प्रकासित बाक्य 7:1 - बृज भासा

¹ जाके बाद मैंनें धरती के चारौं कोनेन पै चार सुरग दूतन कूं खडे देखौ, बे धरती की सबरी हबाये पकरे भये हते। जाते धरती पै या समुन्दर पै या फिर काऊ पेड़ पै हबा न चलै।

प्रकासित बाक्य 7:1 Iomraidhean Croise

मत्‍ती 24:31

मैं तुरही की अबाज के संग अपने दूतन कूं भेजुंगा और बे आकास के जा छोर ते बा छोर तक चारों दिसान में ते, परमेस्‍वर के चुने भए लोगन कूं इकठ्‌ठौ करिंगे।

मरकुस 13:27

बा समै मैं अपने सुरग दूतन कूं भेजके धरती के जा छोर ते आकास के बा छोर तक चारौ दिसन ते अपने चुने भये लोगन कूं इकठ्‌ठो करुंगौ।

प्रकासित बाक्य 20:8

और बू सबरी धरती पै फैली भई मनुस्‍य जात जो गोग और मागोग कही जाबै बिनें भरमाबे काजै निकर परैगौ, बू बिनै युद्ध के काजै इकठ्‌ठे करैगौ। बे समुन्दर की बारू के किनकन के जितने अनगिनत हुंगे।

प्रकासित बाक्य 6:6

तब मैंनें चारौं जीबते पिरानीन के बीच में ते जि अबाज आते भये सुनी कै, “आयबे बारे अकाल के दिनांन में एक दिनां की मजदूरी के बदले केवल एक दिनां के खायबे के काजै गेंहू मिलैगौ या एक दिनां की मजदूरी के बदले केवल तीन दिनां के खायबे के काजै जौ मिलैगौ, पर जैतून के तेल और अंगूर कौ रस के भाव में कोई बदलाब नांय होगौ।”

प्रकासित बाक्य 7:3

“जब तक हम हमारे परमेस्‍वर के दासन के मांथे पै मौहर न लगाय दें, तब तक धरती पै और समुन्दर पै और पेड़न कूं नुकसान मत पौंहचईयों।”

प्रकासित बाक्य 8:7

पैहले सुरग दूत नें तुरही बजाई, और लहू ते मिले भये ओरे और आग पैदा भई, और धरती पै डारी गई और एक तिहाई धरती भस्म है गई, और एक तिहाई पेड़ भस्म है गये और सब हरी घासऊ जल गई।

प्रकासित बाक्य 9:14

कोई छठवें सुरग दूत ते जाके जौरें तुरही हती बू कैह रहौ है कै, “बिन चार सुरग दूतन कूं जो बड़ी फरात नदी के जौरें बंधे भए हैं, खोल दैय।”

प्रकासित बाक्य 9:4

और बिनते कही, न धरती की घास कूं, न काऊ हरियाली कूं, न काऊ पेड़ कूं नुकसान पौंहचईयों, केवल बिन आदमिन कूं जिनके माथे पै परमेस्‍वर की मौहर नांय लगी होय।