प्रकासित बाक्य 3:3 - बृज भासा

³ जामारैं तू चेत जा और यादकर कै तैनें कैसी सिक्छा पाईए और सुनीए तू बाई में बनो रैह और अपनों मन फिरा, जो तू चेतैगो नांय तौ मैं चोर की तरैह ते आ जाऊंगो, और तू कबऊ नांय जान पाबैगौ के मैं तेरे जौरें कब आ परूंगो।

प्रकासित बाक्य 3:3 Iomraidhean Croise

मत्‍ती 25:13

जामारै तुम जागते रहौ और साबधान रहौ चौंकि तुम बा दिना और बा समै के बारे में नांय जान्त।

मरकुस 13:33

जागते रहौ और साबधान रहौ चौंकि तुम नांय जानौ हौ कै जि समै कब आबेगौ।

मरकुस 13:36

ऐसो नांय होबै कै बू एक दम ते आयकें तुमकूं सोतो भयौ पावें।

1 थिस्सलुनिकियों 5:2

चौंकि तुम खुदई जानतो कै जैसे रात कूं चोर अचानक आवते, बैसेई पिरभू के दुबारा आबे कौ दिन आबे बारौ है।

1 तिमुथियुस 6:20

तिमुथियुस, जा धरोहर की रखबारी करतौ रह और संसार की बातन और बेफिजुल की बहस ते खुद कूं दूर रख जिन्नें कछू लोग गलती ते ग्‍यान की बात मानै।

2 तिमुथियुस 1:13

जो खरी बात तैनें मोते सुनीए बा भरोसे और पिरेम के संग जो मसीह ईसू में हैं अपनों आदर्स बनांये रख

इब्रानियों 2:1

जामारैं हमें जो सन्देस मिलौ है, बापै अच्‍छी तरैह ध्‍यान देनों चहिऐ। कऊं ऐसौ ना होय कै हम रस्ता ते भटक जामें।

2 पतरस 1:13

जब तक मैं जा सरीर में हतूं तब तक तुमें याद कराकें चेतातौ रहुंगो, जाय मैं अपने काजै ठीक समझूं।

2 पतरस 3:1

हे मेरे प्यारे दोस्तो, मैं तुमें बिन बातन कूं याद दिबाबे के काजै जा दूसरी चिठ्‌ठीऐ लिख रयौऊं के मैंनें तुमारे सुद्ध मन कूं जगाबे कौ जतन करौय।

2 पतरस 3:10

पर पिरभू कौ दिना चोर की नाईं आबैगौ। बा दिना भयंकर गरजन के संग आकास बिलीन है जाबैगौ, आकास के पिन्‍ड आग में जरकें नास है जांगे, और जा धरती और धरती के सबरी चीज आग में जर जांन्गी।

प्रकासित बाक्य 16:15

देख, “मैं चोर के समान अचानक आय जाऊंगो। धन्य हैं बू जो जगतौ रैहबै और अपने कपड़न की चौकसी करतौ रैहबै, बे नंगे ना फिरे और बिनके नंगेपन कूं कोई नांय देखे।”

प्रकासित बाक्य 2:25

पर हाँ जो सिक्छा तुमारे जौरें हते बाय मेरे आबे तक मान्‍ते रेओ।

प्रकासित बाक्य 2:5

जामारैं याद कर तू कहां ते गिरौ है, जामारैं मन फिरा और पैहले जैसे काम कर और अगर तू अपनों मन न फिराबैगौ तौ मैं तेरे जौरें आकैं बा स्थान ते तेरी दीबटें हटा दुंगो।

प्रकासित बाक्य 22:7

ईसू नें कही, “देख मैं भौत जल्दी आयबे बारौऊ धन्य है बू, जो जा किताब की भविस्‍यबानी की बातन्‍नें मांनें।”

प्रकासित बाक्य 3:11

मैं जलदी आबे बारोऊं, जो कछू तोपे हतेये बाय तू पकड़े रैह कोई तेरौ जीबन को मुकुट छीन नांय लेय।

प्रकासित बाक्य 3:19

“मैं जिन जिनते पिरेम करुं बिनें तारना दऊं और उलाहनों दऊं जा बजैह ते तू उत्साहित हो और अपने पापन ते मन फिरा।

प्रकासित बाक्य 3:2

जामारैं मैं तुमते कैहतूं जो चीज बची भई हैं और जो नांस हैबे बारीऐं, बिन्‍नें मजबूत करलै। चौंकि मैंनें तेरौ कोई काम मेरे परमेस्‍वर की नजर में पूरौ नांय पायो।