फिलिप्पियों 1:20 - बृज भासा

²⁰ और मैं जि चाहूं और जेई आसा है मैं चाहे जीऊं चाँहे मरूं, मोय काऊ बात ते बेइज्जत नांय होनों पडे़गौ। और ईसू मसीह की बड़ाई मेरे जीबन ते होती रैहबै।

फिलिप्पियों 1:20 Iomraidhean Croise

यूहन्‍ना 21:19

ईसू नें जि दिखाबे काजै जि बात कही, कै पतरस कैसी मौत ते परमेस्‍वर की महिमा करैगौ। इतनी कैहके बानें बाते कही, “कै मेरे पीछै आजा।”

प्रेरितन के काम 20:24

पर मेरे काजै मेरे पिरान की कोई कीमत नांय। मैं तौ बस बा दौड़ धूप और बा सेबा कूं पूरौ करबौ चाहतूं। जाय मोय पिरभू ईसू ने सोंपौए कै, परमेस्‍वर की किरपा के समाचार की गबाही दूं।

प्रेरितन के काम 21:13

जापै पौलुस ने उनते कही, “तुम जि का कर रयेऔ, रोय रोयकै मेरौ दिल चौं तोर रयेऔ? मैं तौ पिरभू ईसू के नाम के काजै येरूसलेम में बांधे जायबे काजैई नांय, पर मैं तौ मरबे तक तईयारऊं।”

प्रेरितन के काम 4:31

जब उन्‍नें पिराथना पूरी करी तौ जा जगह पै बे सब इकठ्‌ठे हते, बू हिलबे लगी और उन सबन में पबित्र आतमा समा गयौ, और बे बिना डरके सामर्थ के संग परमेस्‍वर के वचन बोलबे लगे।

रोमियों 12:1

जामारै हे भईया बहनों, परमेस्‍वर की दया कूं याद दिलाकै, मैं तुमते निबेदन करतूं कै, अपने सरीर कूं जीबित और पबित्र बलिदान के रूप में परमेस्‍वर कूं खुस करते भये चढ़ाऔ। जि तुमारी आतमिक सेबा है।

रोमियों 5:5

जि आसा हमें निरास नांय होन देत चौंकि पबित्र आतमा के द्वारा, जो हमें दयौ गयौ है, परमेस्‍वर कौ पिरेम हमारे हिरदयन में उँडेल दयौ गयौ है।

रोमियों 6:13

अपने सरीर के अंगन कूं अधर्म की सेबा के काजै पाप के हबाले ना करो, पर मरे भयेन में ते जी उठबे बारेन के समान परमेस्‍वर के हबाले कर दो। और अपने सरीर के अंगन कूं धारमिकता की सेबा के साधन बनबे काजै परमेस्‍वर के हबाले कर दो।

रोमियों 6:19

मैं एक उदाहरन दे रयौऊं, जाय सब लोग समझ सकें चौंकि बाय समझबौ तुम लोगन के काजै कठिन है। चौंकि तुमने अपने सरीर के अंगन कूं कुकरम के काजै असुद्धता और कुकर्म के दास के रूप में सौंप दयौ हतो, अब तुम लोग ठीक बैसे ही अपने सरीर के अंगन कूं दास के रूप में धारमिकता के हाथों सौंप दो जाते बू पबित्र है जाबें।

रोमियों 8:19

चौंकि जि सबरी सृस्‍टी बड़ी आसा ते बा समै कौ इंतजार कर रयी है, जब परमेस्‍वर की सन्‍तान कूं पिरकट करौ जाबेगौ।

रोमियों 9:33

जैसौ कै पबित्र सास्त्र में लिखौ भयौ है, “देखौ, मैं सियोन में एक पत्‍थर रख रयौऊं, जो ठोकर दिलातै, और एक चट्‍टान जो पाप करातै। पर बू जो बामें भरोसा करतै, बाय कबऊ निरास नांय होनों होगौ।”

1 कुरिन्थियों 15:31

हे मेरे भईया बहनों, तुम हमारे पिरभू ईसू मसीह में बने भये हो, जामारै मैं तुम पै घमन्‍ड करतूं, जि बात जितनी सच्‍ची है, उतनी जेऊ सच्‍ची है कै, “मोय वाकी बजैह ते रोजाना मौत कौ सामनो करनों परतै।”

1 कुरिन्थियों 6:20

चौंकि तुम लोग तौ दाम लैकें मोल लै लये गयेऔ। जामारै तुमें अपने सरीर के द्वारा परमेस्‍वर की महिमा करनी सईऐ।

1 कुरिन्थियों 7:34

जा तरैह ते, कुआरी और सादी सुदा अन्‍तर है। एसेई क्वारी औरतऊ पिरभू के बारे में चिन्‍ता करतै कै बू अपने सरीर और आतमा दोनोंन कूं पबित्र रख सके। पर जा औरत कौ ब्याह है जाबे बू सांसारिक बातन में और अपने पती कूं हर तरैह ते खुस करबे और रिझायबे में लगी रहतै।

2 कुरिन्थियों 10:8

अगर मैं बा अधिकार के बारे में औरऊ घमन्‍ड करूं, जो पिरभू नें हमे तुमारे बिनांस के काजै नांय, पर आतमिक जीबन के काजै दयौ है, तौ जामें लज्‍जित नांऊ।

2 कुरिन्थियों 3:12

अपनी जाई आसा की बजैह ते हम बिना डर ते बोलतें।

2 कुरिन्थियों 4:10

हम हर समै अपने सरीर में ईसू की मौत कूं लये फिरतै, जाते ईसू कौ जीबनऊ हमारे सरीरन में पिरगट होय।

2 कुरिन्थियों 5:15

और बू सबन के काजै मरौ ताकि जो लोग जीबित है, बे अपने काजै नांय जीबें, बल्कि वाके काजै जीबें जो बिनके काजै मर गयौ और फिर जीबित करौ गयौ।

2 कुरिन्थियों 7:14

मैंनें वाके सामने तुम लोगन पै जो घमन्‍ड दिखायौ वाके काजै मोय सर्मिन्दा नांय होनों परौ। पर हमनें जैसौ सच सांच कहौ, बैसौई तुमारे बारे में तीतुस के आयबे पै हमारौ घमन्‍ड सही साबुत भयौ।

2 कुरिन्थियों 7:4

मैं तुमते हिम्मत के संग बोल रयौऊं। मैं तुम पै बड़ौ घमन्‍ड कर रयौऊं। जाते मोय बड़ी सान्‍ती मिलतै,और मैं सबरे दुख में बड़े भरपूर आनन्द के संग रैह रयौऊं।

फिलिप्पियों 1:14

मेरे जेल में हैबे की बजैह ते जो पिरभू में मेरे भौत से भईया हैं बिनकूं हिम्मत मिल गयी है और बे बिना डर के परमेस्‍वर कौ वचन सुनाबतें।

फिलिप्पियों 2:17

मोय तुमारे भरोसे रूपी बलिदान और सेबकाई काजै खूनंऊ बहानों पडै़ तौऊं मैं आनन्दित हुंगो और तुम सबन के संग आनन्द करुंगो।

कुलुस्सियों 1:24

अब मैं तुमारे काजै जो कस्ट उठाऊं बामें मोय बड़ौ आनन्द प्राप्‍त हैबै, और मसीह के सरीर रूपी कलिसिया के काजै मसीह नें जो कस्ट भोगो है बामें मैं लगातार वाके संग सहभागी बन रौऊँ।

1 थिस्सलुनिकियों 5:23

सान्‍ती कौ परमेस्‍वर खुदई तुमें पूरी तरह ते पबित्र करै। और तुमारी आतमा, पिरान और सरीर, हमारे पिरभू ईसू मसीह के दुबारा आयबे तक, पूरी तरैह ते बिना दोस के बने रहें।

1 पतरस 4:16

अगर तुम मसीह कूं मानबे की बजैह ते दुख उठामें तौ तुमें सरमानों नांय चहिऐं। पर तुमें मसीह के नाम कूं मानौऐ जा बजैह ते परमेस्‍वर की महिमा करनी चहिऐं।

1 यूहन्‍ना 2:28

हे मेरे प्यारे बालकौ! अब तुम मसीह में बने रहौ, चौंकि जब बू बापस आबेगौ, तौ तुममें हिम्मत होगी और वाके सामईं लज्‍जित नांय होनों परैगौ।