

È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 20:27

Èhwànja ò rza enje tɔ̀ eyà ema imba na kiyi lì e òhweyà lì hvòmɛ̀nɛ̀ hweyà hwe arzɛ ema Lohwɛ̀ a kimi lì gbeyà.

Hwègbèèlì 20:32

O naŋgɛ nanù na e lì ò màà mà ama Lohwɛ̀ nanù ema a e ɔŋgeya. Ŋmɛ̀ndì ema nà mà e òhweyà lì hvòmɛ̀nɛ̀ e ndèli ya ama Lohwɛ̀ mò e òŋgòwàna. Nà hwɛni ŋginyà ò lì e ètìrzɛ̀ ndèŋgànɛ̀lɛ̀ na e ŋgba e ndèli ema Lohwɛ̀ à mà rzekeya hwatò hwa eni.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 4:28

Hwà mà òhva wòlìya ò lì gbeyà hweyà ema ò ma hwɛ ò ma tɛ̀yirzɛ na e ŋginyà ya aŋgɔ̀ ò e hvònda ema e ma aka.

Ròmànì 11:34

Nà òma è tìlàhwì ò è kààtì yà Lohwà nanù ema, “Njɛnɛ à hwi màlùtèyà mà ama Rzàŋgò e? Njɛnɛ à tànɛ lì mò ŋgba màyòwà e?

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

Ròmànì 8:29

Lohwɛ̀ mɔ̀ à màa lì tɛ̀yirzɛ nanù ema hwatò ema à mà lòme lì hvɔ̀rzɔ̀, ɛ̀ɛ̀mɛ̀ ya awu e ò hwɛ ndi nàa e ya ama è Ŋmanà wà eni aŋga nanù òŋgò Ŋmanà à ò hwɛ ndi è Ŋmanà wà wòrzò ò ìtììtènì ja ama wònyanyàŋgò wa eni.

Ròmànì 8:30

O èŋgànɛ̀lɛ̀ rzɔ, hwatò ema Lohwɛ̀ à mà màa lì hvɔ̀rzɔ̀ mɔ̀ à hwa hwɛlɛyi ò lì hwɛ hwatò hwa eni. Ndèŋgàna e wɔ̀ ema mɔ̀ à hwɛlɛ a òhwi nanù ema hwa emeyàlɛhwɛ ò wòrzò wò eni, à mà hwa ŋgba èluhwe ya eni.

Ròmànì 9:11

Ndi ndèŋgàna màŋga mayɛzɛ ma e ŋyahwa, tɔ̀ ndèŋgàna wɔ̀ hwa e hwiya ò lì gbeyà tɔ̀ eyà yɔ̀kɔ ya gbamù tɔ̀ wòhwe, Lohwɛ̀ à mà òhweyà Lìbɛ̀kà nanù ema, “È mùlulu wa ŋmanà a ò gbèeyà e ŋmanà wa mòrzalì.” Lohwɛ̀ à mà gbeyà ndi nanù ò lì uŋmɛ̀lɛ̀ nanù ema à mà gbeyàna ndi màlùtèyà ma eni aŋga nanù ŋmanà mɔ̀kɔ a ò hwɛ ò rze ya enɛyi. È ma mò lɔ̀ɔ̀nɔ ò lì hvɔ̀rzɔ̀ e mɔ̀ ema à mà lìŋgana ò lì hvɔ̀rzɔ̀, rzeketɛ lì hvòmɛ̀nɛ̀ eyà ema òŋgò mòtò à mà gbeyà.

Gàletìyà 3:18

È hwèlì tɛ nanù ema Lohwɛ̀ à ò ŋgbelì tɔ̀ mamɛ ema à hwɛni ò lì ŋgbàà hwàanà hwa eni èhwanja hwa ika è mbenda, nanù oma mònàmɛ̀ mò eni ema à ò ŋgba mò rza enje hvɛ ndi ò mamɛ ema mɔ̀ à mà ohwe nanù ema à ŋgba Abràhamù.

Ɛ̀hvìrzìyà 1:14

Ène Èlìŋgɛ̀ yà Wòtani yɔ ndi e jo uŋmɛ̀lɛ̀ nanù ema i luwa hwèèmà ema Lohwɛ̀ à mà jo kàkɛ̀nɛ nanù ema i luwa. Irzɔ jo ò luwa hwene hwema e hvonda ema Lohwɛ̀ à ò jo rzolohwɛ irzɔ hwatò hwa eni o èki ema i kakahwi. Ène eyà e o gbèeyà hwatò wo ò eka Lohwɛ̀ o nyòla e ŋginyà ya eni ndɛnɛ.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 1:5

mɔ̀ à mà lòma lì ika nà è kòòhwà, à mà irzɔ jò ò hwɛ ndi hwàànà hwa eni, lì akeyà nà èwòlò ema Yerzù Krirztò à mà jò gbèeyà. Lohwɛ̀ à mà gbeyà ndi ene eyà nanù, èhwanja nanù ndi à mà tɛ̀yirzɛ̀ nà oma è mò lɔ̀ɔ̀nì.

Ɛ̀hvìrzìyà 1:8

A jo ŋgbelì ene ndèli ya arzɛ, rzìi a jo ŋgbelì hvɛ lìhwiyè rzayi-rzayi na lì jo gbèeyà o lì rzɔ̀ŋgìtɛ̀nɛ̀ hweyà rzayi-rzayi.

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.

Ɛ̀hvìrzìyà 3:11

Kòòhwa ndèŋgànà Lohwɛ̀ à è wèka è rze mɔ̀ à mà lòma lì tɛ̀yirzɛ̀ nanù ema hweyà hwe ene ema mɔ̀ à ò gbèyɛ. Nàŋgɛ rzɔ mɔ̀ à mà gbèeyà hwene hweyà ò lì gbèyɛ̀nɛ̀ lì akeyà nà hweyà ema è Rzàŋgo yà arzu Yerzù Krirztò è mà gbeyɛ.

Kòlòrzìyà 1:12

Inyɔ è ò eka, Tatɛ̀ ò hweyà hwe arzɛ. Mɔ̀ ndi à gbèyi nanù ema inyɔ è tànɛ lì hwɛ hwatò ema hwa tànɛyi lì lùwa lòŋgo là erzàŋgo ema mɔ̀ à ùtelì hwatò wà eni ò èki ema ŋmàye mò hwèlì.

Kòlòrzìyà 3:24

Inyɔ è hwɛni lì hwiya nanù ema è hwɛni lì lùwa mòrzàhwèlì ema è Rzàŋgo è mà ùtèya hwatò wà eni. Krirztò ndi à hwèlì è mòtò ema inyɔ è gbèeyà nà jɔ̀kɛ̀.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

Hibrù 6:17

O eŋgànɛ̀lɛ̀ rzɔ na oma Lohwɛ̀ à mà arze lì uŋmɛ̀lɛ̀ na e jɔ̀kɛ̀ o hwaŋga hwatò ema hwà mà hwɛnɛ lì luwa mamɛ ema à mà hwa kàkɛ̀nɛ, nanù ema mɔ̀ à rza àyèŋgowɛ̀ o lì kàkɛ̀nɛ la eni, o eŋgànɛ̀lɛ̀ à mà aàtɛ yòombò o lì hwàtɛ o lì kàkɛ̀nɛ la eni.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Pètrò 3:9

È rzi timbirzɛlɛlɛ wòhwe o wòhwe. Mòtò a e ohwìrzɛ̀nɛ̀ tɛ eyà ya wòhwe inyɔ hvɛ e rzi mo òhwìrzɛ̀nɛ̀ eyà ya wòhwe, inyɔ e hwɛ ndi o lì kànɛ nanù ema Lohwɛ̀ a mo nàmìrzɛ̀, ehwànja mònàmɛ̀ ndi Lohwɛ̀ a mo òhwe nanù ema a e ŋgba e hvonda à mà e hvɔ̀rzè.