फिलिप्पियों 2:15 - बृज भासा

¹⁵ जाते तुम निरदोस और पबित्र बनकें टेडे़ और जिद्‍दी लोगन के बीच में परमेस्‍वर की ऐसी सन्‍तान बनों, जापै कोई कलंक नांय होय। तुम संसार में ऐसे चमकौ जैसे आकास में तारे।

फिलिप्पियों 2:15 Iomraidhean Croise

मत्‍ती 10:16

“सुनों, मैं तुमें भेड़न की तरैह भेड़ियान के बीच में भेज रयौऊं। जामारै सांपन की तरैह चतुर और कबूतर की तरैह भोले बनों।

मत्‍ती 17:17

तब ईसू ने बिनते कही, “अरे अबिसबासी और हटीले लोगो मैं तुमारे संग कब तक रहूंगौ? और कब तक मैं तुमें सहुंगो? बा लड़का कूं मेरे जौरै लैके आऔ।”

मत्‍ती 5:45

जाई ते तुम अपने सुरगीय पिता की सन्‍तान ठहरौगे चौंकि बू भले और बुरे दोनोंन पै अपनों सूरज निकारे और बू भले और बुरे दोनोंन पै अपनों मेह बरसाबे है।

मत्‍ती 5:48

जामारै तुम सब तरैह ते सिद्ध है जाऔ जैसे कै तुमारौ सुरगीय पिता सिद्ध है।

लूका 6:35

बरन अपने दुसमनन ते पिरेम रखो और भलाई करौ और बापस पाबे की आस ना रखत भये उधार देउ, तौ तुम्हारे काजै बड़ौ फल होगौ और तुम परम पिरधान के सन्‍तान ठहरौगे, चौंकि जो परमेस्‍वर कौ धन्यबाद नांय करत और बिनके काजैऊ कृपालु है।

यूहन्‍ना 5:35

यूहन्‍ना बा दीया की तरैह तेऐ जो जरतै और उजीतौ देतै और कछू देर तक लोगन कूं बा उजीते ते मगन हैबो अच्‍छौ लगौ।

प्रेरितन के काम 2:40

पतरस नें भौत सी बातन ते उन्‍नें चेतावनी दयी और बिनती करके उनके संग उनते कही, “जा कुटिल पीढ़ी ते अपने आपकूं बचायकें रखौ।”

प्रेरितन के काम 20:30

और तुमारे बीच में भौत ते ऐसे लोग निकर आमिंगे जो चेलान कूं भटकायकै उने टेड़ी मेड़ी बात कहिंगे।

रोमियों 16:19

तुमारी आग्‍याकारिता की चर्चा बाहर हर काऊ तक पहुँच चुकी है। जामारै तुमते मैं भौत खुस हूं। पर मैं चाहतूं कै, तुम भलाई के काजै बुद्धिमान बने रहो और बुराई के काजै अबोध रहो।

1 कुरिन्थियों 1:8

पिरभू अन्‍त तक तुम लोगन कूं भरोसे में मजबूत बनांये रखैगौ, जाते तुम हमारे पिरभू ईसू मसीह के दिन में निरदोस पाये जाओ।

2 कुरिन्थियों 6:17

“जामारै पिरभू कैहतै कै, तुम बिनते बाहर आय जाऔ, उनते अपने आप कूं अलग कर लेओ अब कबऊ असुद्ध चीज कूं मत छूऔ। तब मैं तुमकूं अपनांऊंगौ।

इफिसियों 5:27

और बू बाय ऐसी कलिसिया के रूप में खड़ी कर सकै जामें ना कोई कलंक हो, ना कोई झुर्री हो ना कोई दोस होय पर पबित्र और निरदोस होय।

फिलिप्पियों 1:10

जाते तुम सही ते सही बातन कूं प्यारौ जानों और ईसू मसीह के आबे तक पबित्र और निरदोस बने रेयौ।

फिलिप्पियों 3:6

अगर मेरे जोस की बात करौ तौ कलिसिया पै अत्‍याचार करबे बारो और व्‍यबस्था की धारमिकता की बात करौ तौ मैं बिलकुल निरदोस हतो।

1 थिस्सलुनिकियों 5:23

सान्‍ती कौ परमेस्‍वर खुदई तुमें पूरी तरह ते पबित्र करै। और तुमारी आतमा, पिरान और सरीर, हमारे पिरभू ईसू मसीह के दुबारा आयबे तक, पूरी तरैह ते बिना दोस के बने रहें।

1 तिमुथियुस 3:10

बिन्नें पहलै तेई परख लैनों चहिऐ अगर बिनमें कोई दोस नां होय तौ बिन्नें कलिसिया के सेबक के रूप में काम करनों चहिऐ।

1 तिमुथियुस 3:2

पर जि जरूरी है कै बा कलिसिया के पिरधान पै कोई दोस नांय होनों चहिऐ वाकी एकई पत्नी होनी चहिऐ और संयमी, सुसील, सभ्य और अनजानेन कौ आदर सम्मान करवे बारौ और अच्‍छी सिछा दैबे बारौ हौनो चहिऐ।

1 तिमुथियुस 5:14

जाके मारे मैं चाहूं कै जबान बिधबाएं ब्याह करें, मां बनें और अपने घर बार कूं संमारे जाते काऊ बिरोधीऐ बिनपै दोस लगाबे कौ मौकौ नां मिले,

1 तिमुथियुस 5:20

पाप करवे बारेन कूं सबन के सामने फटकार जाते औरऊ लोग पाप करवे ते डरैं।

1 तिमुथियुस 5:7

तू सब लोगन कूं जिन बातन नें बता जाते बिनपै कोई दोस ना लग पावें।

तीतुस 1:6

और बिनमें कोई दोस ना होय, बू एकई पत्नी कौ पती हो, वाके बालक भरोसौ करबे बारे हों, और लुचपन कौ दोस बिनपै ना लगायौ जा सकै और बे आग्‍या मानबे बारे होंय।

तीतुस 2:10

और स्‍वामी के य्हाँ चोरी ना करै, पर सब तरैह ते अच्‍छे और भरोसे मन्द रैहमें। ऐसौ करबे ते बे हमारे उद्धारकरता परमेस्‍वर की सिछा की सोभा बढ़ांगे।

तीतुस 2:15

तू लोगन कूं इन बातन की सिछा पूरे अधिकार के संग दै और समझा बिन्नें हिम्मत दै और जरूरत होय तौ बिनें डाँट। कोई तोय तुच्‍छ नां जान पाबें।

इब्रानियों 7:26

जामारैं ऐसौई महान महा पुरोहित हमारी जरूरतन कूं पूरौ कर सकै, जो पबित्र हो, बिना दोस के हो, बिना कपट बारौ होय, पापिन ते दूर रहतौ हो और बू सुरग में उठायौ गयौ हो।

1 पतरस 2:12

गैर मसीह लोगन मेंऊ तुमारौ चाल-चलन अच्‍छौ होय। जामारैं बे तुमें जिन जिन बातन में सरीर की इच्‍छा कूं मारबे काजै तुमारी आतमा जूझती हती। बे भले कामन ने देखकैं पिरभू के आयबे के दिनन में परमेस्‍वर की महिमा करें।

1 पतरस 2:9

पर तुम लोग चुने भये वंस, राज पदधारी पुरोहितन के समाज, और पबित्र लोग और परमेस्‍वर की चुनी भई निज पिरजा हैं, जामारैं तुम लोगन कूं अन्धेरे में ते निकारकैं अपनी अदभुत उजीते की रोसनी में बुलायौऐ। तुम वाके गुन उजागर करौ।

2 पतरस 3:14

जामारैं हे मेरे प्यारे मित्रों, जब तुम इन बातन की आसा देख रयेऔ तौ तुम जि जतन करौ कै सान्‍ती ते पिरभू की नजर में दोस रहित बेकसूर ठहरौ।

प्रकासित बाक्य 2:5

जामारैं याद कर तू कहां ते गिरौ है, जामारैं मन फिरा और पैहले जैसे काम कर और अगर तू अपनों मन न फिराबैगौ तौ मैं तेरे जौरें आकैं बा स्थान ते तेरी दीबटें हटा दुंगो।

प्रकासित बाक्य 3:9

देख, मैं बिन दुस्टन की मन्‍डली कूं तेरे बस में कर दुंगो। जो यहुदी बन बैठे है, पर बे हत नांय और झूंठ बोलें। देख, मैं ऐसौ करूंगो कै बे आकें तेरे पामन में गिरिंगे तब तू जान लैबैगो के मैं तोते कितनों पिरेम करुं।