फिलिप्पियों 3:9 - बृज भासा

⁹ और मैं पूरी तरैह ते मसीह कौ है जाऊं, पर मैं खुद की धारमिकता की बजैह ते धरमी नांऊ जो नियम मानवे ते मिलै, पर जि धारमिकता है जो मसीह में भरोसे की बजैह ते परमेस्‍वर पिता ते मिलै हते।

फिलिप्पियों 3:9 Iomraidhean Croise

मत्‍ती 9:13

जामारै तुम जाकौ मतलब जान लेओ, कै ‘मैं बलिदान नांय पर दया चाहतूं।’ चौंकि मैं धरमिन कूं नांय पर पापिन कूं बुलाबे आयौ हूं।”

रोमियों 1:17

चौंकि सुभ समाचार परमेस्‍वर की धारमिकता कूं बनातै। जि धारमिकता सुरुआत ते आखरी तक भरोसे पै टिकी भयी है। जैसौ कै पबित्र सास्त्र में लिखौ भयौ है कै, “भरोसे ते धरमी जन जीबित रैहबेगौ।”

रोमियों 10:10

चौंकि अपने हृदय के भरोसे ते आदमी धारमिक ठहरायौ जातै और अपने मौंह ते वाके भरोसा कूं स्‍वीकार करबे ते वाकौ उद्धार होतै।

रोमियों 16:7

मेरे कुटुम्बी अन्द्रनीकुस और यूनियास को, जो मेरे संग कारागार में हते और जो पिरमुख धर्म प्रचारकन में प्रसिद्ध हैं, और जो मोतेऊ पहले मसीह में हते, मेरौ नमस्‍कार।

रोमियों 5:21

ताकि जैसे मौत के द्वारा पाप ने राज करौ है ठीक बैसे ही हमारे पिरभू ईसू मसीह के द्वारा कबऊ नांय खतम हैबे बारे जीबन कूं लाबे के काजै परमेस्‍वर की किरपा धारमिकता के द्वारा राज करे।

रोमियों 8:1

जा तरैह अब बिनके काजै जो ईसू मसीह में हैं, कोई दन्‍ड नांय। चौंकि बे सरीर के अनुसार नांय पर आतमा के अनुसार चलतै।

रोमियों 8:3

जाय मूसा की व्‍यबस्था मनुस्‍य के भौतिक स्‍वभाव की बजैह ते दुर्बल हैके नांय कर सकी बाय परमेस्‍वर नें अपने बेटा कूं हमारेई जैसे सरीर में भेजकै जाते हम पाप करते हैं वाकी सांसारिक देह कूं पाप बारी बनाकर पाप कूं निरस्त करके पूरौ करौ।

1 कुरिन्थियों 1:30

पर परमेस्‍वर की ओर ते तुम मसीह ईसू में बने भये हो, मसीह जो परमेस्‍वर की ओर ते हमारे काजै ग्‍यान मतलब धारमिकता, पबित्रता और छुटकारौ ठहरौ है।

2 कुरिन्थियों 5:17

जामारै अगर कोई मसीह में बनों भयौ है, बू नई रचनां है। पुरानी बातें बीत गयीं और देखौ, सब नयौ है गयौऐ।

2 कुरिन्थियों 5:21

मसीह नें कोई पाप नांय करौ। तौऊं परमेस्‍वर नें हमारे काजै बाय पापी बनायौ कै हम वाके द्वारा परमेस्‍वर के सामने धरमी ठहराये जांय।

गलातियों 2:16

तौऊं जि जानकै कै मनुस्य व्‍यबस्था के कामन ते नांय, पर ईसू मसीह पै भरोसौ करिबे ते धरमी ठहरेगौ। जाई कारन हमनेंऊ मसीह ईसू पै भरोसौ करौ है, ताकि हम व्‍यबस्था के कामन ते नांय पर मसीह पै भरोसौ करवे ते धरमी ठहरे हैं, जा मारै व्‍यबस्था के कामन ते कोई आदमी धरमी नांय ठहरैगौ।

फिलिप्पियों 3:6

अगर मेरे जोस की बात करौ तौ कलिसिया पै अत्‍याचार करबे बारो और व्‍यबस्था की धारमिकता की बात करौ तौ मैं बिलकुल निरदोस हतो।

2 तिमुथियुस 1:9

जानें हमारौ उद्धार करौ है, और परमेस्‍वर के पबित्र लोग हैबे काजै बुलायौ है, और जि हमारे कामन के अनुसार नांय पर वाकी मनसा और वाके अनुग्रह के अनुसार है जो ईसू मसीह में सुरुआती समै ते हम पै भयौ है।

तीतुस 3:5

तब बानें हमारौ उद्धार करौ और जि बानें हमारे काऊ धरम के कामन की बजैह ते ऐसौ नांय करौ, पर हम पै अपनी दया ते ऐसौ करौ है। ऐसौ बानें पबित्र आतमा के जरिए हमे बचाकैं करौए पबित्र आतमा जाने हमें धोयकें नयौ जनम दियौए।

इब्रानियों 6:18

य्हां कबऊ नांय बदलबे बारी दो बातें हैं जो कबऊ नांय बदल सकें वाकी प्रतिग्‍या और वाकी सौगन्ध जिनके बारे में परमेस्‍वर कबऊ झूंठ नांय कह सकै। जामारैं हम जो परमेस्‍वर के जौरें आसरौ पाबे काजै आए हैं और जो आसा बानें हमें दयी है, बाय थामे भये भौत उत्साहित हैं।

याकूब 3:2

मैं तुमें जामारैं चेता दै रयौऊं कै हम सबन पै भौत सी भूल हैती रैहबै। अगर कोई आदमी बोलबे में चूक नांय करै तौ बू पूरौ सिध्द आदमीऐ, और बुई अपने सरीर पै पूरौ काबू पाय सकै।

2 पतरस 1:1

जि चिठ्‌ठी ईसू मसीह के भेजे भये चेला मुझ, सिमौन पतरस की ओर ते बिन लोगन काजैंऐ, जिनें हमारे परमेस्‍वर और हमारे उद्धारकरता मसीह ईसू की धारमिकता के द्वारा हमारौ सौ भौत कीमती भरोसौ पायौए।

1 यूहन्‍ना 3:4

जो कोई अधर्म करतै बू परमेस्‍वर की आग्‍या कूं नां मानें और परमेस्‍वर की आग्‍या कूं न मानबौई पाप है।