फिलिप्पियों 3:13 - बृज भासा

¹³ हे मेरे भईयाओ, मैं जि नांय समझूं कै मैंनें अब तक बू लक्छ पकर लियोए, मैं इतनोई कैहनौं चाहतूं के पीछे की बातन्‍ने भूलकै लक्छ की मांऊ बढ़तौ जाऊं।

फिलिप्पियों 3:13 Iomraidhean Croise

लूका 10:42

पर बस एकई बात जरूरीए और मरियम नें अपने काजै बा अच्‍छे भाग कूं चुनों है, सो बू बाते छीनौ नांय जाबैगौ।”

लूका 9:62

ईसू नें बाते कही, “हल की मूठ पकड़बे के बाद जो मुड़कर पीछे देखत रैहतै, बू परमेस्‍वर के राज की सेबा करबे के लायक नांय।”

2 कुरिन्थियों 5:16

जामारै हम अब काऊए दुनियां की निगाह ते नांय देखत। हमनें पहले मसीह कूं दुनियां की निगाह ते देखौ हतो, पर अब हम ऐसौ नांय करें।

फिलिप्पियों 2:12

हे मेरे प्यारे भईयाओ, तुम लोग सदां ते मेरी आग्‍या मान्‍त आये हैं, अब मैं तुम लोगन ते दूर हूं पर जब में तुमारे संगओ बउते जादा अब उतसाह के संग परमेस्‍वर की आग्‍या मानते भये आदर भाव ते अपने उद्धार के कामन कूं पूरौ करते जाऔ।

फिलिप्पियों 3:12

मेरौ जि मतलब नांय कै मैंनें सब चीज पाय लयीऐं या पूरी तरीका ते सिद्ध है गयौऊं पर मैं बा ईनामें पाबै काजै कड़ी मेहनत कर रौहूं जाके काजै ईसू मसीह नें मोय पैहले तेई बुलायौ है।

फिलिप्पियों 3:8

जाई मारे मैं पिरभू ईसू मसीहे जानबो सबसे अच्‍छौ फायदा समझूं और ग्‍यान के बारे में कहौ तौ सब बातन्नें काऊ काम की नांय समझूं, जाते मैं ईसू मसीहे पाय लऊं।

इब्रानियों 6:1

जामारैं आओ, मसीह की सिछा की सुरूआत की बातन नें छोड़कै, हम पूर्नता की ओर बढ़ें। हमें बिन बातन की ओर नांय बढ़नों चहिऐं जिनते हमनें सुरूआत करी हती, जैसे मौत की ओर लै जाबे बारे कामन के काजै मन फिराब, परमेस्‍वर में भरोसौ,

2 पतरस 3:8

पर मेरे प्यारे दोस्तो, एक बात तुमते नांय छिपी रैहबै, कै पिरभू के काजै एक दिनां एक हजार साल के बराबर कौऐ और हजार साल एक दिनां के बराबर की हैं।