इफिसियों 2:3 - बृज भासा

³ हम सबऊ पैहले अपने सरीर की लालसान में दिन बिताते और अपने सरीर और मन की इच्‍छान कूं पूरी करते हते। हम खुद दूसरे लोगन की तरैह ते परमेस्‍वर की गुस्सा के लायक हते।

इफिसियों 2:3 Iomraidhean Croise

मरकुस 4:19

पर सांसारिक चिन्‍तांए, धन कौ लालच और दूसरी चीजन कौ लालच बिनमें घुसकें वचन कूं दाब लैवे है। जाते बे फल नांय ला सके।

यूहन्‍ना 1:13

बे खून और मांस ते पैदा नांय भये, और न काऊ आदमी की इच्‍छा ते पर परमेस्‍वर की इच्‍छा ते आतमिक रूप ते पैदा भये।

यूहन्‍ना 8:44

तुम अपने पिता सैतान की सन्‍तानों और तुम अपने पिता की इच्‍छा पै चलबौ चाहतौ। बू तौ सुरू तेई एक हत्‍यारा हतो और बानें सच्‍चाई कौ संग कबऊ नांय दयौ चौंकि बामें सच्‍चाई हतई नांय। वाकौ तौ सुभाव झूंठ बोलबौ है चौंकि बू झूठोऐ और झूंठ कौ बापै।

प्रेरितन के काम 14:16

“परमेस्‍वर नें पिछले समै में सब जातीन कूं अपनी अपनी रस्ता पै चलने दियौ।

रोमियों 1:24

जामारै परमेस्‍वर ने बिन्‍नें मन की बुरी इच्‍छान के हातन में सौंप दयौ है। ताकि बे एक दूसरेन के संग कुकर्म करके सरीरन कौ अनादर करबे लगें।

रोमियों 11:30

चौंकि जैसे तुम गैर यहुदी पहले कबऊ परमेस्‍वर की आग्‍या नांय मानते हते, पर अब यहुदी लोगन के आग्‍या ना मानबे की बजैह ते परमेस्‍वर की दया मिली है,

रोमियों 13:14

पर पिरभू ईसू मसीह के सुभाब कूं धारन करौ। और अपनी सांसारिक देह की इच्‍छान कूं पूरौ करबे मेंई मत लगे रहो।

रोमियों 2:14

जब गैर यहुदी, जिनें व्‍यबस्था नांय मिली, तबऊ बे खुद अपने सुभाव ते वाकी आग्‍यान कूं मानते हते, तौ चाहे बिनके जौरे व्‍यबस्था नांय तौऊं अपने काजै बे खुदई व्‍यबस्था हैं।

रोमियों 5:10

चौंकि जब हम बैरी हते, बानें अपनी मौत के द्वारा परमेस्‍वर ते हमारौ मेल-मिलाप करायौ तौ अब जब हमारौ मेल-मिलाप है चुकौ है, तौ वाके जीबन के द्वारा पक्‍कौई हमारौ उद्धार होगौ।

रोमियों 5:9

चौंकि अब जब हम वाके लहू के बजैह ते धरमी है गये है तौ अब वाके द्वारा परमेस्‍वर के क्रोध ते जरूरई बचाये जाबेंगे।

रोमियों 6:12

जामारै तुमारे नांसबान सरीरन के ऊपर पाप कौ जोर ना चले। ताकि तुम पाप की इच्‍छान पै कबऊ ना चलो।

रोमियों 7:18

हाँ, मैं जान्तूं कै, मोमें यानी मेरे भौतिक मानव सरीर में काऊ अच्‍छी चीज का बास नांय। भलौ करबे के इच्‍छा तौ मोमें है, पर नेक काम मोते नांय होत।

रोमियों 9:22

अगर परमेस्‍वर ने अपनों क्रोध दिखाबे और अपनी सामर्थ जताबे के काजै बिन लोगन कूं जो क्रोध के पात्र हते और जिनकौ बिनांस हैबे कूं हते, बड़े धीरज के संग सहन करौ।

1 कुरिन्थियों 4:7

कौऐ बू जो तुमकूं दूसरेन ते जादा महत्व देतै? तुमारे जौरे का है, जो तुमें ना दयौ होय? और अगर तुमकूं सब कछू दयौ गयौ है तौ जापै घमन्‍ड चौं करतौ जैसे कै जि तुमें दयौ ना गयौ होबे?

2 कुरिन्थियों 7:1

हे प्यारे भईयाओ, हमते जि प्रतिग्‍या मिली है कै, अपने सरीर और मन की सब तरैह की गंदगी कूं तियागकें, परमेस्‍वर को भय मानकें, अपनी आतमा कूं सुद्ध करौ और अपने आप कूं पूरी तरैह ते सुद्ध हैबे की कोसिस करौ।

गलातियों 3:22

पर पबित्र सास्त्र लिखौ है, कै पाप नें सब कूं गुलाम कर लियौ है, ताकि बू बाचा जाकौ आधार पिरभू ईसू मसीह पै है पूरी होय और भरोसौ करबे बारेन में होय।

इफिसियों 2:2

चौंकि तुम पैहलेई संसार की बुरी रस्ता पै चलत भये बिन आकास के अधिकार के हाकिम मतलब बा दुस्‍टआतमान के तरीका ते चलते हते। ये आतमाए बिन आदमिन के हृदय में काम करै जौ परमेस्‍वर के आग्‍या कूं नांय मान्‍त।

इफिसियों 4:22

तौ तुम लोगन नें अपनों पैहलौ सुभाब और आचरन त्‍याग दैनों चहिऐं। जो धोकौ दैवे बारी रस्ता पै चलायकै तुमारौ नांस करतें।

कुलुस्सियों 1:21

बू एक समै हतो जब तुम अपने बुरे बिचार और बुरे कामन की वजह ते परमेस्‍वर ते भौत दूर और वाके बिरोधी हते।

1 थिस्सलुनिकियों 4:13

हे भईयाओ हम चांहतै कै तुम अपने मरे भये बिसबासी लोगन के दुबारा ते जी उठिवे के सच कूं जानों, जाते कै तुम अबिसबासी लोगन की तरैह ते निरास हैके दुखी मत हो जिनके जोरै कोई आसा नांय।

1 थिस्सलुनिकियों 5:6

जामारैं हम औरन की तरैह ते अन्धकार में ना रहै पर खुद कूं बस में रखकै साबधान रहें।

1 तिमुथियुस 6:9

पर जो आदमी पईसा बारौ बनबौ चाहबे बू भौत सी बेकार और नुकसान दैवे बारी लालसान में फस जाते। ऐसी बातें लोगन नें बिगाड़ दैमें और बिनास के गढ्‍ढा में डुबा दैमें।

तीतुस 3:3

चौंकि हमऊं पैहले, निरबुद्धी, अग्‍या ना मानबे बारे, भटके भये, हर तरैह की बासना और सुखविलास के दास हते। हम बैर भाव और जलन रखबे में अपनों जीबन जीते और एक दूसरे ते नफरत रखते।

1 पतरस 1:14

तुम लोग आग्‍या मानबे बारे बालकन की तरैह बनकैं, बा समै की बुरी इच्‍छा के अनुसार काम मत करौ जो तुम पैहले करते हते, पैहले तुम अग्‍यानी हते।

2 पतरस 2:14

ऐसी औरत की ताक रैहमें कै जिनके संग कुकर्म करौ जा सके, जा तरैह बिनकी आंख पाप करबे ते बाज नांय आमें और बिचलित मन बारी औरतन कूं भरमाय लैमें हैं, और इनके मन पूरी तरैह ते लालच के आदी हैं। जे तौ स्राप की सन्तान हैं।

2 पतरस 2:18

बे बेकार की घमन्‍ड भरी बातनतें और लुचपन ते बिन लोगन कूं सरीर की अभिलासा में फसा लैमें जो भटके भयेन मेते निकर रये हैं।

1 यूहन्‍ना 2:16

चौंकि जो कछू जा संसार में है, जैसे सरीर की अभिलासा, मन की बुरी अभिलासा और जीबन कौ घमन्‍ड, जि सब परमेस्‍वर पिता की ओर ते नांय, पर संसार की ओर तेई है।

1 यूहन्‍ना 2:8

पर मैं तुम्हें एक और नयी आग्‍या लिख रौऊ। जो सच, मसीह के जीबन में और तुम्हारे जीबन मेंऊं पिरकट भयी है, चौंकि अंधेरौ मिट रयौ है और सच्‍चे पिरभू को उजीतौ चमकबे लगौ है।