फिलिप्पियों 1:7 - बृज भासा

⁷ जि सही है कै मैं तुम सबन काजै ऐसौई सोचूं चौंकि तुम मेरे मन में बस गये हो। तुम सब बा अनुग्रह में मेरे हिस्सेदार है जो परमेस्‍वर नें मोए दियो है, चांहे मैं जेल में हूं या चांहे आजादी के संग सुभ समाचार की सच्‍चाईऐ लोगन कूं सुनाऊ।

फिलिप्पियों 1:7 Iomraidhean Croise

प्रेरितन के काम 20:23

मैं तौ बस इतनौ जानतूं के, पबित्र आतमा मोय हर समै जिय बताबते कै जेल की बेड़ी और परेसानी मेरौ इन्‍तजार कर रयी है।

प्रेरितन के काम 21:33

तब सेनापती और उन सिपाइन नें पौलुस कूं बन्दी बनांय लयौ, और बाय जंजीरन में बांधबे कौ आदेस दयो। जाके बाद बानें पूछी कै, “जि कोऐ और जानें का करौए?”

1 कुरिन्थियों 13:7

और पिरेम सब कछू ढाँक देतै, और सब बातन पै भरोसौ करतै, और पिरेम में आसा पूरी होतै। बू सब सैहबे बारौऐ।

1 कुरिन्थियों 9:23

जि सब कछू मैं मसीह के सुभ समाचार के काजै करतूं, जाते कै मैं दूसरेन के संग जामें भागीदार बन जाऊं।

2 कुरिन्थियों 3:2

हमारी चिठ्ठी तौ तुमईंयों, जो हमारे हृदय पै लिखी भई है, और बाईऐ सब लोग पढ़तैं और पैहचानतैं।

2 कुरिन्थियों 7:3

तुम मेते तौ कोई दोसी नांय, जो हम तुम पै दोस लगामें, चौंकि मैं तुमते पैहलेई कैह चुकौऊ कै तुम हमारे दिल में ऐसे बस गयेऔ कै हम तुमारे काजै जीबे मरबे काजै तैयार हैं।

गलातियों 5:6

ईसू मसीह में न तौ खतना बारेन कौ कोई महत्व है, और न बिना खतना बारेन को कोई महत्व है। मसीह में तौ केबल भरोसे के द्वारा जो पिरेम पिरगट भयौ है, बाई कौ महत्व है।

इफिसियों 3:1

जामारै मैं तुम जो गैर यहुदिन है बिनकी भलाई काजै ईसू मसीह की कैद में हूं।

इफिसियों 4:1

मैं पौलुस, जो पिरभू के सुभ समाचार सुनाबे की बजैह ते जेल में बन्दी हूं, तुमते बिनती करतूं कै जा बुलाहट ते तुम बुलाये गये हों बाई तरैह ते अपनों चाल-चलन रखौ।

इफिसियों 6:20

जा सुभ समाचार कै काजै मैं जंजीरन तै जकड़ो भयौ राजदूत हूं। और जऊ काजै पिराथना करै करौ कै जैसै परमेस्‍वर चाहतै बैसै सुभ समाचारए बड़े साहस के संग सुना सकूं।

फिलिप्पियों 1:12

हे भईयाओ, मैं चाहतूं कै तुम अब जि जान लेओ कै जो मोपै बीती है बाते सुभ समाचार की भौत बढ़ोत्‍तरी भई है।

फिलिप्पियों 1:13

जांह तक कै कैसर के राज भवन की सबरी पलटन और सब लोगन कूं जि पतौ चल गयौ है कि मैं ईसू मसीह कौ सेबक हूं, जाकी बजैह ते मैं जेल मेंऊ।

फिलिप्पियों 1:14

मेरे जेल में हैबे की बजैह ते जो पिरभू में मेरे भौत से भईया हैं बिनकूं हिम्मत मिल गयी है और बे बिना डर के परमेस्‍वर कौ वचन सुनाबतें।

फिलिप्पियों 1:5

चौंकि तुम सुरू तेई अब तक सुभ समाचार फैलायबे में मेरे संग रहे हो।

फिलिप्पियों 2:22

पर तिमुथियुस के बारे में और वाके व्‍यवहार के बारे में तुम जानतो जैसे एक बेटा अपने पिता के संग रैहकें, वाके सब कामन नें करै, बाई तरैह ते बानें सुभ समाचार की सेबा मेरे संग रैहके करिऐ

फिलिप्पियों 4:14

जेऊ भलौऐ कै तुमनें संकट में मेरे संग रेह के मेरौ संग दियो है।

फिलिप्पियों 4:15

है फिलिप्पियों तुम लोग जानें कै जब मैं सुभ समाचार की सुरूआत करबे काजै मकिदुनियां ते चले गयौ तौ तुम लोगन नें छोड़ कें और काऊ कलिसिया नें मेरी मदत नांय करी।

फिलिप्पियों 4:3

हे मेरे प्यारे सच्‍चे संगी सुजुगे, मैं तोते बिनती करतूं कै तू बिन औरतन की मदद कर चौंकि बिन्‍नें मेरे संग सुभ समाचार फैलायबे में क्लेमेस और अन्य सहकर्मी लोगन के संग भौत परेसानी उठाई है, चौंकि परमेस्‍वर नें बिनकौ नाम जीबन की किताब में लिखौ है।

कुलुस्सियों 4:18

अब मैं पौलुस खुद अपने हातन ते जा चिठ्‌ठी में नमस्‍कार लिख रयौ हूं। मैं जेल खाने में बन्द हूं और मेरे हात हतकड़िन में बंधे भये हैं। तुम पै परमेस्‍वर कौ अनुग्रह होतौ रैहबै। ऐसौई हैबै।

कुलुस्सियों 4:3

और हमारे काजैऊ पिराथना करै करौ, कै परमेस्‍वर हमारे काजै वचन कूं सुनाबे कौ ऐसौ रस्ता खोल दैबै जाते हम मसीह के वचन कूं खुलकै और वाकी रहस्‍यमयी बातन कूं लोगन कूं बता सकें जाके कारन मैं जेल में बन्दी हूं।

1 थिस्सलुनिकियों 5:5

चौंकि तुम सब ज्‍योति की सन्‍तान हो मतलब दिन की सन्‍तान हो। हम ना अन्धेरे की सन्‍तान है और ना रात की सन्‍तान है।

2 तिमुथियुस 1:8

जामारैं तू हमारे पिरभू और मेरी गबाही ते लज्‍जित मत हैबै। मैं जो ईसू मसीह के पीछे चलवे की बजैह ते जेल में हूं, पर परमेस्‍वर की सामर्थ के अनुसार सुभ समाचार के काजै मेरे संग दुख उठा।

2 तिमुथियुस 2:9

जा सुभ समाचार काजै मैं अपराधिन की तरैह दुख उठाऊं य्हां तक कै जेल में बन्द हूं, पर परमेस्‍वर कौ वचन बन्दी नांय।

फिलेमोन 1:13

चौंकि मैं सुभ समाचार की बजैह ते जेल में हूं, मैं जाय अपने जौरें रखबौ चाहतो, कै बू तेरे बदले मेरी सेबा कर सकै।

इब्रानियों 3:1

हे पबित्र भईया बहनों, तुम जो एक सुरगीय बुलावे के सहभागी हैं, जामारैं परमेस्‍वर के भेजे भये और महा पुरोहित ईसू पै अपनों ध्‍यान लगाये रखौ, जापै हम भरोसौ करैं।

1 पतरस 4:13

अगर तुम लोग सताये जाओ तौ मसीह के दुख भोगबे में सहभागी बन जाबे के नाते खुस रैहौ। जा दिनां मसीह की महिमा पिरकट हैबैगी, तब तुम लोग खुसी मनांगे।

1 पतरस 5:1

तुमारे बीच में जो कलिसिया के अगुवा हैं, मैं बिनते बिनती करुं। मैं खुद एक अगुवा हूं और मसीह ने जौ ताड़ना झेलीऐं, बिनकौ मैं खुद गबाह हूं और वाकी हैबे बारी महिमा कौ संगी हूं।

2 पतरस 1:13

जब तक मैं जा सरीर में हतूं तब तक तुमें याद कराकें चेतातौ रहुंगो, जाय मैं अपने काजै ठीक समझूं।

1 यूहन्‍ना 3:14

हम जान्‍तें कै हमनें मौत तै निकरकै जीबन में पिरवेस करौ है, चौंकि हम अपने बिसबासी भईया और बहनन ते पिरेम करतें जो पिरेम नांय करे बू मौत की दसा में रैहतें।