फिलिप्पियों 1:18 - बृज भासा

¹⁸ पर मोए इन बातन ते कोई फरक नांय परै। चाँहे बुरी इच्‍छा ते, चाँहे अच्‍छी इच्‍छा ते मसीह के सुसमाचर कौ पिरचार तौ है रयौ है, जाते मैं भौत आनन्द में हूं। और मैं आनन्द मेंई रहुंगो,

फिलिप्पियों 1:18 Iomraidhean Croise

मत्‍ती 23:13

“हे कपटी सास्त्रन कूं सिखाबे बारेऔ और फरीसियौ तुम पै हाय। तुम आदमिन कै काजै सुरग के राज में जायबे बारे दरबाजे कूं बन्द कर देतौ, ना तौ तुम खुद जामें और जो सुरग में जायबौ चाहते बिननेंऊ नां जान दैमें।

मरकुस 12:40

बे बिधबान की सम्पंत्‍ती हड़प जावें। और दिखावे काजै बे लम्बी-लम्बी पिराथनांयें करते रहतें इन लोगन कूं परमेस्‍वर ज्‍यादा दन्‍ड दैवेगौ।

लूका 9:45

पर जि बात चेलान की समझ में नां आई और बा बात कौ मतलब बिनते छिपौ रहौ और जि बात बिनकी समझ में नांय आयी। जाके बारे में बे ईसू ते पूछबे में डरते हते।

लूका 9:50

ईसू नें बाते कही, “बाय मत रोकौ। चौंकि जो तुमारे बिरोध में नांय बू तुमारेई पच्‍छ में है।”

रोमियों 3:9

तौ फिर हम का कहें? का हम यहुदी, गैर यहुदिन ते काऊ तरैह ते अच्‍छे है, नांय बिलकुल नांय। चौंकि हम पैहलेई यहुदी और गैर यहुदिन के बारे में जि कैह चुके हैं कै, बे सबके सब पाप के वस में हैं।

रोमियों 6:15

तौ हम का करें? का हम पाप करें, चौंकि हम व्‍यबस्था के अधीन नांय, पर परमेस्‍वर की किरपा के अधीन जीन्दे हैं? कबऊ नांय।

1 कुरिन्थियों 10:19

का मैं जि कैह रयौ कै, मूरतीन के आगे चढ़ाई भई चीज या मूरती कछू मायने रखतै।

1 कुरिन्थियों 14:15

तौ फिर का करनों चहिऐं? मैं अपनी आतमा ते तौ पिराथना करूंगोई, पर अपनी समझ तेऊ पिराथना करूंगो और मैं आतमा और समझ ते भजन गाऊंगो।

1 कुरिन्थियों 15:11

जामारै चाहे बे होंय या मैं होऊं, हम सब बाई पिरचार कूं करतैं, जापै हमनें और तुमनें भरोसौ करौ है।

फिलिप्पियों 1:19

चौंकि मैं जानतूं कि तुमारी पिराथना और ईसू मसीह की आतमा की मदद ते इन बातन कौ फल जि होगो कै मैं जेल ते छूट जाऊंगो।