प्रकासित बाक्य 4:1 - बृज भासा

¹ इन बातन के बाद मैनें अपनी आँखन ते देखौ, सुरग में एक द्वार खुलौ भयौए। तुरही के समान एक बड़ी अबाज जो मैंनें पैहले सुनी बानें मोते कही, “मेरे जौरें ऊपर आ। मैं बिन बातन नें तोय दिखाऊंगो जिनकौ हैबो पक्‍कौ है।”

प्रकासित बाक्य 4:1 Iomraidhean Croise

मत्‍ती 3:16

और ईसू बपतिस्मा लैके जैसेई पानी में ते निकरौ और बाई समै आकास खुल गयौ, और बिन्नें परमेस्‍वर की आतमा कूं ईसू के ऊपर कबूतर कि तरैह उतरते भए देखौ।

मरकुस 1:10

जब बू पानी में ते निकरकै ऊपर आयौ, तबई बानें आकास कूं खुलते भये और परमेस्‍वर के पबित्र आतमा कूं कबूतर के रूप में अपने ऊपर उतरते भये देखौ।

लूका 3:21

यूहन्‍ना कूं जेल में डारबे ते पैहले जब सब लोग यूहन्‍ना ते बपतिस्मा लै रये हते, तब ईसू नेंऊं बपतिस्मा लियो। और जब ईसू पिराथना कर रयौ हतो तब परमेस्‍वर नें आकास कूं खोल दियौ।

यूहन्‍ना 16:13

पर जब सत्‍य कौ आतमा आबैगौ तौ बू तुमें पूरौ सच्‍चौ रस्ता दिखाबैगौ चौंकि बू अपनी ओर ते कछू नांय कैहबेगौ। बू जो कछू सुनैगौ बेई बताबैगौ। और जो कछू हैबे बारौ है बाय उजागर करैगौ।

प्रेरितन के काम 10:11

और बानें देखौ कै, आकास खुल गयौए और एक लम्बो चौंड़ौ चद्‍दरा के जैसी कोई चीज उतर रयी है और बाय चारों कोनेन ते पकरकै धरती पै उतारौ जा रयौ है।

प्रेरितन के काम 7:56

“देखौ, मैं सुरग कूं खुलौ भयौ, और मनुस्‍य के बेटा कूं परमेस्‍वर के सीदे हात की ओर ठाड़ौ भयौ देखतूं।”

प्रकासित बाक्य 1:10

मैं पिरभू के दिनन में पबित्र आतमा में आ गयौ और मैंनें तुरही के समान बड़े सब्द में मेरे पीछे जे कैहते भये सुनौ,

प्रकासित बाक्य 1:12

तव मैंनें जो बोल रयो हतो बाय देखिबे काजै अपनों मौंह पीछे फेरौ और मुड़कें मैंनें सात सौने की दीबट देखीं।

प्रकासित बाक्य 1:19

जामारैं तू बिन बातन कूं जो तैंनें देखी हैं, और जो बात है रयीं हैं और जो जाके बाद हैबे बारीऐ बिन सबन कूं लिखलै।

प्रकासित बाक्य 11:12

और बिनें सुरग ते एक बड़ी अबाज सुनाई दई, “य्हां ऊपर आऔ।” जि सुनकें बे बादल पै सबार हैकें अपने बैरिन कूं देखते-देखते सुरग पै चढ़ गए।

प्रकासित बाक्य 11:19

और परमेस्‍वर कौ पिराथना घर सुरग में है, बू खोलौ गयौ, और वाके बड़े पिराथना घर में वाके बाचा कौ सन्दूक दिखाई दियौ, और बिजली चमकी और गर्जन की अबाज आई और भूकम्प भए, और बड़े-बड़े ओरे परे।

प्रकासित बाक्य 16:17

सातबें सुरग दूत ने अपनों कटोरा हबा पै डार दियो, और पिराथना घर के सिंहासन ते एक बड़ी अबाज आई के, “सब पूरौ है चुकौ है।”

प्रकासित बाक्य 19:11

फिर मैं नें सुरग कूं खुलौ भयौ देखौ, और देखौ एक सफेद घोड़ा है, और बापै एक सबारै, जो भरोसेमन्द और सच्‍चौ कहौ जाबै और बू धर्म के संग न्याय और युद्ध करैं।

प्रकासित बाक्य 22:6

फिर सुरग दूत नें मोते कही, “जि बात भरोसे के लायकें, और सच्‍चीऐं। और पिरभू परमेस्‍वर जो परमेस्‍वर की बात बतायबे बारेन कूं आतमा दैबै, बानें अपने सुरग दूत कूं भेजौए, कै अपने सेबकन कूं बे बात जिनकौ भौत जल्दी पूरौ हैबौ जरूरीऐ दिखाबै।”