फिलिप्पियों 4:8 - बृज भासा

⁸ जामारैं हे मेरे भईयाओ, जो जो बात सच्‍चीयें, जो बात आदर कीयें, जो बात सही है, जो बात पबित्र है, जो बात सुनिबे में अच्छी हैं, जो बात मन कूं अच्छी लगें, जिन बातन में अच्छे गुन हैं और जिन बातनते भौत बड़ाई हैबै बिन बातन पैई ध्यान लगाऔ।

फिलिप्पियों 4:8 Iomraidhean Croise

मत्‍ती 22:16

बिन्‍नें ईसू के जौरै हेरोदियन के गुट के कछू लोगन के संग, अपने चेलान कूं बाते जि सबाल पूछबे भेजौ, “हे गुरू, हम जि जानतें कै तू सच्‍चाई ते परमेस्‍वर के रस्ता की सिछा देतैं और तू सच बोलतै। तोय काऊ की परबाह नांय। तू काऊ के म्हों देखकै बात नांय करतई।

मरकुस 6:20

चौंकि हेरोदेस यूहन्‍ना कूं पबित्र और धरमी जानिकै बाते डरपतो और बाय बचाय रखतो और हर समै वाकी बात सुनिकै भौत घबरा जातौ पर खुसी ते वाकी सुनत रेहतो।

लूका 16:15

जापै ईसू नें बिनते कही, “तुम लोगन कूं जि जतायबौ चाहतौ कै हम भौत धरमी हैं पर परमेस्‍वर तुमारे मन कूं अच्‍छी तरैह ते जानतै। चौंकि जो चीज लोगन की नजरन में भौत कीमती है बू परमेस्‍वर कि नजर में तुच्‍छ है।

लूका 2:25

बा समै येरूसलेम में सिमौन नाम कौ परमेस्‍वर कौ एक भक्‍त और धरमी आदमी हतौ। बू इसरायल की सान्‍ती की बाट जोह रयौ हतो और पबित्र आतमा वाके संग हतो।

लूका 23:50

यहुदिया देस में अरिमतिया नगर कौ रैहबे बारौ एक अच्‍छौ धरमी आदमी हतो, जाकौ नाम यूसुफ हतो। बू यहुदी महापंचायत कौ सदस्‍य हतो। बू पंचायत के दूसरे आदमिन की बातन में सामिल नांय भयौ, जामें ईसू कूं मारबे की बात पै सहमती बनी हती चौंकि जि परमेस्‍वर के राज कौ इन्‍तजार कर रयौ हतो।

यूहन्‍ना 7:18

जो कोई खुद की ओर ते बोलतै तौ बू अपनी बड़ाई चाहतै। पर जो कोई अपने भेजबे बारे कौ आदर चाहतै, बू सच्‍चौ है और बामें कोई अधर्म नांय।

प्रेरितन के काम 10:22

तब उन्‍नें बाते कही, “कुरनेलियुस सूबेदार जो धरमी और परमेस्‍वर कौ भय मानबे बारौ है और सबरे यहुदी लोग वाकौ आदर करतें। बाते पबित्र सुरग दूतन ने जि कही कै, बू तोय अपने घर बुलायकै तोते वचन सुनें।”

प्रेरितन के काम 22:12

“मांपै हनन्याह नाम कौ एक आदमी मोय देखबे आयौ। बू व्‍यबस्था कूं मानबे बारौ भक्‍त हतो और मांके यहुदिन में मानों भयौ आदमी हतो।

प्रेरितन के काम 6:3

जामारै हे भईयाओ, तुम अपने बीच में ते ऐसे सात आदमिन कूं चुन लेओ जो पबित्र आतमा ते भरौ भयौ और बुद्धी ते भरौ भयौ होय। और बिनें जा खबायबे पियायबे के काम में लगाय देऊ।

रोमियों 13:13

जामारै हम बैसेई उत्‍तम रीति ते रहें जैसे दिन के समै रहते हैं। खा पीकै धुत्‍त ना है जाओ। लुच्‍चपन, कुकर्म, व्‍यभिचार में ना पड़ें, ना झगड़े और नांई ईरसा रखें।

रोमियों 13:3

अब देखौ कोई सासन करबे बारौ आदमी कूं जो नेकी करतै, नांय डराबत, पर बाई कूं डरातै, जो बुरे काम करतै। अगर तुम अधिकारी ते नांय डरनों चाहत, तौ भले काम करते रहो। तुमें सत्‍ता की प्रसंसा मिलेगी।

रोमियों 14:18

जो इन बातन के द्वारा मसीह की सेबा करतै, बे परमेस्‍वर के प्यारे है और लोग बाय सम्मान देते हैं।

रोमियों 2:29

जो अन्दर ते यहुदी है, बू सच्‍चौ यहुदी है। सच्‍चौ खतना आतमा के द्वारा मन कौ खतना है नां कै लिखी व्‍यबस्था कौ। ऐसे आदमी की बड़ाई लोग नांय पर परमेस्‍वर की ओर ते करी जातै।

1 कुरिन्थियों 4:5

जामारै समै ते पैहले काऊ बात कौ न्याय मत करौ। पिरभू के आबे कौ इन्‍तजार करौ बेई अन्धेरे में छिपी भई बातन्‍ने उजीते में पिरगट करैगौ, और सबके मन की बातन कूं पिरगट करैगौ। तब परमेस्‍वर की ओर ते सबकी बढ़ाई होगी।

2 कुरिन्थियों 13:7

हम परमेस्‍वर ते पिराथना करतें कै, तुम कोई बुराई ना करौ। जामारै बुई करौ जो अच्‍छौ है। चाहे हम जा जाँच में असफलई चौं ना दिखाई दैबै।

2 कुरिन्थियों 6:8

हम आदर और निरादर के बीच में, प्रसंसा और निन्दा के बीच में अपने आपकूं मौजूद रखतै। हमे तौ बहकाबौ बारौ समझौ जाबतुए जबकि हम तौ सच्‍चे हैं।

2 कुरिन्थियों 8:18

हम वाके संग बा भईया कूं भेज रहै हैं, जाकौ सुभ समाचार के पिरचार के रूप में सब कलिसियान में हरेक जगैह नामबरी फैल गयी।

2 कुरिन्थियों 8:21

चौंकि हमें अपनी अच्‍छी साख बनांयबे की चिन्‍तांए, बस पिरभू के सामनेई नांय पर लोगन के बीच मैऊं।

गलातियों 5:22

पर पबित्र आतमा का फल पिरेम, आनन्द, सान्‍ती, धीरज, दयालुता, भलाई, भरोसौ

इफिसियों 4:25

जाईमारै तुम लोग झूंठ बोलबौ छोड़कै, आपस में एक दूसरे ते सच बोलौ चौंकि तुम सब एकई सरीर के अंग हौ।

इफिसियों 5:9

चौंकि जाँपै उजीतौ होते मांपै हर तरैह की भलाई, धारमिकता और सच्‍चाई पैदा होतै।

इफिसियों 6:14

सत्‍य ते अपनी कमरै कसकै धारमिकता की झिलमें पहन के, पामन में मेल-मिलाप के सुभ समाचार की तैयारी के जूता पहन के तैयार है जाऔ। बिन सबके संग भरोसे की ढाल लैके डटे रहो जाते तुम बा दुस्ट के सब जलते भये तीरन नें बुझाय सको।

फिलिप्पियों 3:1

हे मेरे भईयाओ, पिरभू में हमेसा आनन्दित रहौ मोय बार-बार जि बात लिखबे में कोई परेसानी नांय, और जाई ते तुमारो कल्‍यान है।

कुलुस्सियों 4:5

हर मौका कौ पूरौ-पूरौ फायदा उठाये करौ और बाहर बारेन के संग बुद्धी के संग व्‍यवहार करौ।

1 थिस्सलुनिकियों 4:12

ऐसौ करबे ते अबिसबासी लोग तुमारौ आदर करिंगे और तुम्हें काऊ चीज की कमी नां होगी।

1 तिमुथियुस 2:2

राजा और सब अधिकारिन के काजैऊ पिराथना करे करौ, जाते हम चैन के संग सान्‍ती ते सबरी भक्‍ती और परमेस्‍वर के काजै आदर ते जीबन जी सकैं।

1 तिमुथियुस 3:11

बैसेई बिनकी पतनीन नेंऊ सम्मानित होंनों चहिऐ और बे चुगलखोर नां हों, बिनें सब बातन में हुसियार और भरोसे योग्‍य होंनों चहिऐ।

1 तिमुथियुस 3:4

और बू अपने घर की देख रेख अच्‍छी तरैह ते करतो होय और बाय अपने बालकन कूं ऐसी सिछा देनी चहिऐ जाते वाके बालक वाकौ आदर करें और वाकी बातन नें मानें।

1 तिमुथियुस 4:12

तू जबान है जामारैं तोय काऊ के सामने नजर झुकानी ना परै, पर वचन, चाल-चलन, पिरेम, भरोसौ और सभ्यता में परमेस्‍वर पै भरोसौ करबे बारेन काजै नमूना बन जा।

1 तिमुथियुस 5:10

और अच्‍छे कामन में बाको नाम रहो होय, जानै अपने बालकन को पालन पोसन अच्‍छी तरैह ते करौ होय, जानें अनजान लोगन की और परमेस्‍वर के पबित्र लोगन कि अपने घर में सेबा करी हो और दुखियान की सहायता करी होय और हर भले काम में मन लगायौ होय।

1 तिमुथियुस 5:2

बड़ी-बूढ़ी औरतन कूं माता जानिकें और जबान औरतन कूं पूरी सुद्धता के संग बहन समझकें व्‍यवहार कर।

तीतुस 1:8

पर बू लोगन कौ आदरभाव करबे बारौ, भलाई कौ चाहबे बारौ, संयमी, सच्‍चौ न्याय करबे बारौ, पबित्र और नियम के अनुसार चलबे बारौ होनों चहिऐ।

तीतुस 2:14

बानें हमारे काजै अपने आप कूं दै दियौ, जाते बू हमें हर तरैह के पापन ते छुड़ा लैबै और हमें एक ऐसी सुद्ध पिरजा बनाबै, जो वाकी खुद की होय और बे भले-भले काम करबे काजै लालायित होय।

तीतुस 2:2

बड़े-बुढ़े आदमिन कूं सिछा दै जाते बे गम्भीर, लोगन में सम्मान पावे बारे, संयमी, धीरज बान, पिरेमी और भरोसे में पक्‍के होंय।

तीतुस 2:7

तू अपनी सब अच्छी बातन में बिनके काजै खुद एक नमूना बन जा। तेरी सिछा में सफाई और गम्भीरता होय।

तीतुस 3:14

हमारे अपने लोगन नें पूरे मन ते भले काम करते रहनों सीखनों चहिऐं, जाते बे औरन की जरूरत पूरी कर सकें और निकम्मे नांय बैठे रैहमें।

इब्रानियों 11:2

जाई कारन ते हमारे पुरखान कूं परमेस्‍वर कौ आदर प्राप्‍त भयौ हतो।

इब्रानियों 13:18

हमारे काजै पिराथना करते रहौ। चौंकि हमें भरोसौ है कै हमारी समझ सुद्ध है। और हम हर प्रकार ते बेई करनों चाहमें, जो अच्छौ है।

याकूब 1:27

हमारे पिता परमेस्‍वर के जौरें सुद्ध और निरमल भक्‍ती तौ जि है कै अनाथ और बिधबान के दुखन में बिनकी सुधी लैमें, और अपने आप कूं संसार की बुराईन ते अलग करें।

याकूब 3:17

सुरग ते आयबे बारौ ग्‍यान तौ पबित्र, सान्तीपूरन, सहनसील, और मिलनसारऊ है बू करुना ते भरौ भयौ है और अच्‍छे कामन की फसल पैदा करै। बामें पछपात और कपट ना होऐ।

1 पतरस 1:22

अब देखौ तुमनें अपने आप कूं भाई चारे के सच्‍चे पिरेम कूं दिखाबे काजै अपनी आतमा कूं पबित्र कर लियौऐ तौ पबित्र मन ते एक दूसरे ते बिना कपट के पिरेम करबे कौ मन बनांय लेओ।

1 पतरस 2:12

गैर मसीह लोगन मेंऊ तुमारौ चाल-चलन अच्‍छौ होय। जामारैं बे तुमें जिन जिन बातन में सरीर की इच्‍छा कूं मारबे काजै तुमारी आतमा जूझती हती। बे भले कामन ने देखकैं पिरभू के आयबे के दिनन में परमेस्‍वर की महिमा करें।

1 पतरस 4:8

सबते बड़ी बात तौ जि है कै एक दूसरे ते निरन्‍तर पिरेम करते रैहौ चौंकि पिरेम भौत पापन कूं ढक दैबै।

2 पतरस 3:1

हे मेरे प्यारे दोस्तो, मैं तुमें बिन बातन कूं याद दिबाबे के काजै जा दूसरी चिठ्‌ठीऐ लिख रयौऊं के मैंनें तुमारे सुद्ध मन कूं जगाबे कौ जतन करौय।

1 यूहन्‍ना 3:18

हे प्यारे बालकौ हमें अपने बिसबासी भईयन ते केवल सब्द और मौंह तेई पिरेम नांय करनों चहिऐं, पर करमन ते और सच्‍चे मन ते एक-दूसरे कूं पिरेम करनों चहिऐं।

1 यूहन्‍ना 3:3

जो कोई मसीह पै आसा रखतें बाय अपने आप कूं बैसौई सुद्ध बनानों चहिऐ जैसौ मसीह सुद्ध है।

1 यूहन्‍ना 4:1

हे प्यारे भईयाओ! हरेक आतमा कौ भरोसौ मत करौ, पर आतमा कूं पैहचानों कै बू परमेस्‍वर की ओर ते हते कै नांय, चौंकि संसार में भौत से परमेस्‍वर के बारे में झूंठी बात बतायबे बारे है गये हैं।