फिलिप्पियों 1:6 - बृज भासा

⁶ मोय जा बात कौ भरोसौ है, कै परमेस्‍वर नें जि भलौ काम तुमारे बीच में सुरू करौये, परमेस्‍वर जा काम कूं पिरभू ईसू मसीह के आयबे तक पूरौ करैगौ।

फिलिप्पियों 1:6 Iomraidhean Croise

यूहन्‍ना 6:29

ईसू नें बिनते कही, “परमेस्‍वर जि चाहतै, कै मोय, जिसे बानें भेजौए बापै भरोसौ करौ?”

प्रेरितन के काम 11:18

जे बातें सुनकें बे यहुदी भरोसौ करबे बारे चुप है गये और बिन्‍नें जि कहते भये परमेस्‍वर की महिमा करी कै, “परमेस्‍वर ने गैर यहुदियन कूअऊं पापन ते मन फिरायबे कौ मौकौ दयौ है, जो जीबन के माऊं लै जातै।”

प्रेरितन के काम 16:14

बिन औरतन में लुदिया नाम की औरत हती बू थूआतीरा नगर की रैहबे बारी हती जो कीमती बैजनीं कपड़न कौ बौपार करती हती, जो परमेस्‍वर पै भरोसौ करबे बारी हती। और पिरभू ने वाकौ मन खोलौ ताकि बू पौलुस की सिछा पै ध्‍यान दै सकै।

1 कुरिन्थियों 1:8

पिरभू अन्‍त तक तुम लोगन कूं भरोसे में मजबूत बनांये रखैगौ, जाते तुम हमारे पिरभू ईसू मसीह के दिन में निरदोस पाये जाओ।

2 कुरिन्थियों 1:15

जाई भरोसे की बजैह ते मैंनें तुमारे जौरे दो बार आयबे की ठानी है जाते तुमें दो बार आसीरबाद मिले।

2 कुरिन्थियों 2:3

जेई बात मैने तुमारे काजै बा चिठ्‌ठी में लिखीं हती कै, जब मैं तुमारे जौरे आऊं तौ जिनते मोय आनन्द मिलनौ चहिऐं, बेई मोय दुखी करै। चौंकि मेरौ तुम सब लोगन में जि भरोसौ रहोऐ के मेरी खुसी में तुम खुस रहो।

2 कुरिन्थियों 7:16

मोय भौत खुसी है, चौंकि मैं पूरी तरैह ते तुम लोगन पै भरोसौ रख सकतूं।

2 कुरिन्थियों 9:4

कऊं ऐसौ ना होबें, जब कछू मकिदुनियां के रैहबे बारे मेरे संग तुमारे जौरे आबे और तुमें तैयार नांय पाबे तौ, हम बा बिसबास की बजैह जाय हमनें तुम पै करौऔ लज्‍जित हुंगे और तुमतौ औरऊ जादा लज्‍जित होंगे।

गलातियों 5:10

मोय पिरभू में तुम पै पूरौ भरोसौ है कै तुम काऊ दूसरी बिचार धाराये नांय अपनांगे। पर तुमें डरपाबे बारे चाहे कोई चौं नांय होवें, बू परमेस्‍वर ते दन्ड पावेंगे।

इफिसियों 4:12

जाते परमेस्‍वर के पबित्र लोग सिद्ध है जावें और सेबा कौ काम और बढ़ जाये, जाते मसीह की देह और जादा उन्‍नति पाबै।

फिलिप्पियों 1:10

जाते तुम सही ते सही बातन कूं प्यारौ जानों और ईसू मसीह के आबे तक पबित्र और निरदोस बने रेयौ।

फिलिप्पियों 1:29

तुम लोगन कूं ईसू मसीह पै भरोसौ करवे कौई नांय बल्कि वाकी वजह ते दुख भोगबे कौऊ वरदान मिलौ है।

फिलिप्पियों 2:12

हे मेरे प्यारे भईयाओ, तुम लोग सदां ते मेरी आग्‍या मान्‍त आये हैं, अब मैं तुम लोगन ते दूर हूं पर जब में तुमारे संगओ बउते जादा अब उतसाह के संग परमेस्‍वर की आग्‍या मानते भये आदर भाव ते अपने उद्धार के कामन कूं पूरौ करते जाऔ।

फिलिप्पियों 2:13

परमेस्‍वर नें अपने उद्‍देस्‍ये पूरौ करवे काजै तुम लोगन के मन में जि इच्‍छा जगाईये और बा कामें करबे काजै सक्‍तीऊ दयीऐ।

फिलिप्पियों 2:16

जब तुम जीबन दैवे बारे सुभ समाचारए सुनातौ और ऐसौ करतैं तौ पिरभू ईसू मसीह के आयबे के दिना मोय तुम पै घमन्ड होगौ कै, मेरी दौड़ और मेहनत बेकार नांय गयी।

कुलुस्सियों 2:12

जा दिना तुमनें बपतिस्मा लियौ बाई दिना तुम वाके के संग गाढ़ेऊ गये तबई हमें परमेस्‍वर की ताकत पै भरोसौ भयौ और जा परमेस्‍वर नें ईसू मसीह कूं मरे भये में ते जिन्दौ करौ वाके संग हमऊं जीन्दे है गये।

1 थिस्सलुनिकियों 1:3

और अपने परमेस्‍वर पिता के सामने तुमारे भरोसे के काम, पिरेम के काम और कठिन मेहनत और हमारे पिरभू ईसू मसीह में आसा ते उत्‍पन्‍न तुमारी सहन सीलता कूं लगातार याद करैं।

2 थिस्सलुनिकियों 1:11

जामारैं हम लगातार तुमारे काजै जि पिराथना करतै कै, हमारौ परमेस्‍वर तुमें कबऊ नांय खतम हैबे बारे जीबन लायक बनामें जाके काजै तुम बुलाए गये हो। हम चाहमें कै परमेस्‍वर तुमें अपनी सामर्थ ते भर दैबै, जाते तुम भलाई की हरेक इच्‍छा और भरोसे के हरेक काम कूं पूरौ कर सकैं।

2 थिस्सलुनिकियों 3:4

हमें पिरभू में तुमारे ऊपर पूरौ भरोसौ है कै हम तुमें जो जो आग्‍या दैमें बिन्नें तुम मानें और मानते रिंगे।

फिलेमोन 1:21

मैं तेरी आग्‍याकारिता पै भरोसौ करकें लिख रयौऊं और मैं जेऊ जानतूं के मैं जो कछू कहुंगो तू बाते ज्‍यादा करैगौं।

इब्रानियों 10:35

जामारैं हिम्मत कूं मत त्‍यागौ, चौंकि जाकौ भरपूर प्रतिफल दियौ जाबैगौ।

इब्रानियों 12:2

आओ हम, हमारे भरोसे के मालिक और सिद्ध करबे बारे ईसू पै नजर लगायें, जानें बा आनन्द के काजै जो वाके सामने मौजूद हतो, लज्‍जा की कछू चिंता नां करके क्रूस कौ दुख सहयौ, और परमेस्‍वर के सिंहासन के दाहिने हात बैठ गयौ।

1 पतरस 5:10

अब परमेस्‍वर सबरी किरपा करबे बारौ है, जानें तुमकूं ईसू मसीह में कबऊ नांय खतम हैबे बारी महिमा में सामिल हैबे काजै बुलायोऐ, अब थोड़े समै के दुख उठाबे के बाद बू तुमें मजबूत करैगौ और टिके रैहबे में बलबन्‍त करैगौ।

2 पतरस 3:10

पर पिरभू कौ दिना चोर की नाईं आबैगौ। बा दिना भयंकर गरजन के संग आकास बिलीन है जाबैगौ, आकास के पिन्‍ड आग में जरकें नास है जांगे, और जा धरती और धरती के सबरी चीज आग में जर जांन्गी।