प्रकासित बाक्य 8:2 - बृज भासा

² फिर मैंनें परमेस्‍वर के सामने ठाड़े रैहबै बारे सात सुरग दूतन कूं देखौ और बिनें सात तुरही दई गईं गयी हती।

प्रकासित बाक्य 8:2 Iomraidhean Croise

मत्‍ती 18:10

“सावधान रहौ, कै उन छोटेन में ते एकऊऐ तुच्‍छ न समझौ। मैं तुमते कहतूं, कै बिनके दूत सुरग में निरन्‍तर मेरे सुरग के पिता के दरसन करतैं।

मत्‍ती 24:31

मैं तुरही की अबाज के संग अपने दूतन कूं भेजुंगा और बे आकास के जा छोर ते बा छोर तक चारों दिसान में ते, परमेस्‍वर के चुने भए लोगन कूं इकठ्‌ठौ करिंगे।

लूका 1:19

तब सुरग दूत नें बाते कही, “कै मैं जिबरायल हूं, मैं परमेस्‍वर के सामने वाकी सेबा के काजै खड़ौ रैहतूं और मैं तोते बात कर रयौ हूं, मैं तेरे जौरें सुख कौ समाचार सुनांयबै काजै भेजौ गयौ हूं।

लूका 21:36

जामारै जागते रहो और हर समै पिराथना करते रहो जाते तुम इन सब आबे बारे संकट ते बचबे और भरोसे के संग मुझ, ‘मनुस्‍य के बेटा’ के सामने खड़े है होबे लायक बन जाऔ।”

1 कुरिन्थियों 15:52

जि पल भर में, पलक झपकतेई आखरी तुरई बजतेई होगौ चौंकि अखीरी तुरही बजतेई मरे भये अबिनासी हैके उठाये जाबेंगे और हमारौ रूप बदल जाबैगौ।

1 थिस्सलुनिकियों 4:16

चौंकि पिरभू खुदई सुरग में ते उतरेगौ। बाई समै दहाड़ कौ और पिरधान सुरग दूतन कौ सब्द सुनाई देगौ और परमेस्‍वर की तुरही फूंकी जाबेगी, जो मसीह पै भरोसौ करते भये मर गये है, बे पहलें जी उठिंगे।

प्रकासित बाक्य 1:4

मैं, यूहन्‍ना आसिया की सातौ कलीसियन के नाम लिख रयौऊं, जो है और जो हतो और जो आवे बारौ है बा परमेस्‍वर की ओर ते और बिन सातौ आतमन की ओर ते जो वाकी राजगद्‍दी के सामने हैं। और जो भरोसेमंद गबाही और मरे भयेन में ते जीबित हैबे बारौ पैहलौठौ है और सबरी धरती के राजान कौ हाकिम है। बा ईसू मसीह की ओर ते तुमें किरपा और सान्‍ती मिलती रैहबै। बू हमते पिरेम करै, जाने अपने खून के द्वारा हमारे सबरे पाप छुड़ा दिये हैं।

प्रकासित बाक्य 11:15

और जब सातमे दूत नें तुरही बजाई, तौ सुरग में जा बिसय की बड़ी बड़ी अबाज हैबे लगी, “जगत कौ राज हमारे पिरभू कौऐ, और वाके मसीह कौ है गयौ। अब बू युगानुयुग राज करैगौ।”

प्रकासित बाक्य 15:1

सुरग में मैंनें फिर एक अदभुत चिन्‍न देखौ, कै सात सुरग दूत जौ सात अखीरी बिपत्‍तीन कूं लिये भये हैं। जे अखीरी बिपत्‍ती हैं चौंकि जाके बाद परमेस्‍वर के गुस्सा कौ कोप खतम है जाबैगौ।

प्रकासित बाक्य 16:1

फिर मैंनें पिराथना घर मेंते जोर की अबाज सुनी बे सातौं दूत जि कैह रये हते, “जाऔ परमेस्‍वर के कोप के सातो कटोरान नें धरती पै उड़ेल देऔ।”

प्रकासित बाक्य 8:13

और मैंनें फिर देखौ, तौ आकास के बीच में एक उकाब कूं उड़ते और ऊंची अबाज ते जि कहते सुनौ, “बिन तीन सुरग दूतन की तुरही की अबाज के मारैं, जिनकौ बजाबौ अबई वाकी है, धरती के रहबे बारेन पै हाय! हाय! हाय!”

प्रकासित बाक्य 8:6

और बे सातों सुरग दूत जिनके जौरें सात तुरहियां हती, बे अपनी अपनी तुरहि बजाबे कूं तैयार भये।

प्रकासित बाक्य 9:1

और जब पाँचमे सुरग दूत नें तुरही फूंकी, तौ मैंनें सुरग ते धरती पर एक तारौ गिरतौ भयौ देखौ, और बाय पाताल के कुन्ड की तारी दई गई।