प्रकासित बाक्य 15:3 - बृज भासा

³ बे परमेस्‍वर के सेबक मूसा और मैमना कौ जा गीतै गा रये हते, “बे काम जिनें तू करै बे महान हैं। तेरी अदभुत सक्‍ती कबऊ खतम हैबे बारी नांय, हे पिरभू परमेस्‍वर, तेरौ रस्ता सच्‍चाई और धारमिकता ते भरौ भयौ है, सबरी जातिन कौ राजाए,

प्रकासित बाक्य 15:3 Iomraidhean Croise

यूहन्‍ना 1:17

जामारै सच्‍चाई तौ जि है कै मूसा ने तौ हमें व्‍यबस्था दई पर किरपा और सच्‍चाई ईसू मसीह के द्वारा हम तक पौंहची है।

1 तिमुथियुस 1:17

और अब सदा काल के राजा, अनदेखे, अमर और बा एकमात्र परमेस्‍वर कौ आदर और बड़ाई युग-युग तक होती रैहबै। ऐसौई होबे।

इब्रानियों 3:5

परमेस्‍वर के सबरे घराने में मूसा एक सेबक के समान भरोसेमंद हतो, बू बिन बातन कौ गबाह हतो जो आबे बारे समै में परमेस्‍वर के द्वारा कही जानी हतीं।

प्रकासित बाक्य 1:8

हमारौ पिरभू परमेस्‍वर जो हतैए, जो हतो और जो आवे बारौ है, बुई सर्वसक्‍तीमान जि कैहबै कै, “मैं ही अलफा और ओमेगा हूं।”

प्रकासित बाक्य 11:17

जि कैहबे लगे कै, “हे सर्वसक्‍तीमान पिरभू परमेस्‍वर, जो है, और जो हतो, हम तेरौ धन्यबाद करें। तैनें अपनी बड़ी सामर्थ कूं काम में लायकें सब राजान पै राज करौये।

प्रकासित बाक्य 14:3

बे राजगद्‍दी और चार जीबते पिरानी और बुजुर्गन कै सामने एक नयौ गीत गा रये हते। बिन एक लाख चम्बालिस हजार लोगन के अलाबा जिनकूं धरती पैते खरीद लियौ गयौ हतो, बिनके अलाबा और कोई जा गीतै नांय गा सकतौ।

प्रकासित बाक्य 14:8

जाके बाद वाके पीछैं एक दूसरौ सुरग दूत आयौ और बोलौ, “कै वाकौ सरब नास है चुकौऐ, महा नगरी बेबीलोन कौ सरब नास है चुकौऐ। बानें सबरी जातियन कूं व्‍यभिचार की बासना मय सराब पिबाई है।”

प्रकासित बाक्य 17:14

बे मैमना के बिरुध युद्ध करेंगे,पर मैमना अपने बुलाये भये, चुने भये और अपने भरोसे योग्‍य चेलान के संग उनकूं हराय देगौ चौंकि बू राजान कौ राजा और पिरभून कौ पिरभू है।”

प्रकासित बाक्य 19:16

और वाके कपड़ा और जांघ पै जि नाम लिखौ भयौ है, “राजान कौ राजा और पिरभून कौ पिरभू।”

प्रकासित बाक्य 19:2

वाकौ न्याय हमेसा सच्‍चौए और धारमिकता ते भरौ भयौए बा एक बड़ी बैस्‍या कौ न्याय करौ जो अपने व्‍यभिचार ते धरती कूं असुद्ध कर्रयी हती, जिनकूं बानें मार दियौ हतो। बिन भगतन की मौत को बदलौ है चुकौऐ।”

प्रकासित बाक्य 4:8

बिन चारौ जीबित पिरानीन के छै छै पंख हते और बिनके चारौ लंग आँखई-आँखे हतीं और बिना थके भये परमेस्‍वर की महिमा कर रये हते और जि कैह रये “पबित्र, पबित्र, पबित्र पिरभू परमेस्‍वर, सर्वसक्‍तीमान जो हतो, जो है और जो आयबे बारौ है।”