प्रकासित बाक्य 1:4 - बृज भासा

^4-5 मैं, यूहन्‍ना आसिया की सातौ कलीसियन के नाम लिख रयौऊं, जो है और जो हतो और जो आवे बारौ है बा परमेस्‍वर की ओर ते और बिन सातौ आतमन की ओर ते जो वाकी राजगद्‍दी के सामने हैं। और जो भरोसेमंद गबाही और मरे भयेन में ते जीबित हैबे बारौ पैहलौठौ है और सबरी धरती के राजान कौ हाकिम है। बा ईसू मसीह की ओर ते तुमें किरपा और सान्‍ती मिलती रैहबै। बू हमते पिरेम करै, जाने अपने खून के द्वारा हमारे सबरे पाप छुड़ा दिये हैं।

प्रकासित बाक्य 1:4 Iomraidhean Croise

यूहन्‍ना 1:1

सुरू में वचन हतो। वचन परमेस्‍वर के संग हतो और वचनई परमेस्‍वर हतो।

प्रेरितन के काम 19:10

दो साल तक ऐसैई होत रयौ जाकौ नतीजा जि भयौ कै, आसिया के रैहबे बारे यहुदी और गैर यहुदी सबन नें पिरभू कौ वचन सुन लयो।

प्रेरितन के काम 2:9

मांपै पारथी, मेदी और एलामी, मेसोपोटामिया के रैहबे बारे, यहुदिया और कप्पदूकिया, पुन्‍तुस और आसिया।

रोमियों 1:7

इन सब में तुम लोगऊ परमेस्‍वर के प्यारे और परमेस्‍वर के पबित्र लोग हैबे काजै बुलाए गये हैं। हमारे पिता परमेस्‍वर और पिरभू ईसू मसीह की ओर ते तुमें किरपा और सान्‍ती मिलती रैहबै।

1 कुरिन्थियों 1:3

हमारे परम पिता परमेस्‍वर और पिरभू ईसू मसीह की ओर ते तुम सबन कूं किरपा और सान्‍ती मिलती रैहबै।

2 कुरिन्थियों 1:2

हमारे पिता परमेस्‍वर और पिरभू ईसू मसीह की ओर ते तुमें किरपा और सान्‍ती मिले।

इब्रानियों 13:8

ईसू मसीह कल, आज और युगानुयुग तक एक जैसौ है।

याकूब 1:17

जो कछू अच्‍छे दान, वरदान ऊपर के है और जे बा उजीते के पिता की ओर ते मिलें, बामें कोई बदलाब नांय है सकै और ना अदल बदल की बजैह ते बापै कोई छाया पड़त।

प्रकासित बाक्य 1:1

जा किताब में बे बात लिखी गयीं है जो ईसू मसीह नें दरसन के द्वारा बताईं हैं। जे बात परमेस्‍वर नें ईसू मसीह कूं बताई हैं जाते बू परमेस्‍वर के दासन कूं जे बता सकै कै आबे बारे समै में जल्दी हैबे बारी हैं और बानें अपने सुरग दूत कूं भेजकें अपने दास यूहन्‍ना कूं जे बात बताईं।

प्रकासित बाक्य 1:11

“जो कछू तू देखै बू सब किताब में लिखलै और सातों कलिसिया के जौरे भेज दै मतलब इफिसुस, और स्मुरना, पिरगामुन, थूआतीरा, सरदिस, फिलदेलफिया और लौदिकिया कूं।”

प्रकासित बाक्य 1:17

जब मैंनें देखौ तौ मैं वाके पामन पै मुर्दे जैसौ गिर गयौ और बानें मेरे सिर पै सीधौ हात रखकें कही, “डरपै मत। मैं पैहलौ और आखरी हूं।

प्रकासित बाक्य 1:20

मतलब बिन सात तारेन कौ भेद जो तैनें मेरे सीदे हात पै देखौ हतो, और बिन सात सौने की दीबटन कौ भेद, बे सात तारे सातौ कलीसियन के दूत हैं, और बे सात दीबट सात कलिसिया है।

प्रकासित बाक्य 1:8

हमारौ पिरभू परमेस्‍वर जो हतैए, जो हतो और जो आवे बारौ है, बुई सर्वसक्‍तीमान जि कैहबै कै, “मैं ही अलफा और ओमेगा हूं।”

प्रकासित बाक्य 1:9

मैं यूहन्‍ना जो तुमारौ भईयाऊं, जो ईसू मसीह कौ कलेस और राज में, धीरज में तुमारौ सहभागी रहौ, परमेस्‍वर के वचन और ईसू मसीह की गबाही के कारन देस निकारौ दैकें पतमुस नाम के टापू में भेज दियौ हतो।

प्रकासित बाक्य 16:5

तब मैने पानी के दूत कूं जि कैहत भये सुनौ, “बू तूईए जो नियाईऐ, जो हमेसा ते हतो तूईऐ जौ पबित्र है। तैने जो करौए बुई न्याय है।

प्रकासित बाक्य 2:12

“पिरगामुन की कलिसिया के दूत कूं जि लिख। “बापै दुधारी तलबारै, बू जि कैहबै कै,

प्रकासित बाक्य 2:18

“थूआतीरा की कलिसिया के दूत कूं लिख। “परमेस्‍वर कौ पुत्र जाकी आँख आग की लपट की समान है और वाके पांम बढिया पीतल की तरैह है, बू तोते जे कैहबै कै,

प्रकासित बाक्य 2:8

“स्मुरना की कलिसिया के दूत कूं जि लिख। “बू जो पैहलौ और आखरी हतो जो मर गयोओ और फिरते जीबित है गयौऐ। बू जि कैहबै कै,

प्रकासित बाक्य 22:16

“मुझ, ईसू नें अपने सुरग दूत कूं तुमारे काजै और कलीसियन के काजै भेजौए कै इन बातन की गबाही देय। मैं दाऊद कौ मूल, और वंस, और भोर कौ चमकतौ भयौ तारौऊं।”

प्रकासित बाक्य 22:8

मैं बुई यूहन्‍नांऊ, जो जिन बातन्‍नें सुनतौ, और देखतौ हतो, और जब मैं नें सुनी और देखी। तौ जो सुरग दूत मोय इन बातन कूं ये बातें दिखातौ, मैं वाके पांमन में दन्‍डबत करबे के काजै गिर परौ।

प्रकासित बाक्य 3:1

“सरदिस की कलिसिया के दूत कूं जि लिख। “जाके जौरें परमेस्‍वर की सात आतमांऐं और सात तारे हैं, बू जे कहमें, कै मैं वाके कामन्‍नें तौ जानूं, बे लोग अपने आपकूं जीबित कहमें, पर बे जीबित नांय,

प्रकासित बाक्य 3:14

“लौदिकिया की कलिसिया के दूत कूं जि लिख। “जो ऐसौई हैबै और भरोसेमंद सच्‍चौ गबाह और परमेस्‍वर की सृस्‍टी को मूल कारनें। बू जे कैहबै,

प्रकासित बाक्य 3:7

“फिलदेलफिया की कलिसिया के दूत कूं जि लिख। “जो पबित्र और सच्‍चौ है जाके हात में राजा दाऊद की तारीऐ, जाके खोले भये दरबाजेए कोई बन्द नांय कर सकै और जाके बन्द करे भये दरबाजेए कोई खोल नांय सकै बू जे कैहबै कै,

प्रकासित बाक्य 4:5

बा राजगद्‍दी में ते बिजली की चकाचौंध, घड़घड़ाहट, बादल की गर्जन निकल रयी हती। और राजगद्‍दी के सामनेई लपलपाती भई सात मसालें जल रयीं हतीं। जे मसालें परमेस्‍वर की सात आतमांऐ हैं।

प्रकासित बाक्य 4:8

बिन चारौ जीबित पिरानीन के छै छै पंख हते और बिनके चारौ लंग आँखई-आँखे हतीं और बिना थके भये परमेस्‍वर की महिमा कर रये हते और जि कैह रये “पबित्र, पबित्र, पबित्र पिरभू परमेस्‍वर, सर्वसक्‍तीमान जो हतो, जो है और जो आयबे बारौ है।”

प्रकासित बाक्य 5:6

तब मैंनें बा राजगद्‍दी के और चारौं जीबते पिरानीन और बुजुर्गन के बीच में, एक मैमना देखौ, जो मारे भये मैमना जैसौ हतो। वाके सात सींग और सात आँख हती जे परमेस्‍वर की आतमाऐ हतीं जो सबरी धरती पै भेजी गईं हतीं।

प्रकासित बाक्य 8:2

फिर मैंनें परमेस्‍वर के सामने ठाड़े रैहबै बारे सात सुरग दूतन कूं देखौ और बिनें सात तुरही दई गईं गयी हती।