फिलिप्पियों 4:9 - बृज भासा

⁹ और जो बात तुमने मोते सुनीयें और सीखीयें और मोते प्राप्‍त करी है और मोमें देखी है बिन कोई पालन करौ, तब जो परमेस्‍वर सान्‍ती कौ पिता है तुमारे संग रैहबैगौ।

फिलिप्पियों 4:9 Iomraidhean Croise

मत्‍ती 1:23

“एक क्वारी गर्भवती होगी, और बू एक बेटाए जनैगी और वाकौ नाम इम्मानुएल रखौ जाबैगौ” जाकौ मतलब है “परमेस्‍वर हमारे संग है।”

मत्‍ती 28:20

और उन सब बातन कूं जिनकी मैंनें तुमकूं आग्‍या दईएं मानबौ सिखाऔ, और देखौ,मैं दुनियां के अन्‍त तक हमेसा तुमारे संग हूं।”

मत्‍ती 7:21

“जो लोग मोय पिरभू पिरभू कैहतै, बिनमें ते सब परमेस्‍वर के राज में नांय घुसिंगे, पर बेई सुरगीय राज में घुसेगौ जो मेरे सुरगीय पिता की इच्‍छाऐ पूरी करतै।

लूका 6:46

“जब तुम मेरौ कहनों नांय मानतई, तौ चौं मोय, ‘हे पिरभू, हे पिरभू,’ कहते हो।

लूका 8:21

ईसू नें उनकूं उत्‍तर दयौ, कै मेरी मा और मेरे भईया तौ जेई हैं, जो परमेस्‍वर के वचन कूं सुनतै और मानतै।

यूहन्‍ना 13:17

तुमतौ सच्‍चाई जानतौ अगर तुम इन बातन पै चलोगे तौ तुम धन्य हो।

यूहन्‍ना 15:14

अगर तुम मेरी आग्‍या मानौगे तौ तुम मेरे मित्र हो।

यूहन्‍ना 2:5

तब वाकी माँ ने सेबकन ते कही, “कै बू जो कहे तुम बाई काम कूं करौ।”

प्रेरितन के काम 9:6

अब उठ नगर कूं जा और जो कछू तोय करनोंए, बू तोय बताय दयो जाबैगौ।”

रोमियों 15:33

सम्पूर्न सान्‍ती कौ परमेस्‍वर तुमारे संग रहे। ऐसौई होबे!

रोमियों 16:20

सान्‍ती कौ सोत परमेस्‍वर जल्दी अई सैतान कूं तुमारे पैरों तले कुचल देबेगौ। हमारे पिरभू ईसू की किरपा तुम पै होती रैहबे।

1 कुरिन्थियों 10:31

जामारै तुम जो कछू खाऔ पीऔ और जो कछू करौ सब कछू परमेस्‍वर की महिमा के काजै करौ।

1 कुरिन्थियों 14:33

चौंकि परमेस्‍वर गड़बड़ी कौ परमेस्‍वर नांय, बल्कि सान्‍ती कौ परमेस्‍वर है। जैसे परमेस्‍वर के पबित्र लोगन की सब कलिसिया में होतै।

1 कुरिन्थियों 4:16

जामारै मेरी तुमते जि बिनतीए कै तुम मेरी तरैह जीबन जीऔ।

2 कुरिन्थियों 13:11

अब हे भईया-बहनो, आखिर में मेरौ तुमते जेई कैहनों है कै खुस रहौ। सिद्ध बनते जाऔ, एक मन रहौ, हिम्मत रखौ, मेल ते रहौ। पिरेम और सान्‍ती कौ परमेस्‍वर तुमारे संग रैहबै।

फिलिप्पियों 3:17

हे मेरे भईयाओ सब मिलकें मेरे जैसे चलौ और मैंनें तुम लोगन के काजै एक नमूना दियोए और बाई के अनुसार चलबे बारेन पै ध्यान देऔ।

फिलिप्पियों 4:7

और परमेस्‍वर की सान्‍ती जो हमारी बुद्धि ते परे है, जो तुमारे हृदय और बिचारन कूं ईसू मसीह में सुरछित रखैगी।

1 थिस्सलुनिकियों 1:6

तुम बड़े दुख में पबित्र आतमा की ओर ते मिले आनन्द के संग वचन कूं मानकै हमारी और हमारे पिरभू की सी चाल चलवे लगेऔ।

1 थिस्सलुनिकियों 2:14

हे भईयाओ, अब तुम परमेस्‍वर की बिन कलिसियान की तरैह ते जीबन जीबे लगेऔ, जो यहुदिया देस में मसीह ईसू में हैं चौंकि तुमनेंऊ अपने लोगन ते बैसौई दुख पायो है जैसौ बिन्‍नें यहुदी लोगन ते पायौ हतो।

1 थिस्सलुनिकियों 5:23

सान्‍ती कौ परमेस्‍वर खुदई तुमें पूरी तरह ते पबित्र करै। और तुमारी आतमा, पिरान और सरीर, हमारे पिरभू ईसू मसीह के दुबारा आयबे तक, पूरी तरैह ते बिना दोस के बने रहें।

2 थिस्सलुनिकियों 3:4

हमें पिरभू में तुमारे ऊपर पूरौ भरोसौ है कै हम तुमें जो जो आग्‍या दैमें बिन्नें तुम मानें और मानते रिंगे।

2 तिमुथियुस 4:22

पिरभू तेरी आतमा के संग रैहबे। तुम सबन पै परमेस्‍वर की किरपा होवें।

याकूब 1:22

पिरभू के वचन पै चलबे बारे बनों, जो कोई पिरभू के वचन कूं सुनकें नांय माने, बू आदमी अपने आपकूं धोखौ दै रयौ है। बाय तौ ऐसे मान लेओ जैसे बू अपनों मौंह सीसा में देख रयौ है।

2 पतरस 1:10

हे भईयाओ, तुम जा काम के काजै बुलाये और चुने भयेऔ, बाय पूरौ करबे के जतन में लगे रहौ, अगर तुम ऐसौ करिंगे तौ तुम कबऊ भरोसे ते नां डगमगाएंगे।

1 यूहन्‍ना 3:22

हम बाते जो कछु मागिगें, बू हमें बुई दैवेगौ चौंकि हम वाकी आग्‍या कौ पालन करतैं, और बुई करतैं जो बाय अच्‍छौ लगतै।