फिलिप्पियों 3:19 - बृज भासा

¹⁹ बिनकौ नांस हैबौ तौ जरुरी है चौंकि बिन्नें अपने खाबे कूंईं परमेस्‍वर बना लियौ है और ऐसी बातन पै घमन्‍ड करैं जिन बातन पै सरम आनी चहिंयें और धरती की बातन पै मन लगाय भये है।

फिलिप्पियों 3:19 Iomraidhean Croise

मत्‍ती 16:23

ईसू ने पीछे मुड़कै पतरस ते कही, “हे सैतान! तू मेरे सामने ते दूर है जा, तू मेरे काजै ठोकर कौ कारन बन रयौए, चौंकि तू परमेस्‍वर की बातन कूं नांय पर आदमिन की बातन कूं सोचतै।”

मत्‍ती 25:41

“तब मैं, उल्टे हात की ओर बारेन ते कहुंगौ, ‘हे सापित लोगो मेरे सामने ते बा कबऊ न बुझबे बारी नरक की आग में गिर जाओ, जो सैतान और वाके दूतन के काजै तैयार करी गयी है।

लूका 12:19

और अपने पिरान ते कहुंगौ, कै अब तेरे काजै भौत सालन के काजै अच्‍छी धन-दौलत जमा है गयीए सो अब तू आराम कर और खा पी और सुख चैन ते रह।’”

लूका 16:19

“एक भौत धनी आदमी हतो। बू मंहगे कपड़ा पैहनतौ और रोजाना हर सुख भोग में अपनों जीबन बितावतौ।

लूका 18:4

“भौत समै तक तौ बू जज आना कानी करतौ रहौ। फिर बू मन में सोचबे लगौ, ‘कै मैं ना तौ परमेस्‍वर ते डरूँ ना काऊ आदमी की परबाह करत।

रोमियों 16:18

चौंकि ये लोग हमारे पिरभू मसीह की नांय, पर खुद के पेट की सेबा करते हैं, और अपनी खुसामद भरी चिकनी चुपड़ी बातन ते भोले भाले मन के लोगन कूं बहका देतै।

रोमियों 6:21

देखौ, बा समै तुमें कैसौ फल मिला? जाके काजै आज तुम सर्मिन्दा हो, जाकौ अंतिम परिनाम मौत है।

1 कुरिन्थियों 3:3

चौकी तुम अबई तक सांसारिक औ। का तुम सांसारिक नाऔ, जब कै तुम में आपसी जलन कलेस भरींएं, और तुम सांसारिक लोगन जैसौ बौहार करतौ?

1 कुरिन्थियों 5:2

तबऊ तुम घमन्‍ड में फूले भयेऔ। तुमकूं सोक मनानों चहिऐं और जानें ऐसौ काम करौऐ, बाय अपने बीच में ते बाहर निकार देनों चहिऐं।

1 कुरिन्थियों 5:6

तुमारे काजै घमन्‍ड करबौ अच्‍छौ नांय। का तुम जि नांय जानें कै थोरे ते खमीर ते पूरौ मड़ौ भयौ चून खमीर है जातै?

2 कुरिन्थियों 11:12

पर जो मैं कर रयौऊं बाय तौ करतई रहूंगो, जातै बिन लोगन कूं जा बात पै घमन्‍ड करबे कौ मौका ना मिलै कै, बे पिरचार के काम में मेरे बराबर हैं।

2 कुरिन्थियों 11:15

जामारै अगर वाके सेबकऊ नेकी के सेबकन कौ सौ रूप धरलें तौ जामें, का बड़ी बाते? पर अखिर में तौ बिनें करनी कौ फल मिलैगौई।

गलातियों 6:13

चौंकि जिनकौ खतना है चुकौए और जो खतना करबाबो चाहतै, बे खुद तौ व्‍यबस्थाऐ नांय मानतई, पर बू तुमारौ खतना जई बजैह ते करायबौ चाहते कै बे तुमारी सारीरिक दसा पै घमन्ड करै कै बिन्‍नें तुमारो खतना करबायोए।

फिलिप्पियों 2:21

चौंकि सब लोग अपने ही फायदा की चिन्ता करें ना की ईसू मसीह की।

कुलुस्सियों 3:2

जामारैं तुम धरती की चीजन पै ध्‍यान मत लगाऔ पर जो सुरग में है बापै ध्‍यान लगाऔ।

2 थिस्सलुनिकियों 1:9

बे पिरभू के सामईं ते और वाकी सामर्थ की महिमा ते दूर कर दिये जाबेंगे और कबऊ नांय खतम हैबे बारौ दन्‍ड भोगिंगे।

2 थिस्सलुनिकियों 2:12

ताकि जितने लोग सत्‍य पै भरोसौ नांय करें और अधर्म ते खुस हैमें, बे सब दन्‍ड पाएंगे।

2 थिस्सलुनिकियों 2:8

तब व्‍यबस्था कूं ना मानबे बारौ पिरकट होगो और बाय पिरभू ईसू अपने मौंह की फूंक ते और अपने आगमन की चकाचौंध ते नास कर देगौ।

1 तिमुथियुस 6:5

बिन लोगन में बेमतलब के रगड़े झगड़े पैदा होमें, जिनकी बुद्धी भ्रस्‍ट है गईऐ और बे सच्‍चाई ते भटक गये है। और बे सोचें कै परमेस्‍वर की सेबा कमाई कौ रस्ता है।

2 तिमुथियुस 3:4

धोकेबाज, ढीट, घमन्‍ड में फूले भये और परमेस्‍वर कूं ना मानबे बारे और भोग-बिलास केई चाहबे बारे हुंगे।

याकूब 4:16

पर तुमतौ अपनी दुस्‍टता पै घमन्‍ड करै जा तरैह कौ घमन्‍ड बुरौए।

2 पतरस 2:1

इसरायली लोगन में भौत से परमेस्‍वर के बारे में झूंठी बात बताबे बारे दिखाई दिंगे, बे तुमते भरमाबे बारी झूंठी बेमतलब की बात करिंगे और सांचे परमेस्‍वर कूं मानबे ते मने करिंगे, जाने बिनकूं मोल लैके छुड़ायौ है। और जाई तरैह ते बे अपने नास कौ कारन खुद बनिंगे।

2 पतरस 2:13

दूसरेन कौ बुरौ करबे के चक्‍कर में बिनकौ अपनौई बुरौ होगौ बिन्‍नें दिन दुपैरी में भोग-बिलास करबौ अच्‍छौ लगै। बे कलंकित और दोसी हैं जब जे लोग तुमारे संग दाबत खामें तौ,

2 पतरस 2:3

बे लालच की बजैह ते झूंठी बनाबटी बातन ते धन कमाईंगे। बिनकी सजा तौ परमेस्‍वर भौत पैहले तैई तैय कर चुकौए, बिनकौ नास बिनै नास करबे काजै तैयार बैठौए।

यहूदा 1:10

पर जे लोग बिन बातन की निन्दा करें, जिनें जि समझ नांय। जे बेसमझ जानबर की तरैह ते, जिन बातन कूं सुभाब तेई जानें, बे बिनईं के द्वारा नास है जामें।

यहूदा 1:16

जे बे लोग हैं, जो भुनभुनाते रैहमें और दूसरेन में खोट निकारते रैहमें। जे अपनी इच्‍छान के अनुसार चलबे बारे हैं और अपने मौंह ते घमन्‍ड की बात बोलें और अपने लाभ के काजै दूसरेन की खुसामद करें।

यहूदा 1:4

चौंकि कछू आदमी तुम लोगन के बीच में चुपचाप घुस आये हैं। इन लोगन की सजा के बारे में भौत समै पैहलेईं पबित्र सास्त्र में लिखौ भयौ है। जे लोग परमेस्‍वर ते दूर हैं और इन्‍नें परमेस्‍वर के अनुग्रह कूं भोग-बिलास कौ एक बहानों बनां डारौ है, और जे हमारे एकमात्र स्‍वामी पिरभू ईसू मसीह कूं नांय मानें।

प्रकासित बाक्य 18:7

बानें अपनी जितनी बड़ाई करी और जितनो भोग-बिलास करो बाय उतनोई दुख देओ और उतनोंई सोक देओ, बू अपने मन में जि सोचै, ‘मैं तौ रानी बन गयीऊं मैं कबऊ बिधबा की तरैह ते सोक नांय मनाउंगी।’

प्रकासित बाक्य 19:20

और बू डराबने पसु और वाके संग बू “झूठे” परमेस्‍वर की बात बताबे बारौ पकरौ गयौ, जाने वाके सामईं ऐसे चिन्‍न दिखाए हते, जिनते बानें बिनकूं भरमायौ, जिन्‍ने डराबने पसु की छाप लगबाही हती, और जो वाकी मूरत की पूजा करते, डराबनों पसु और वाके संग परमेस्‍वर के बारे में झूंठी बात बतायबे बारे जीते जी बा आग की झील में जो गन्धक ते जरतै, डारे गए।

प्रकासित बाक्य 21:8

पर डरपोक और अबिसबासी, दुस्‍ट, हत्‍यारे, व्‍यभिचारी, टौना, मूरती पूजबे बारे और सब झूंठान कौ भाग बा आग और गन्धक बारी झील में होगौ जो दूसरी मौतै।”

प्रकासित बाक्य 22:15

पर टोन्हे, व्यभिचारी, हत्‍यारे और मूरती पूजक, और हरेक झूंठ बोलबे बारे और झूंठ कूं चाहबे बारे, गली के कुत्‍तान की तरैह ते, बे बाहर परै रिंगे।