फिलिप्पियों 4:17 - बृज भासा

¹⁷ जाकौ मतलब जि नांय के में दान चाहूं पर मैं तुम में ऐसी आसीस देखबो चाहतूं जो दान दैवे तेई आती है।

फिलिप्पियों 4:17 Iomraidhean Croise

यूहन्‍ना 15:16

तुमने मोय नांय चुनों पर मैंनें तुमें चुनों है कै तुम जाऔ और भौतसे फल लाऔ और बे फल तुम में हमेसा बनो रहें और मेरौ नाम लैकें तुम जो कछू पिता ते मांगौगे तौ बू तुमें दै देगौ।

यूहन्‍ना 15:8

मेरे पिता की महिमा जाई ते होतिए, कै तुम भौतसे फल लाऔ तब तुम मेरे चेला कहे जाऔगे।

रोमियों 15:28

जामारै अपनों जि काम पूरौ करके और इकठ्‌ठौ करे गये जा धन कूं हिपाजत के संग बिनके हात सौंपकै, मैं तुमारे नगर ते होता भयौ इसपानिया के काजै रबाना होऊँगा।

2 कुरिन्थियों 11:16

मैं फिर कैहतूं कोई मोय मूरख नांय समझै। पर अगर फिरऊ तुम मोय ऐसौ समझतै तौ मूरखई समझ के मेरी सहन कर लेओ, जाते मैंऊ थोरौ सौ घमन्‍ड करूं।

2 कुरिन्थियों 9:5

जामारै मैने भईयन ते जि बिनती करबौ जरूरी समझो कै, बे हमते पैहले तुमारे जौरे आमें और जा दान कूं देबे के बारे में तुम पैहलेई कह चुकेऔ बाय पहले तेई उदारता ते देबे काजै तैयार रखौ। जामारै जि दान अपनी इच्‍छा ते तैयार रखौ जाबे, ना कै दबाब के संग तुमते छीनी गयी काऊ चीज के रूप में।

फिलिप्पियों 1:11

ईसू मसीह तुमें भले कामंन के सद्गुनन ते भर दैबै जाते परमेस्‍वर की महिमा और स्तुति होती रैहबै।

फिलिप्पियों 4:11

मैं जामारैं नांय कैहरौ कै मोय काऊ बात की कमीयें, चौंकि मैंनें हर परिस्थिति में जि सीख लयौ है कै मैं बई में सन्‍तुस्‍ट रहूं।

1 थिस्सलुनिकियों 2:5

चौंकि तुम जानें के, ना तौ हम तुमते कबऊ चापलूसी की बात करते, और ना लालच में तुमते कोई बात कही। जा बात कौ परमेस्‍वरऊ गबाह है।

1 तिमुथियुस 3:3

बू दारू बाज ना होय, मारपीट करबे बारौ ना होय, पर बू एक सज्‍जन और सान्‍ती ते रहबे बारौ आदमी होय और बाय धन को लालच बिलकुल नांय होंनों चहिऐं।

1 तिमुथियुस 6:10

चौंकि पईसन कौ लोभ सब तरह की बुराइयन की जड़ है। कछू लोग पईसन के चक्‍कर में फसकै भरोसे ते भटक गये और खुद कूं अलग अलग तरैह के दुखन ते छलनी कर लियौ है।

तीतुस 1:7

चौंकि कलिसिया के पिरधान कूं परमेस्‍वर कौ भन्‍डारी हैबे की बजैह ते बिना दोस बारौ होनों चहिऐ। बू घमन्‍डी, जल्दी गुस्सा करबे बारौ, पीवे बारौ, झगड़ौ करबे बारौ और नीच कमाई कौ लोभ करबे बारौ नांय होनों चहिऐ।

तीतुस 3:14

हमारे अपने लोगन नें पूरे मन ते भले काम करते रहनों सीखनों चहिऐं, जाते बे औरन की जरूरत पूरी कर सकें और निकम्मे नांय बैठे रैहमें।

इब्रानियों 6:10

चौंकि तुमने परमेस्‍वर के पबित्र लोगन की लगातार सहायता करते भये जो पिरेम दिखायौ है, बाय और तुमारे दूसरे कामन कूं परमेस्‍वर कबऊ नांय भुलैगौ। बू अन्यायी नांय।

1 पतरस 5:2

जिन लोगन कौ झुंड तुमकूं परमेस्‍वर ने दयौए वाके अच्‍छे रखबारे बनके देखभाल करौ, जि काऊ के दबाब ते मत करौ पर परमेस्‍वर की इच्‍छा जानकें अपनी खुद की इच्‍छा ते करौ, जि काम काऊ धन के लालच की बजैह ते नांय पर सेबा के भाव ते करते रहौ।

2 पतरस 2:15

जे लोग सीधे रस्ता ते भटककै बओर के बेटा बिलाम के रस्ता पै चलबे लगे हैं, बिलाम, जाकूं अधर्म की कमाई पियारी हती।

2 पतरस 2:3

बे लालच की बजैह ते झूंठी बनाबटी बातन ते धन कमाईंगे। बिनकी सजा तौ परमेस्‍वर भौत पैहले तैई तैय कर चुकौए, बिनकौ नास बिनै नास करबे काजै तैयार बैठौए।

यहूदा 1:11

हाय, बिन लोगन पै, जो कैन के जैसे बुराई के रस्ता पै चल रये हते। जे रुपईयन के काजै बिलाम की नांई भटक गये और कोरह की तरैह बिद्रोह करबे के कारन नास कर दये गये हते।