फिलिप्पियों 3:3 - बृज भासा

³ सई पूछौ तौ सच्‍चे खतना बारे हमई हैं, चौंकि हम पबित्र आतमा के जरिये परमेस्‍वर की उपासना करतैं हम सरीर में खतना जैसी बातन पै भरोसौ नांय करत, पर ईसू मसीह पै गर्व करते।

फिलिप्पियों 3:3 Iomraidhean Croise

रोमियों 1:9

परमेस्‍वर, जाकी सेबा में अपनी आतमा ते, वाके बेटा ईसू के सुभ समाचार के बारे में करतूं, बेई मेरौ गबाह है कै, मैं अपनी पिराथनान में तुम लोगन कूं लगातार याद करतौ रैहतूं।

रोमियों 15:17

जामारै मसीह ईसू में एक आदमी के रूप में परमेस्‍वर के काजै अपनी सेबा कौ मोय घमन्‍ड है।

रोमियों 7:6

पर अब हमें व्‍यबस्था ते छुटकारौ दे दयौ गयौ है। चौंकि जा व्‍यबस्था के अधीन हमें बंदी बनांयौ हतो, हम वाके काजै मर चुके हैं। और अब पुरानी लिखित व्‍यबस्था ते नांय, पर परमेस्‍वर की आतमा की नयी रीति के अनुसार हम अपने स्‍वामी परमेस्‍वर की सेबा करतै।

रोमियों 8:15

चौंकि बू आतमा जो तुमें मिलौ है, बू तुमें फिर ते दास बनाबे या डराबे के काजै नांय, पर बू आतमा जो तुमनें पायौ है तुमें परमेस्‍वर की सन्‍तान बनातै। जाते हम पुकारकै कैहतै, “हे अब्बा, हे पिता!”

रोमियों 8:39

ना कोई हमारे ऊपर कौ और ना हमते नीचे कौ, न सृस्‍टी की कोई और चीज हमें परमेस्‍वर के बा पिरेम ते, जो हमारे भीतर पिरभू ईसू मसीह के काजै है, हमें अलग कर सकैगी।

रोमियों 9:6

ऐसौ नांय कै परमेस्‍वर नें अपनों वचन पूरौ नांय करौ होय चौंकि जो इसरायल के वंसज हैं, बे सब इसरायली नांय।

2 कुरिन्थियों 11:18

चौंकि भौत ते लोग अपने सांसारिक जीबन पैई घमन्‍ड करतै, तौ मैऊं घमन्ड करुंगौ।

गलातियों 5:25

यदि हम आतमा के अनुसार जीबित हैं तौ पबित्र आतमा के अनुसार ही चलें।

गलातियों 6:16

चौंकि जितने जा रीति पै चलिगें बिनपे और परमेस्‍वर के इसरायल सब बिसबासी लोगन पै सान्‍ती और दया होती रैहबेगी।

इफिसियों 6:18

और हर समै हर तरैह ते आतमा में पिराथना करतै रहौ, बिनती करत रहो और जागत रहो, और सब परमेस्‍वर के पबित्र लोगन के काजै पिराथना करते रहो।

फिलिप्पियों 1:1

हम ईसू मसीह के सेबक पौलुस और तिमुथियुस, जि चिठ्‌ठी फिलीपी में रैहबै बारे मसीह में मेल-जोल रखवे बारे सब परमेस्‍वर के पबित्र लोगन कूं और कलिसिया की देखभाल करवे बारे और काम में हात बटाबे बारेन कूं लिख रयौ हूं।

फिलिप्पियों 3:12

मेरौ जि मतलब नांय कै मैंनें सब चीज पाय लयीऐं या पूरी तरीका ते सिद्ध है गयौऊं पर मैं बा ईनामें पाबै काजै कड़ी मेहनत कर रौहूं जाके काजै ईसू मसीह नें मोय पैहले तेई बुलायौ है।

फिलिप्पियों 3:14

मैं बड़ी उत्सुकता के संग अपने लक्छ की मांऊ दौड़तौ चले जाऊं जाते मैं सुरग में जायकै बू उपहार पाऊं जाके काजै परमेस्‍वर में मोय पिरभू ईसू मसीह नें बुलायोए।

कुलुस्सियों 2:11

तुमारे खुद के पापी स्‍वभाब ते तुमारे छुटकारै काजै तुमारौ खतना मनुस्‍य के हातन ते नांय पर मसीह ते करायौ गयौ है।

यहूदा 1:20

पर हे प्यारे भईयाओ, तुम एक दूसरे कूं आतमिक रूप ते अपने अति पबित्र भरोसे में मजबूत करते रेओ और पबित्र आतमा ते पिराथना करते रेओ।