फिलिप्पियों 3:20 - बृज भासा

²⁰ पर हमारौ देस तौ सुरग है और हम सुरग ते आयबे बारे हमारे उद्धारकरता पिरभू ईसू मसीह कौ बेसबरी ते इन्तजार कर रये हैं।

फिलिप्पियों 3:20 Iomraidhean Croise

मत्‍ती 19:21

ईसू ने बाते कही, “अगर तू अपनी कमी कूं दूर करबौ चांहतै तौ जा तू अपनी सबरी धन-दौलत कूं बेचकै गरीब लोगन में बांट दै और सुरग में तेरे काजै आतमिक धन-दौलत होगी। तब तू आयकै मेरे पीछे चल।”

लूका 12:21

“एसौई बू आदमी है जो अपने काजै धन-दौलत बटोरतै पर परमेस्‍वर की निगाह बू धनबान नांय हत।”

लूका 14:14

चौंकि बिनके जौरें तोय बापस लौटायबे कूं कछू न होगौ पर बे तेरे काजै आसीरबाद बन जाबिंगे, जाकौ प्रतिफल तोय ठहराये भये धरमी लोगन के जी उठबे कै समै मिलैगौ।

प्रेरितन के काम 1:11

और बे कैहबे लगे, “अरे गलीली लोगो तुम सुरग की ओर टक टकी लगायकें का देख रयेऔ? जा तरैह ते ईसू कूं बादरन में जाबत भये देख रयेऔ बैसेई बाय दुबारा आबत भये देखौगे।”

1 कुरिन्थियों 1:7

जाई बजैह ते तुमारे जौरे वाके काऊ आतमिक वरदानन की कमी नांय। तुम सब हमारे पिरभू ईसू मसीह के पिरगट हैबे कौ इन्‍तजार करते रहो।

1 कुरिन्थियों 15:48

मट्‍टी ते बने भये लोग मट्‍टी ते बने आदम के जैसे है। बैसेई सुरगीय लोग सुरग ते आये मसीह जैसे हैं।

2 कुरिन्थियों 4:18

चौंकि हम देखी भई चीजन कौ नांय पर अनदेखी चीजन कूं देखत रैहतें। चौंकि दीखबे बारी चीज तौ थोरेई दिनां कीऐं, पर अनदेखी चीज सदा के काजै बनी रैहतैं।

2 कुरिन्थियों 5:8

हम हिम्मत बाँधे रैहतैं और देह कूं छोड़कै पिरभू के संग रैहबौ औरऊ अच्‍छौ समझतें।

गलातियों 4:26

पर दूसरी औरत सुरग में स्थित परमेस्‍वर के येरूसलेम के जैसी है, बू आजाद है और बुई हमारी माँ है।

इफिसियों 2:19

अब तुम लोग ना तौ पराये रहै ना परदेसी रहे, पर परमेस्‍वर के पबित्र लोगन के संगी और परमेस्‍वर के घराने के है गये हो।

इफिसियों 2:6

चौंकि हम ईसू मसीह में है, जामारै परमेस्‍वर नें हमें मसीह के संगई जीबित करौ जाते हम मसीह के संग सुरग में राज करें।

फिलिप्पियों 1:10

जाते तुम सही ते सही बातन कूं प्यारौ जानों और ईसू मसीह के आबे तक पबित्र और निरदोस बने रेयौ।

फिलिप्पियों 1:27

बस एक बात को ध्‍यान रखौ, कै तुमारो चाल-चलन ईसू मसीह के सुभ समाचार के योग्‍य होय। चाँहे मैं तुमारे जोरै आयकै मिलूं चाँहे नांय मिलूं, पर जब कबऊ तुमारे बारे में सुनूं तौ जेई सुनूं कै, तुम एक आतमा में डटे रैहकें और एक मन हैकें सुभ समाचार के भरोसे के काम काजै भौत मेहनत करतौ

कुलुस्सियों 1:5

और जि बा आसा की बजैह ते भयौए जो तुमारे काजै सुरग में रखी भयी है और जा आसा के बारे में तुमने पैहले तेई सुभ समाचार के सच्‍चे वचन के जरिये सुन लियौ है।

1 थिस्सलुनिकियों 1:10

और वाके बेटा ईसू की सुरग पैते आयवे की बाट जोह रहे हैं, जाकूं परमेस्‍वर नें मरे भयेन में ते जिलायौ हतो और बुई हमें आयवे बारे परमेस्‍वर के प्रकोप ते बचा सकै।

1 थिस्सलुनिकियों 4:16

चौंकि पिरभू खुदई सुरग में ते उतरेगौ। बाई समै दहाड़ कौ और पिरधान सुरग दूतन कौ सब्द सुनाई देगौ और परमेस्‍वर की तुरही फूंकी जाबेगी, जो मसीह पै भरोसौ करते भये मर गये है, बे पहलें जी उठिंगे।

2 तिमुथियुस 4:8

आगे आयवे बारे समै में मेरे काजै बू धर्म कौ मुकुट रखौए, जाय पिरभू जो धर्मीए और न्याईए मोय न्याय के दिना पैहराबैगौ। और बू बाय मोईऐ नांय पर उन सबनकूं पैहराबैगौ जो पिरेम के संग वाके पिरगट हैबे कौ इन्‍तजार कर रये हैं।

तीतुस 2:13

और बा धन्य दिना की बाट जोहते रहमें जब हमारी आसा पूरी होगी, और हमारे महान परमेस्‍वर और उद्धारकरता ईसू मसीह की महिमा पिरगट होगी।

इब्रानियों 12:22

पर तुमतौ सियोन पहाड़, जीबित परमेस्‍वर की नगरी, सुरगीय येरूसलेम के जौरें आ गये हैं। तुमतौ हजारों हजार सुरग दूतन की खुस करबे बारी सभा,

इब्रानियों 9:28

बाई तरैह मसीह भौतन के पापन कूं हटाबे काजै एकई बार बलिदान भयौ है। बू दूसरी बार, पापन के काजै नांय, बल्कि जो वाकी बाट जोह रये हैं, बिनके काजै उद्धार लाबे कूं पिरकट होगौ।

प्रकासित बाक्य 1:7

देखौ, बू बादरन पै आबे बारौ है, हरेक आँख बाय आते भये देखेगी और बेऊ जिन्‍ने बाय मारौ हतो, बेऊ बाय देखिंगे और धरती के सगरे कुल वाके कारन छाती पीटिंगे। ऐसौई हैबै।