फिलिप्पियों 1:15 - बृज भासा

¹⁵ कछू लोग तौ ईरसा ते, कछू लड़ाई कै बजैह ते और कछू भली इच्छा ते ईसू मसीह कौ पिरचार करतें।

फिलिप्पियों 1:15 Iomraidhean Croise

मत्‍ती 23:5

“बे अपने हात और माथे पै बांधबे बारे ताबीजन कूं, जामें बे सास्त्र रखतें, बिनें बे चौंड़ौ बनबातें, और अपने कपड़न की झालरन कूं बढ़ी भयी रखतै। बे जि सब काम लोगन कूं दिखाबे काजै करतैं। जाते के लोग बिनैं धरमातमा समझें।

प्रेरितन के काम 10:36

तुम जानतौ जो वचन परमेस्‍वर नें इसरायलीन के जौरे भेजौ, बुई सान्‍ती कौ सुभ समाचार हमें ईसू मसीह के द्वारा सुनांयौ, जो सबन कौ पिरभूए।

प्रेरितन के काम 11:20

पर बिनमेंई कछू लोग कुरेनी और साइप्रस के रैहबे बारे हते जौ अन्ताकिया में आयकें, यूनानिन कूंअऊं पिरभू ईसू कौ सुभ समाचार सुनाबत हते।

प्रेरितन के काम 5:42

फिर बड़े पिराथना घर और घर-घर में रोजाना जि सुभ समाचार देते कै, “ईसू अई मसीह हतुए” सिछा दैबौ और पिरचार करबौ उन्‍नें कबऊ नांय छोड़ौ।

प्रेरितन के काम 8:35

फिलिपुस ने पबित्र सास्त्र के बा पाठ ते लेकै ईसू के सुभ समाचार तक बाय सब सुनांयौ।

प्रेरितन के काम 8:5

फिलिपुस सामरिया के एक नगर में जायकें, लोगन में मसीह कौ पिरचार करबे लगे।

प्रेरितन के काम 9:20

फिर बू तबई म्हांपै यहुदी पिराथना घरन में भीतर जायकै ईसू के बारे में पिरचार करबे लगौ कै, “ईसू अई परमेस्‍वर कौ बेटाऐ।”

रोमियों 2:8

पर जो लोग स्‍बार्थी हैं और सच्‍चाई कूं ना मानकै अधर्म के पीछै चलतै, बे परमेस्‍वर के क्रोध और प्रकोप के पात्र होंगे।

1 कुरिन्थियों 1:23

पर हम तौ क्रूस पै चढ़ाये गये मसीह कौ पिरचार करतै। जि सिछा यहुदिन के भरोसे में बाधा है और गैर यहुदिन काजै मूरखता है।

1 कुरिन्थियों 13:3

अगर मैं अपनी सबरी धन-दौलत गरीबन में बांट दूं और सुभ समाचार काजै मैं देह के सबरे अंगन कूं जरायबे काजै दैदूं और मैं पिरेम नांय करूं, तौ जाते मेरौ भलौ हैबे बारौ नांय।

2 कुरिन्थियों 1:19

चौंकि सिलबानुस, तिमुथियुस और मैने, तुमारे बीच में परमेस्‍वर के बेटा, ईसू मसीह, के वचन कौ पिरचार करौऐ। बामें “हाँ” और “ना” दोनों नांय हते। ईसू मसीह में केवल “हाँ” ही होतै।

2 कुरिन्थियों 11:13

चौंकि बे लोग बनाबटी भेजे भये चेलाऐ और छल ते काम करबे बारे है। जो मसीह के भेजे भये चेला हैबे कौ ढोंग करतें।

2 कुरिन्थियों 12:20

चौंकि मोय डर है कै, कऊं ऐसौ ना होबे कै, मैं तुमारे जौरे आयकै जैसौ तुमें चाहतूं, वेसौ ना पांऊ, और तुमंऊ मोय वेसौ ना पाओ जैसौ मोय पानों चाहतौ। कऊं ऐसौ ना होबे कै मैं तुम लोगन के बीच में आपसी झगड़े, ईरसा, बैर, स्‍बार्थीपन, गुस्सा, चुगली, घमन्‍ड,और बखेड़े पाऊं।

2 कुरिन्थियों 4:5

चौंकि हम अपनों नांय पर मसीह ईसू कौ पिरचार करतें कै, बैई पिरभू है और वाके बारे में जि कैहते कै, हम ईसू की बजैह ते तुमारे सेबक है।

गलातियों 2:4

जि सब बिन झूंठे भईयन की बजैह ते भयौ है, जो हम में चोरी ते घुस आये हते, जो आजादी हमें मसीह ईसू ते मिली है वाकौ भेद लैके हमें दास बनावें।

फिलिप्पियों 2:3

खुद कौ मतलब निकारबे काजै बुरी इच्‍छा ते कछू मत करौ, बल्कि अपने आप कूं छोटो करके एक दूसरे कूं अपने ते अच्‍छौ समझौ

1 तिमुथियुस 3:16

और जामें कोई संदेह नांय के भक्‍ती को भेद कैसौ महान है, बू जो आदमी के रूप में पैदा भयौ, आतमा में धरमी ठहरो, सुरग दूतन कूं दिखाई दीयो, देस देस के लोगन में बाको पिरचार करौ गयौ, संसार में बापे भरोसौ करो गयौ, और जो महिमा में सुरग में उठायौ गयौ।