प्रकासित बाक्य 3:1 - बृज भासा

¹ “सरदिस की कलिसिया के दूत कूं जि लिख। “जाके जौरें परमेस्‍वर की सात आतमांऐं और सात तारे हैं, बू जे कहमें, कै मैं वाके कामन्‍नें तौ जानूं, बे लोग अपने आपकूं जीबित कहमें, पर बे जीबित नांय,

प्रकासित बाक्य 3:1 Iomraidhean Croise

लूका 15:24

चौंकि जि मेरौ बेटा मर गयौ अब बू फिर ते जीबित है गयौए जि खोय गयौ हतो सो अब मिल गयौए’, जामारै बे खुसियां मनांयबे लगे।

लूका 15:32

पर हमें खुस होनौं चहिऐं और जस्न मनानों चहिऐं चौंकि तेरौ जि भईया, जो मर गयौ हतो, अब फिर जीबित है गयौए। जि खोय गयौ हतो, जो फिर अब मिल गयौए।’”

यूहन्‍ना 1:16

वाकी दया ते भरे भये हैबे की बजैह ते हमें किरपा पै किरपा मिली है।

यूहन्‍ना 1:33

मैं तौ बाय नांय जान्‍त हतो पर जानें मोय पानी ते बपतिस्मा दैबे कूं भेजौ, बानें मोते कही, ‘जाके ऊपर पबित्र आतमा कूं कबूतर की तरैह ते उतरते भये देखेगौ, बेई पबित्र आतमा ते बपतिस्मा देबेगौ।’

यूहन्‍ना 20:22

जि कैहके बानें सबन पै फूंक मारी और बिनते कही, “पबित्र आतमा लेओ।

यूहन्‍ना 3:34

चौंकि, जाकूं परमेस्‍वर ने भेजौ है बू परमेस्‍वर की बात करैगौ। चौंकि परमेस्‍वर नें बाय भरपूर पबित्र आतमा कौ दान दयौ है।

प्रेरितन के काम 2:33

ईसू परमेस्‍वर के दाहिने हात, सबते ऊँचौ पद पायकै बैठौए, बानें परम पिता परमेस्‍वर की प्रतिग्‍या के अनुसार पबित्र आतमा पाई और फिर बानें जा आतमा कूं हम पै उतार दयौ, जैसौ कै अब तुम देख रयेऔ और सुन रये हो।

इफिसियों 2:1

तुम लोग अपने अपराध और पापन के कारन आतमिक रूप ते मर गये हते,

इफिसियों 2:5

कै जब हम अपराधन की बजैह ते आतमा में मरे भये हते तौ बानें हमें मसीह में जीबित करौए और परमेस्‍वर की किरपा तेई हम लोगन कौ उद्धार भयौ है।

कुलुस्सियों 2:13

बानें जो तुम सबरे बुरे कामन में खतना रहित सरीर की वजह ते मरे भये हते तब परमेस्‍वर नें अपने बेटा के संग हमें जीबित करौ और बू हमारे सबरे बुरे कामन नेंऊ मांफ करैगौ

1 तिमुथियुस 5:6

पर जो बिधबा भोग-बिलास में पड़ गई है बे जीते जी मर गई है।

याकूब 2:26

जैसे आतमा के बिना देह मरी भई है बैसेई कामन के बिना भरोसौ मरौ भयौऐ।

1 पतरस 1:11

उन्‍नें जा बात की खोज करी हती कै मसीह कौ आतमा बिनमें हतो और पैहलै ते मसीह के दुखन की और वाके बाद हैबे बारी महिमा की गबाही दयी हती और जि जा बात कौ चिन्‍नैं कै जि बात कब होंगी और जा दुनियां कौ का होगौ।

यहूदा 1:12

जे लोग तुमारी दावतन में बिन छुपी भयी चट्टानन की तरैह ते हैं, जो घातक हैं। जे लोग बेधड़क तुमारे संग खामें पीमें, पर बिनें केवल अपनेई स्‍बार्थ की चिन्‍ता रैहबै। जे बिन बादरन की तरैह ते हैं, जो हबा के संग चलै,पर बारिस नांय लामें। जे पतझड़ के ऐसे पेड़न की तरैह हैं जो फल नांय दैमें, जि पेड़ पूरी तरैह ते जो दो बार मर चुके हैं, जिनें जड़ ते उखाड़ दियौ गयौ है।

प्रकासित बाक्य 1:11

“जो कछू तू देखै बू सब किताब में लिखलै और सातों कलिसिया के जौरे भेज दै मतलब इफिसुस, और स्मुरना, पिरगामुन, थूआतीरा, सरदिस, फिलदेलफिया और लौदिकिया कूं।”

प्रकासित बाक्य 1:16

बू अपने सीदे हात में सात तारे लिये भये हतो और वाके मौंह ते तेज दुधारी तलबार निकर रई हती। वाकौ म्हों ऐसौ तेज चमक रयौ हतो जैसे सूरज की तेज कर्री घाम।

प्रकासित बाक्य 1:20

मतलब बिन सात तारेन कौ भेद जो तैनें मेरे सीदे हात पै देखौ हतो, और बिन सात सौने की दीबटन कौ भेद, बे सात तारे सातौ कलीसियन के दूत हैं, और बे सात दीबट सात कलिसिया है।

प्रकासित बाक्य 1:4

मैं, यूहन्‍ना आसिया की सातौ कलीसियन के नाम लिख रयौऊं, जो है और जो हतो और जो आवे बारौ है बा परमेस्‍वर की ओर ते और बिन सातौ आतमन की ओर ते जो वाकी राजगद्‍दी के सामने हैं। और जो भरोसेमंद गबाही और मरे भयेन में ते जीबित हैबे बारौ पैहलौठौ है और सबरी धरती के राजान कौ हाकिम है। बा ईसू मसीह की ओर ते तुमें किरपा और सान्‍ती मिलती रैहबै। बू हमते पिरेम करै, जाने अपने खून के द्वारा हमारे सबरे पाप छुड़ा दिये हैं।

प्रकासित बाक्य 2:13

मैं जानूं झांपै तू रैहबै म्हांपै सैतान की राजगद्‍दी है। और म्हांई पै तू मेरे नाम मेंऊ टिकौ भयौए और तू हमेसा काजै भरोसेमंद रहो और तू बिन दिनन मेंऊ भरोसे ते पीछे नांय हटो और ना मेरौ नाम को इनकार करो बा समै पै मेरौ भरोसेमन्द गबाह अन्तिपास बा जगह पै मारौ गयौ ज्हांपै सैतानऊ रैहबै।

प्रकासित बाक्य 2:19

तेरौ काम और तेरौ भरोसौ, पिरेम,सेबा और तेरी धीरज के संग सहन सक्‍ती कूं मैं जानूं। मैं जानूं कै जो काम पैहले करतो बाते और जादा कर रयौ है।

प्रकासित बाक्य 2:2

मैं तेरे कामन कूं, तेरी मेहनत और तेरे सबर कूं जानूं। मैं जेऊ जानूं कै तू बुरे लोगन कूं पसन्द नांय करै, और जो अपने आपकूं प्रेरित तौ कहमें पर बे हत नांय, बे तैनें परख केऊ देख लिये हैं कै बे झूंठे हैं।

प्रकासित बाक्य 2:9

मैं तुमारी कलेस और गरीबी कूं जानूं। तुम हकीकत में धनी हतो। मैं बिनकी निन्दा कूंअऊं जानूं, जो अपने आप कूं यहुदी कहमें पर बे हत नांय, बे सैतान की सभा हैं।

प्रकासित बाक्य 3:15

मैं तेरे कामन कूं जानूं, तू ना तौ ठन्‍डौ और न गर्म। भलौ होतौ कै तू ठन्‍डौ या गर्म होतो,

प्रकासित बाक्य 3:2

जामारैं मैं तुमते कैहतूं जो चीज बची भई हैं और जो नांस हैबे बारीऐं, बिन्‍नें मजबूत करलै। चौंकि मैंनें तेरौ कोई काम मेरे परमेस्‍वर की नजर में पूरौ नांय पायो।

प्रकासित बाक्य 3:8

मैं तेरे कामन कूं जानूं। देख, मैंनें तेरे सामने एक द्वार खोलोए, जाय कोई बन्द नांय कर सकै। तेरी सामर्थ थोड़ी सी कम तौ हते पर फिरऊ तैनें मेरे वचन को पालन करौए और मेरे नाम कौ इन्कार नांय करो।

प्रकासित बाक्य 4:5

बा राजगद्‍दी में ते बिजली की चकाचौंध, घड़घड़ाहट, बादल की गर्जन निकल रयी हती। और राजगद्‍दी के सामनेई लपलपाती भई सात मसालें जल रयीं हतीं। जे मसालें परमेस्‍वर की सात आतमांऐ हैं।

प्रकासित बाक्य 5:6

तब मैंनें बा राजगद्‍दी के और चारौं जीबते पिरानीन और बुजुर्गन के बीच में, एक मैमना देखौ, जो मारे भये मैमना जैसौ हतो। वाके सात सींग और सात आँख हती जे परमेस्‍वर की आतमाऐ हतीं जो सबरी धरती पै भेजी गईं हतीं।